Hoppa yfir valmynd
HeilbrigðisþjónustaHöfuðborgarsvæðiðLandspítali

Félagsráðgjafi - nýtt starf á bráðamóttöku Landspítala

Félagsráðgjafi - nýtt starf á bráðamóttöku Landspítala

Við leitum að öflugum félagsráðgjafa til starfa á bráðamóttöku Landspítala í Fossvogi. Um er að ræða tímabundið verkefni til eins árs. Þetta er nýtt, margþætt og spennandi starf og einstakt tækifæri til að koma að mótun og þróun félagsráðgjafar á bráðamóttöku. Á deildina leita sjúklingar á öllum aldri með flókinn, samsettan líf-, sál- og félagslegan vanda. 

Félagsráðgjafi starfar eftir starfslýsingu og felst starfið í að kortleggja, meta og setja í farveg félagsleg úrræði fyrir einstaklinga sem leita til bráðamóttökunnar. Hann kemur að lausn flókinna útskriftamála og þekkir vel boðleiðir innan heilbrigðiskerfisins sem og félagsþjónustu og gegnir mikilvægu hlutverki þegar mál eru til vinnslu hjá barnavernd. Einnig kemur félagsráðgjafinn að stuðningi við fjölskyldur þegar alvarleg slys eða andlát eiga sér stað.  

Margvíslegir möguleikar eru á starfsþróun. Starfshlutfall er 100% og er hluti starfsins unninn utan dagvinnu. Starfstími er 1. febrúar 2022 - 31. janúar 2023. 

Við félagsráðgjöf á Landspítala starfa rúmlega 50 félagsráðgjafar í þverfaglegum teymum og í nánu samstarfi við aðra starfsmenn spítalans. Lögð er áhersla á þverfaglega teymisvinnu, fjölskyldumiðaða nálgun og gagnreynd vinnubrögð.

Helstu verkefni og ábyrgð

  • Skoða mál sjúklings á bráðamóttöku og koma málum hans í farveg til viðeigandi félagsráðgjafa sé hann útskrifaður á aðra deild innan spítalans
  • Vinna með sjúklinga sem leita endurtekið á bráðamóttöku
  • Vinna með aldraða í samvinnu við BÖR hjúkrunarfræðinga, barnaverndarmál, efnaminni sjúklinga, sjúklinga í virkri vímuefnaneyslu og ósjúkratryggða ferðamenn 
  • Vinna með umsækjendur um alþjóðlega vernd, heimilislausa og þeirra sem verða fyrir kynferðisbrotum og eru yngri en 18 ára
  • Veita upplýsingar og stuðning við börn sem eru aðstandendur

Hæfniskröfur

  • Íslenskt starfsleyfi félagsráðgjafa
  • Faglegur metnaður og einlægur áhugi á félagsráðgjöf í heilbrigðisþjónustu
  • Víðtæk reynsla af störfum félagsráðgjafa æskileg
  • Reynsla af starfi með börnum og fjölskyldum þeirra er kostur 
  • Afburða samskiptafærni og samstarfshæfileikar
  • Jákvætt hugarfar, metnaður og áhugi á að starfa í þverfaglegu teymi
  • Færni til að vinna sjálfstætt, skipuleggja og forgangsraða verkefnum
  • Sjálfstæð og skipulögð vinnubrögð
  • Hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félagsráðgjafafélag Íslands hafa gert.

Umsókn fylgi náms- og starfsferilskrá ásamt starfsleyfi. Valið verður úr hópi umsækjenda á grundvelli viðtala og framlagðra gagna. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Félagsráðgjafi

Starfshlutfall er 100%

Umsóknarfrestur er til og með 25.01.2022

Nánari upplýsingar veitir

Gunnlaug Thorlacius - [email protected] - 543 4452/ 825 5071
Helga Rósa Másdóttir - [email protected] - 543 2023

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira