Hoppa yfir valmynd
HeilbrigðisþjónustaHöfuðborgarsvæðiðLandspítali

Sérfræðingur í bráðahjúkrun

Sérfræðingur í bráðahjúkrun

Laust er til umsóknar starf sérfræðings í bráðahjúkrun á flæðisviði Landspítala. Starfshlutfall er 80-100% og er starfið laust frá 1. nóvember 2022 eða eftir nánara samkomulagi. 

Sérfræðingar í hjúkrun starfa samkvæmt starfslýsingu en meginhlutverk auk klínískra starfa eru ráðgjöf og kennsla til starfsfólks og nemenda auk rannsóknar- og þróunarvinnu. Enn fremur felur starfið í sér uppbyggingu, samræmingu og skipulagningu þjónustu við sjúklinga á bráðamóttöku í samvinnu við aðrar heilbrigðisstéttir. Sérstök áhersla er lögð á uppbyggingu sérfræðiþekkingar í bráðahjúkrun og þjónustu við sjúklinga á bráðamóttöku og mun sérfræðingur í bráðahjúkrun vinna að þróun hjúkrunar innan sérgreinarinnar ásamt stjórnendum.

Helstu verkefni og ábyrgð

  • Klínísk störf
  • Þróun hjúkrunar innan sérgreinar
  • Kennsla og rannsóknir
  • Innleiðing nýrra verkferla og nýjunga í meðferð
  • Þróun þjónustu við sjúklinga
  • Ráðgjöf

Hæfniskröfur

  • Meistara- eða doktorspróf í hjúkrunarfræði
  • Sérfræðileyfi í bráðahjúkrun, í samræmi við reglugerð nr. 124/2003 um sérfræðileyfi í hjúkrun
  • 5 ára starfsreynsla
  • Leiðtoga- og samstarfshæfileikar

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Tekið er mið af jafnréttisstefnu LSH við ráðningar á spítalanum. Umsóknum fylgi vottfestar upplýsingar um nám, fyrri störf, kennslu og vísindavinnu. Allar umsóknir verða sendar til stöðunefndar hjúkrunarráðs Landspítala. Ákvörðun um ráðningu byggir á viðtölum við umsækjendur, innsendum gögnum og umsögn stöðunefndar hjúkrunarráðs. Öllum umsóknum verður svarað. Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 80-100%

Umsóknarfrestur er til og með 30.09.2022

Nánari upplýsingar veitir

Guðlaug Rakel Guðjónsdóttir - [email protected] - 543 1000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira