Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Sérfræðingur í kerfiserfðafræði

Sérfræðingur í kerfiserfðafræði

Laust er til umsóknar 100% starf sérfræðings í kerfiserfðafræði við Heilbrigðisvísindastofnun Háskóla Íslands.

Heilbrigðisvísindastofnun er miðstöð rannsókna á Heilbrigðisvísindasviði HÍ. Hún er rannsókna- og fræðastofnun sem starfrækt er í alþjóðlegu vísindaumhverfi og að henni standa allir vísindamenn, deildir og rannsóknaeiningar sviðsins.

Helstu verkefni og ábyrgð

Sem sérfræðingur mun sá sem ráðinn verður uppfylla sínar starfsskyldur við Heilbrigðisvísindastofnun. Viðkomandi mun leiða úrvinnslu flókinna erfðafræði- og svipgerðargagna úr umfangsmiklum langsniðshóprannsóknum í náinni samvinnu við innlenda og alþjóðlega vísindamenn.

Hæfniskröfur

  • Doktorspróf á sviði kerfiserfðafræði, eða skyldum greinum.
  • Rannsóknavirkni á fræðasviðinu, sjálfstæði og frumkvæði í rannsóknum.
  • Reynsla af því að afla styrkja til rannsóknarstarfa er æskileg.
  • Reynsla af háskólakennslu og leiðbeiningu nemenda í rannsóknaverkefnum er æskileg.
  • Reynsla af alþjóðasamstarfi.
  • Góð samstarfshæfni og lipurð í mannlegum samskiptum.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Við ráðningu verður miðað við, að sá er starfið hlýtur falli sem best að aðstæðum og þörfum Heilbrigðisvísindastofnunar.

Umsóknarfrestur um ofangreint starf er til og með 15. júní 2022. Miðað er við að ráðið verði í starfið frá 1. desember 2022, eða samkvæmt nánara samkomulagi, þó ekki fyrr en lokið er störfum þeirra nefnda sem um ráðninguna fjalla. Gert er ráð fyrir að ráðningarferlið hefjist að loknum sumarleyfum í ágúst nk.

Ráðið verður í starfið til fimm ára með möguleika á ótímabundinni ráðningu að þeim tíma liðnum, sbr. 3. mgr. 31. gr. reglna fyrir Háskóla Íslands nr. 569/2009.

 

Umsækjendur skulu láta eftirfarandi gögn fylgja umsókn sinni:

  • Kynningarbréf þar sem m.a. kemur fram hvernig umsækjandi uppfyllir hæfniskröfur
  • Prófskírteini eða eftir atvikum vottorð um námsferil
  • Akademíska ferilskrá (Curriculum Vitae)
  • Ritaskrá
  • Skýrslu um vísindastörf og önnur störf sem þeir hafa unnið
  • Greinargerð um rannsóknar- og kennsluáform ef til ráðningar kemur
  • Upplýsingar um mögulega umsagnaraðila sem hafa má samband við

 

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. 

 

Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

 

Um meðferð umsókna, mat á hæfni umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna nr. 569/2009 fyrir Háskóla Íslands. Samkvæmt 38. gr. reglnanna er rektor heimilt að veita framgang í starf dósents eða prófessors við nýráðningu uppfylli viðkomandi þau skilyrði. 

 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

 

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2 

 

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands 

 

Heilbrigðisvísindasvið er eitt af fimm fræðasviðum Háskóla Íslands. Innan sviðsins eru sex deildir; Hjúkrunarfræðideild, Lyfjafræðideild, Læknadeild, Matvæla- og næringarfræðideild, Sálfræðideild og Tannlæknadeild. Starfsmenn sviðsins eru ríflega 400 og nemendur um 3300. Þá koma ríflega 1000 stundakennarar að kennslu innan sviðsins á hverju ári.

 

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 12.500. Skólinn skiptist í sex grunneiningar, miðlæga stjórnsýslu og fimm fræðasvið. Háskóli Íslands býður fjölbreytt nám á öllum stigum og er eini háskóli landsins sem býður grunn- og framhaldsnám á öllum helstu fræðasviðum. 

 

Starfshlutfall er 100%

Umsóknarfrestur er til og með 15.06.2022

Nánari upplýsingar veitir

Ása Vala Þórisdóttir, rannsóknastjóri - [email protected] - 6908093
Vilmundur G Guðnason, prófessor - [email protected] - 8617144

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira