Hoppa yfir valmynd
HeilbrigðisþjónustaHöfuðborgarsvæðiðLandspítali

Sjúkraliðar óskast á bæklunarskurðdeild

Sjúkraliðar óskast á bæklunarskurðdeild

Við óskum eftir metnaðarfullum sjúkraliðum í okkar góða hóp á bæklunarskurðdeild B5 Fossvogi og bjóðum jafnt velkomna sjúkraliða sem búa yfir þekkingu og reynslu sem og nýútskrifaða sjúkraliða. Deildin er bráðadeild og þjónar sjúklingum vegna hrygg- og liðskiptaaðgerða eða áverka á stoðkerfi. Góður starfsandi ríkir á deildinni sem einkennist af vinnugleði og metnaði og markvisst er unnið að umbótum og framþróun.  

Starfshlutfall er samkomulag og eru störfin laus frá 1. mars 2022 eða eftir nánara samkomulagi. Unnið er á þrískiptum vöktum en möguleiki er á dagvinnustarfi. Við tökum vel á móti nýju fólki og veitum einstaklingshæfða aðlögun. Áhugasömum er velkomið að hafa samband við Ingibjörgu Hauksdóttur deildarstjóra.

Vinnuvika starfsfólks í fullri vaktavinnu er nú 36 stundir og getur orðið enn minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Hjúkrun einstaklinga í samvinnu við aðra fagaðila
  • Virk þátttaka í fjölskylduhjúkrun
  • Þátttaka í teymisvinnu

Hæfniskröfur

  • Íslenskt sjúkraliðaleyfi
  • Faglegur metnaður og ábyrgð í starfi
  • Jákvætt viðmót og góð samskiptahæfni
  • Góð íslenskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt afriti af prófskírteinum og sjúkraliðaleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

 Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, sjúkraliði

Starfshlutfall er 50-100%

Umsóknarfrestur er til og með 27.01.2022

Nánari upplýsingar veitir

Ingibjörg Hauksdóttir - [email protected] - 543 7471/ 824 5958

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira