Hoppa yfir valmynd
HeilbrigðisþjónustaHöfuðborgarsvæðiðLandspítali

Sérfræðilæknir í barna- og unglingageðlækningum á BUGL

Sérfræðilæknir í barna- og unglingageðlækningum á BUGL

Laust er til umsóknar starf sérfræðilæknis í barna- og unglingageðlækningum  á barna- og unglingageðdeild (BUGL) Landspítala. 

Á BUGL er veitt sérhæfð og fjölskyldumiðuð geðheilbrigðisþjónusta fyrir börn að 18 ára aldri. Unnið er í þverfaglegum teymum og í samvinnu við aðrar stofnanir.  

Leitað er eftir jákvæðum og metnaðarfullum sérfræðilækni til að annast sérhæfða meðferð og eftirfylgd við sjúklinga okkar. Starfshlutfall er 100% eða samkvæmt samkomulagi. Starfið veitist frá 1. júní 2022 eða eftir samkomulagi. 

Helstu verkefni og ábyrgð

  • Þátttaka í þverfaglegri vinnu teyma á BUGL.
  • Þátttaka í þverfaglegu teymi barna og unglinga sem upplifa misræmi milli kynvitundar sinnar og þess kyns sem þeim var úthlutað við fæðingu
  • Þátttaka í gæða- og umbótastarfi BUGL
  • Þátttaka í kennslu- og visindavinnu í samráði við yfirlækni
  • Bakvaktir sérfræðilækna á BUGL

Hæfniskröfur

  • Íslenkt sérfræðileyfi í barna- og unglingageðlækningum
  • Þekking og reynsla á meðferð barna- og unglinga sem upplifa misræmi milli kynvitundar  og þess kyns sem þeim var úthlutað við fæðingu.
  • Jákvæðni, sveigjanleiki og lipurð í samskiptum
  • Hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins. 
Tekið er mið af jafnréttisstefnu Landspítala við ráðningar á spítalanum.  

Í umsóknarformið skal skrá inn upplýsingar um: 
» Fyrri störf, menntun og hæfni 
» Félagsstörf og umsagnaraðila  

Nauðsynleg fylgiskjöl: 
» Vottað afrit af prófskírteinum og starfsleyfum. 
» Ferilskrá þar sem tilgreind er reynsla af kennslu, vísindavinnu og stjórnunarstörfum.  
» Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed.  
» Kynningarbréf með rökstuðningi fyrir hæfni og sýn á starfið. 
» Afrit af umsókn um læknisstöðu hjá Embætti Landlæknis skal fylgja með umsókn. Umsækjandi sækir skjalið hér og vistar, fyllir það út og sendir með umsókn. 

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað. 

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.  

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.  

Starfsmerkingar: Heilbrigðisþjónusta, Sérfræðilæknir 

Starfshlutfall er 100%

Umsóknarfrestur er til og með 23.05.2022

Nánari upplýsingar veitir

Björn Hjálmarsson, yfirlæknir - [email protected] - 543 4384

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira