Hoppa yfir valmynd
LöggæslustörfNorðurlandLögreglustjórinn á Norðurl vestra

Staða lögreglumanns við embætti lögreglustjórans á Norðurlandi vestra

Staða lögreglumanns við embætti lögreglustjórans á Norðurlandi vestra

Hjá lögreglustjóranum á Norðurlandi vestra er laus til umsóknar staða lögreglumanns með starfsstöð á Blönduósi. Gert er ráð fyrir því að lögreglustjóri skipi í stöðuna frá og með 15. febrúar nk.

Helstu upplýsingar um vinnustaðinn

Lögreglustjórinn á Norðurlandi vestra er ríkisstofnun sem heyrir undir dómsmálaráðuneytið. Stofnunin er eitt níu lögregluumdæma landsins sem ákveðin eru í lögreglulögum nr. 90/1996 og reglugerð um umdæmi lögreglustjóra nr. 1150/2014. Hjá embættinu starfa nú liðlega 20 starfsmenn, þar af 16 lögreglumenn. Lögð er m.a. áhersla á opin og jákvæð samskipti, gagnsæi, frumkvæði, vönduð vinnubrögð, framúrskarandi þjónustu, vilja til samvinnu og samstarfs og starfsþróun.   

Í umdæmi lögreglustjórans á Norðurlandi vestra eru sjö sveitarfélög. Aðalstöð lögreglustjóra er á Sauðárkróki. Einnig eru lögreglustöðvar á Blönduósi og Hvammstanga. 

Helstu verkefni og ábyrgð

Samkvæmt 11. gr. reglugerðar um starfsstig innan lögreglunnar nr. 1051/2006 er verksvið og ábyrgð lögreglumanns m.a. eftirfarandi:

  • Löggæslustörf, þar á meðal forvarnarstörf og rannsóknir mála.
  • Að halda uppi lögum og reglu í samræmi við lög, reglur og fyrirmæli sem honum eru gefin.
  • Að tryggja réttaröryggi borgaranna með störfum sínum og framkomu, greiða götu þeirra eftir því sem við á og aðstoða þegar hætta steðjar að eða slys ber að höndum.

Um verkefni og ábyrgð sem starfsstiginu fylgir fer einnig samkvæmt lögreglulögum nr. 90/1996, öðrum ákvæðum reglugerðar um starfsstig innan lögreglunnar nr. 1051/2006 og nánari fyrirmælum lögreglustjóra.

Hæfniskröfur

Leitað er eftir einstaklingi með eftirfarandi menntun, reynslu og hæfni

Menntun

  • Hafa lokið próf frá Lögregluskóla ríkisins eða diplómanámi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar.
  • Aukin menntun sem nýtist í starfi er kostur. 

Reynsla

  • Hafa starfað í lögreglu með farsælum hætti.

Persónulegir eiginleikar/hæfni

  • Samskiptafærni og vilji til þess að vinna með fólki, bæði innan og utan lögreglu.
  • Skipulagsfærni og nákvæmni í vinnubrögðum.
  • Frumkvæði og jákvæðni.

Lögreglustjóri áskilur sér að nýta heimild í lögreglulögum til að ráða starfsmann tímabundið í stöðuna sem ekki hefur lokið prófi frá Lögregluskóla ríkisins eða diplómaprófi í lögreglufræðum, að því gefnu að menntaður lögreglumaður sæki ekki um stöðuna og/eða uppfylli ekki kröfur um hæfni.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.

Um vaktavinnu er að ræða sem bakvaktaskylda fylgir. Næsti yfirmaður er vakthafandi varðstjóri eða staðgengill hans.     

Í ljósi ríkjandi kynjahlutfalls innan lögreglu og jafnréttisáætlunar lögreglunnar eru konur sérstaklega hvattar til að sækja um.

Með umsókn skal fylgja starfsferilskrá, afrit af prófskírteinum og kynningarbréf þar sem gerð er grein fyrir ástæðu umsóknar og hæfni umsækjanda sem nýtist til að sinna starfinu í samræmi við þær hæfniskröfur sem fram koma í auglýsingu.

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu hefur verið tekin.

Vakin er athygli á því að samkvæmt 28. gr. a. lögreglulaga nr. 90/1996 má engan skipa, setja eða ráða til starfa hjá lögreglu sem hefur hlotið fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Starfshlutfall er 100%

Umsóknarfrestur er til og með 25.01.2022

Nánari upplýsingar veitir

Birgir Jónasson - [email protected] - 4440700

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira