Hoppa yfir valmynd
Kennsla og rannsóknirHöfuðborgarsvæðiðRaunvísindastofnun Háskólans

Sérfræðingur í jarðeðlisfræði á sviði jarðskjálftafræði

Sérfræðingur í jarðeðlisfræði á sviði jarðskjálftafræði

Laust er til umsóknar fullt starf sérfræðings við Jarðvísindastofnun Háskólans í jarðeðlisfræði.

Helstu verkefni og ábyrgð

Sérfræðingnum er ætlað að stunda hágæða rannsóknir  á sviði jarðskjálftafræði, til dæmis á sviði andhverfra varpana, uppbyggingu jarðskorpunnar og möttulsins, vöktun eldfjalla eða jarðskjálftaspár. Sérfræðingnum er einnig ætlað leiða rannsóknaverkefni tengd framhaldsnámi og afla styrkja úr samkeppnissjóðum til rannsóknaverkefna á sviði jarðskjálftafræði með áherslu á Ísland og aðliggjandi svæði.

Gert er ráð fyrir að sérfræðingurinn komi að leiðbeiningu framhaldsnema og mögulega annarri kennslu við Jarðvísindadeild Verkfræði- og náttúruvísindasviðs.  Umfang kennslu yrði samkvæmt samkomulagi sérfræðingsins við stjórn Jarðvísindastofnunar í samræmi við 10. gr. reglna Raunvísindastofnunar Háskólans nr. 685/2011 og ákvörðun Jarðvísindadeildar.

Hæfniskröfur

  • Doktorspróf í jarðeðlisfræði
  • Bakgrunnur innan jarðeðlisfræðinnar, ásamt sérsviði í jarðskjálftafræði
  • Reynsla af að leiða rannsóknaverkefni
  • Reynsla af samvinnuverkefnum og öflun styrkja til rannsóknastarfa
  • Góð samstarfshæfni og lipurð í mannlegum samskiptum

Við ráðningu verður horft til þess að umsækjendur falli sem best að aðstæðum og þörfum Jarðvísindastofnunar. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Gert er ráð fyrir að starfið hefjist 1. janúar 2023.

Nánari upplýsingar um starfið veita Anna Jóna Baldursdóttir rekstrarstjóri Jarðvísindastofnunar Háskólans ([email protected]) og Ingibjörg Óðinsdóttir, mannauðsstjóri Verkfræði- og náttúruvísindasviðs HÍ ([email protected]).

Umsækjendur skulu láta eftirfarandi gögn fylgja umsókn sinni:

  1. Kynningarbréf þar sem m.a. kemur fram hvernig umsækjandi uppfyllir hæfniskröfur.
  2. Prófskírteini eða eftir atvikum vottorð um námsferil.
  3. Akademíska ferilskrá (Curriculum Vitae).
  4. Ritaskrá.
  5. Skýrslu um vísindastörf og önnur störf sem þeir hafa unnið.
  6. Greinargerð um rannsóknaráform ef til ráðningar kemur.
  7. Upplýsingar um þrjá mögulega umsagnaraðila sem hafa má samband við.

Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsóknargögnum sem ekki er hægt að skila rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 102 Reykjavík.

Ráðið verður í starfið til fimm ára fyrst í stað, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna um Háskóla Íslands nr. 569/2009.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests. 

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Jarðvísindastofnun er faglega og fjárhagslega sjálfstæð stofnun innan Raunvísindastofnunar Háskólans. Stofnunin er vettvangur jarðvísindarannsókna  sérfræðinga, kennara og framhaldsnemenda við Háskóla Íslands. Stofnunin hefur sterk alþjóðleg tengsl þar sem  mörg rannsóknaverkefni eru unnin í víðtæku samstarfi vísindamanna hérlendis og erlendis.  Nánari upplýsingar má finna á vefsíðu stofnunarinnar: http://jardvis.hi.is/. 

Starfshlutfall er 100%

Umsóknarfrestur er til og með 02.08.2022

Nánari upplýsingar veitir

Anna Jóna Baldursdóttir, Rekstrarstjóri Jarðvísindastofnunar Háskólans - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira