Hoppa yfir valmynd
SkrifstofustörfHöfuðborgarsvæðiðHáskóli Íslands

Verkefnastjóri/kennsluráðgjafi við Kennslumiðstöð

Verkefnastjóri/kennsluráðgjafi við Kennslumiðstöð

Kennslumiðstöð Háskóla Íslands leitar að verkefnastjóra í fullt starf. Um er að ræða tvíþætt starf, annars vegar starf verkefnastjóri við Kennsluakademíu opinberu háskólana og hins vegar starf kennsluráðgjafa. Í starfinu felst umsýsla með verkefnum kennsluakademíu í samstarfi við stjórn hennar og kennsluþróun innan Háskóla Íslands í samræmi við hlutverk Kennslumiðstöðvar og stefnu HÍ á hverjum tíma.

Hlutverk Kennslumiðstöðvar er að veita starfsfólki og stjórnendum HÍ faglega ráðgjöf við þróun kennsluhátta og vera leiðandi í kennsluþróun háskóla.

Kennsluakademía opinberu háskólanna er vettvangur að norrænni fyrirmynd sem ætlað er að stuðla að kennsluþróun í íslensku háskólasamfélagi (sjá https://kennsluakademia.hi.is/). 

Við leitum að metnaðarfullum og sjálfstæðum einstaklingi sem hefur áhuga á kennslumálum á háskólastigi hér heima og erlendis.

Helstu verkefni og ábyrgð

  • Verkefnastjórn og skipulagning verkefna innan Kennsluakademíu opinberu háskólana
  • Dagleg störf Kennsluakademíunnar í samráði við stjórn Kennsluakademíunnar, deildarstjóra Kennslumiðstöðvar og sviðsstjóra Kennslusviðs
  • Kennsluþróun og ráðgjöf við einingar innan háskólans sem sinna kennsluþróun, s.s. kennsluþróunarstjórar, kennsluakademían, kennslumálanefnd HÍ
  • Skipulagning og framkvæmd viðburða í tengslum við kennslu og kennsluþróun sem og í tengslum við Kennsluakademíuna (t.d. námskeið, vinnustofur, ráðstefnur)
  • Kennslufræðilegur stuðningur við kennara, deildir og fræðasvið
  • Gerð fræðsluefnis og leiðbeininga á sviði kennslu- og kennsluþróunar

Hæfniskröfur

  • Framhaldsnám á sviði menntunarfræða eða á öðru sviði sem nýtist í starfi
  • Reynsla af þróun kennsluhátta er kostur
  • Frumkvæði og sjálfstæð vinnubrögð og hæfni í að leiða teymi
  • Góð hæfni í stýringu verkefna og skipulagshæfni
  • Góð almenn tölvuþekking og þekking á stafrænum kennsluháttum
  • Góð samskiptahæfni og hæfni í að vinna með fjölbreyttum hópum
  • Góð kunnátta í íslensku og ensku, bæði í rituðu og töluðu máli
  • Kennslureynsla kostur
  • Þekking á háskólasamfélagi kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að viðkomandi geti hafið störf sem fyrst. 

Starfshlutfall er 100%

Eftirfarandi gögn skulu fylgja umsókn:

  • Ferilskrá
  • Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
  • Staðfest afrit af prófskírteinum
  • Upplýsingar um 2-3 umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans. 

Vakin er athygli á málstefnu Háskóla Íslands.

Starfshlutfall er 100%

Umsóknarfrestur er til og með 31.05.2022

Nánari upplýsingar veitir

Halla Valgeirsdóttir, Deildarstjóri Kennslumiðstöðvar - [email protected] - 525 4292

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira