Hoppa yfir valmynd
SkrifstofustörfHöfuðborgarsvæðiðLandlæknir

Ritari í leyfisveitingateymi hjá embætti landlæknis

Ritari í leyfisveitingateymi hjá embætti landlæknis

Svið eftirlits og gæða í heilbrigðisþjónustu óskar eftir að ráða ritara í leyfisveitingateymi. Teymið sér m.a. um veitingu starfsleyfa og sérfræðileyfa heilbrigðisstétta og tilkynningar um rekstur heilbrigðisþjónustu. Afgreiðsla umsókna um undanþágu frá aldursákvæði laga um heilbrigðisstarfsmenn til að reka starfsstofu í heilbrigðisþjónustu heyrir jafnframt undir teymið. Starfið er laust frá og með 1. janúar 2022 eða eftir samkomulagi. 

Helstu verkefni og ábyrgð

  • Móttaka, umsýsla og almenn afgreiðsla umsókna um starfsleyfi og tilkynninga um rekstrarleyfi heilbrigðisstétta.
  • Afgreiðsla fyrirspurna og erinda vegna starfsleyfa og staðfestinga á rekstri. 
  • Samskipti við umsækjendur.
  • Samskipti við erlenda aðila vegna starfsleyfa.
  • Þátttaka í umbótavinnu á sviðinu.
  • Þátttaka í stefnumótunarvinnu.
  • Önnur verkefni að beiðni sviðsstjóra eða landlæknis.

Hæfniskröfur

  • Stúdentspróf eða sambærileg menntun. 
  • Haldgóð reynsla af skrifstofustörfum er æskileg.
  • Reynsla á sviði stjórnsýslu er kostur.
  • Góð hæfni í notkun algengra skrifstofuforrita er skilyrði.
  • Mjög gott vald á talaðri og ritaðri íslensku.
  • Gott vald á talaðri og ritaðri ensku.
  • Lausnamiðuð, öguð og áreiðanleg vinnubrögð.
  • Hæfni og lipurð í samskiptum.
  • Frumkvæði, metnaður, skipulagshæfni, öguð og sjálfstæð vinnubrögð.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Við ráðningu er tekið mið af jafnréttisstefnu embættisins og við hvetjum einstaklinga af öllum kynjum til að sækja um starfið. 

Umsóknin gildir í 6 mánuði eftir að umsóknarfrestur rennur út nema umsækjandi ákveði annað. Embætti landlæknis áskilur sér rétt til að hafna öllum umsóknum. Öllum umsóknum verður svarað að ráðningu lokinni. 

Umsókn skal fylgja ítarleg náms- og starfsferilskrá, auk kynningarbréfs þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Mat á hæfni umsækjenda byggir á innsendum gögnum og viðtölum við umsækjendur. 

Embætti landlæknis starfar í samræmi við lög um landlækni og lýðheilsu. Hlutverk embættisins í hnotskurn er að stuðla að góðri og öruggri heilbrigðisþjónustu, heilsueflingu og öflugum forvörnum. Embættið hefur sett sér þrjú gildi sem starfsmönnum ber að hafa að leiðarljósi þ.e. ábyrgð, virðing og traust. Við erum heilsueflandi vinnustaður sem leggur áherslu á að efla mannauð og stuðla að góðri heilsu og líðan starfsmanna.

Starfshlutfall er 100%

Umsóknarfrestur er til og með 06.12.2021

Nánari upplýsingar veitir

Álfheiður Sif Jónasdóttir - [email protected] - 510 1900
Þórgunnur Hjaltadóttir - [email protected] - 510 1900

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira