Hoppa yfir valmynd
Kennsla og rannsóknirHöfuðborgarsvæðiðHáskóli Íslands

Doktorsnemi í vistfræði mosa við Líf- og umhverfisvísindadeild

Doktorsnemi í vistfræði mosa við Líf- og umhverfisvísindadeild

Líf- og umhverfisvísindadeild Háskóla Íslands leitar að áhugasömum doktorsnema fyrir þriggja ára doktorsnemastöðu til að vinna að rannsóknaverkefninu `Mosar sem umhverfishreyflar túndruvistkerfa¿ (enskt heiti: Bryophytes as ecosystem engineers in a changing tundra). Staðan er fjármögnuð af Rannsóknasjóði Háskóla Íslands. Doktorsverkefnið mun tengjast stærra rannsóknarverkefni sem fjármagnað er af Rannsóknasjóð Rannís og rannsakar vistkerfisferla sem halda hnignuðum vistkerfum í viðjum hnignunar (TRAPP). 

Helstu verkefni og ábyrgð

Stutt lýsing á verkefninu 

Mosar eru mikilvægur hluti plöntusamfélaga túndrunnar og móta umhverfisþætti túndruvistkerfa á margvíslegan hátt, auk þess að skapa búsvæði fyrir fjölbreyttar smásæjar lífverur sem mynda flókna fæðuvefi sín á milli. Markmið verkefnisins er að rannsaka þá eiginleika mosa sem hafa mótandi áhrif á vistkerfisferla túndruvistkerfa á hálendi Íslands, þar með talin örveru- og smádýra samfélög mosanna, og breytileika þessara eiginleika meðal ólíkra hópa mosa, við mismunandi loftslagsskilyrði og beitarálag. 

Rannsóknahópurinn og rannsóknasamstarf - Doktorsneminn mun tilheyra rannsóknahópi í túndruvistfræði undir sameiginlegri stjórn Ingibjargar Svölu Jónsdóttur, Háskóls Íslands og Isabel Barrio, Landbúnaðarháskóla Íslands (https://tundraecology.hi.is/). Verkefnið mun einnig tengjast rannsóknastofu í sameindalíffræði við HÍ (Snæbjörn Pálsson), rannsóknastofu í örverufræði við Háskólann á Akureyri (Oddur Vilhelmsson) og vistfræðideild Kaupmannahafnarháskóla (Signe Lett, Kathrin Rousk). 

Hæfniskröfur

Við leitum að góðum og áhugasömum nemanda með:

  • Meistarapróf í líffræði, vistfræði eða örverufræði eða skyldum greinum
  • Góða þekkingu á vistfræði
  • Góða enskukunnáttu (skrifuð og töluð)
  • Öguð vinnubrögð og skipulagshæfileika
  • Góða samskiptafærni og getu til að vinna sem hluti af stærra teymi
  • Getu til að vinna sjálfstætt

Auk ofangreindra atriða er æskilegt að nemendinn hafi:

  • Góða færni við tölfræðiúrvinnslu (R forritið)
  • Reynslu af rannsóknum á örverum og sameindalíffræðilegrum aðferðum
  • Reynslu af bæði rannsóknastofuvinnu og vettvangsrannsóknum við krefjandi aðstæður (hálendið)

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að doktorsneminn geti hafið störf um miðjan nóvember 2022. Sækja þarf formlega um doktorsnám við Háskóla Íslands og doktorsstaðan er háð samþykki inn í doktorsnám við Líf- og umhverfisvísindadeild.

Staðan er til þriggja ára og núverandi styrkveiting nær til þessa tímabils.

Umsókn skal innihalda:

  • Stutt bréf (3 bls.) þar sem umsækjandi lýsir framtíðarsýn og markmiði sínu með doktorsnáminu.
  • Ferilskrá með upplýsingum um menntun, rannsókna- og vinnureynslu.
  • Staðfest afrit af prófskírteinum (grunn- og meistaranám) og einkunnadreifing.
  • Upplýsingar tveggja meðmælanda.
  • Yfirlit yfir birtingar, ef einhverjar.
  • Umsækjendum er einnig boðið að senda PDF útgáfu af meistararitgerð sinni (á hvaða tungumáli sem er), sem og öðru birtu efni sem við á (hámark 5 skjöl).

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests. Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi. 

Starfshlutfall er 100%

Umsóknarfrestur er til og með 31.08.2022

Nánari upplýsingar veitir

Ingibjörg Svala Jónsdóttir, Prófessor - [email protected]
Guðrún Hrönn Hilmarsdóttir, Verkefnastjóri - [email protected] - 525 4621

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira