Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur, bráðateymi barna- og unglingageðdeildar

Hjúkrunarfræðingur, bráðateymi barna- og unglingageðdeildar

Hjúkrunarfræðingur óskast til starfa í bráðaþjónustu barna- og unglingageðdeildar Landspítala (BUGL). Um er að ræða tímabundið afleysingastarf í bráðateymi til eins árs vegna barnsburðarleyfis. Ráðið verður í starfið frá 15. ágúst 2022 eða eftir nánara samkomulagi.

Á BUGL er veitt sérhæfð og fjölskyldumiðuð geðheilbrigðisþjónusta við börn að 18 ára aldri. Unnið er í þverfaglegum teymum og er mikil samvinna höfð við fagaðila í nærumhverfi. 

Á BUGL starfa um 90 einstaklingar í fjölskylduvænu starfsumhverfi. Miklir möguleikar eru til starfsþróunar og sérhæfingar. 

Helstu verkefni og ábyrgð

Hjúkrunarfræðingur starfar í þverfaglegu bráðateymi BUGL. Markmið bráðateymis er að sinna bráðatilvikum vegna geðræns vanda. Þjónusta bráðateymis á dagvinnutíma fer fram á göngudeild BUGL. Þar er tekið á móti börnum og fjölskyldum þeirra í bókuð bráðaviðtöl og eftirfylgdarviðtöl. Utan dagvinnutíma fer bráðaþjónusta við börn með bráðan geðrænan vanda fram á bráðamóttökum Landspítala. 

Forvakt bráðateymis BUGL, sem samanstendur af fagfólki bráðateymis og sérnámslæknum, ásamt sérfræðingi í barna- og unglingageðlækningum, sinnir ráðgjöf á bráðamóttökur sjúkrahússins. Náið samstarf er á milli bráðateymis og legudeildar BUGL en einnig nærumhverfis skjólstæðinga. 

Hjúkrunarfræðingur mun fá markvissa fræðslu og þjálfun í tengslum við starfið og tekur virkan þátt í umbótastarfi og þróun þjónustu.

Hæfniskröfur

  • Íslenskt hjúkrunarleyfi
  • Starfsreynsla á sviði geðhjúkrunar eða barnahjúkrunar æskileg
  • Framhaldsnám í geðhjúkrun eða annað framhaldsnám sem nýtist í starfi er kostur en ekki skilyrði
  • Framúrskarandi færni í samskiptum og teymisvinnu
  • Faglegur metnaður, jákvætt hugarfar, frumkvæði og færni til að vinna sjálfstætt
  • Skipulagshæfni og öguð vinnubrögð
  • Hæfni til að starfa samkvæmt öryggisverkferlum deildar
  • Góð íslenskukunnátta, í mæltu og rituðu máli
  • Góð almenn tölvukunnátta
  • Kunnátta í tungumáli stórra samfélagshópa á Íslandi sem eiga íslensku ekki að móðurmáli er kostur
  • Hreint sakavottorð

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggir á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. 

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali er lifandi og fjölbreyttur vinnustaður þar sem yfir 6000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun

Starfshlutfall er 80-100%

Umsóknarfrestur er til og með 02.06.2022

Nánari upplýsingar veitir

Sigurveig Sigurjónsd Mýrdal - [email protected] - 543 4300
Tinna Guðjónsdóttir - [email protected] - 543 4300

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira