Hoppa yfir valmynd
HeilbrigðisþjónustaHöfuðborgarsvæðiðLandspítali

Geislafræðingar óskast til starfa

Geislafræðingar óskast til starfa

Við viljum ráða geislafræðinga til starfa á röntgendeild Landspítala og bjóðum jafnt geislafræðinga sem búa yfir þekkingu og reynslu sem og nýútskrifaða velkomna í okkar góða hóp. Í boði er spennandi, krefjandi og líflegt starfsumhverfi, góður starfsandi og tækifæri til faglegrar þróunar. Nýir starfsmenn fá einstaklingsmiðaða aðlögun undir leiðsögn reyndra starfsmanna.

Röntgendeild Landspítala sinnir bæði læknisfræðilegri myndgreiningu og geislavörnum og er með umfangsmikla starfsemi bæði í Fossvogi og við Hringbraut svo sem röntgenrannsóknir, tölvusneiðmyndir, segulómun, ísótópar, jáeindaskanni og ómskoðanir. Deildin leitast við að veita fljóta og góða þjónustu öllum þeim sem þurfa á þjónustu deildarinnar að halda. Á það jafnt við um þá sem eru inniliggjandi, koma frá bráðamóttökum, dag- og göngudeildum eða læknastofum og stofnunum utan sjúkrahússins. Á deildinni starfa um 100 manns, röntgenlæknar og geislafræðingar auk fjölda annarra sérhæfðra starfsmanna í öflugu þverfaglegu teymi.

Starfshlutfall er allt að100% og er vinnufyrirkomulag og upphaf starfa samkomulag en æskilegt er að umsækjendur geti hafið störf sem fyrst eða samkvæmt nánara samkomulagi.

Helstu verkefni og ábyrgð

  • Framkvæmd rannsókna 
  • Sérhæfð verkefni eftir atvikum sem heyra undir starfsemi deildar
  • Virk þátttaka í gæðastarfi 
  • Skráning í upplýsingakerfi deildarinnar
  • Stuðla að góðri myndgreiningarþjónustu

Hæfniskröfur

  • Íslenskt starfsleyfi geislafræðings
  • Mjög góð samskiptahæfni og fagleg framkoma 
  • Hæfni og geta til starfa í teymi
  • Öflugur liðsfélagi, stuðlar að góðum starfsanda 
  • Sveigjanleiki, vilji og geta til að starfa bæði í Fossvogi og á Hringbraut
  • Stundvísi, áreiðanleiki og jákvæðni
  • Faglegur metnaður og sjálfstæði í starfi
  • Frumkvæði og skipulagsfærni

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag geislafræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, geislafræðingur

Starfshlutfall er 100%

Umsóknarfrestur er til og með 31.01.2022

Nánari upplýsingar veitir

Steinunn Erla Thorlacius - [email protected] - 825 5843

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira