Hoppa yfir valmynd
SérfræðistörfHöfuðborgarsvæðiðUMBRA Þjónustumiðstöð Stjórnarráðsins

Vefritstjórn

Vefritstjórn

Viltu koma í öflugt vefteymi hjá Stjórnarráði Íslands og taka þátt í að efla stafræna þjónustu ríkisins? Umbra sér um rekstur vefja Stjórnarráðsins, innri vefja ráðuneyta og er að taka að sér þjónustu vegna Ísland.is. Umbra hefur mikinn metnað fyrir því að vefirnir séu til fyrirmyndar og leitar að öflugum einstaklingum við vefritstjórn.

Við leitum að einstaklingi sem er góður að skrifa texta fyrir vefi, skipuleggja efni þeirra og setja fram svo upplifun notenda sé sem best.

Helstu verkefni og ábyrgð

  • Ritstýra vefjum í samvinnu við ráðuneyti og stofnanir
  • Leiða skipulag og framsetningu efnis á vefjum
  • Aðstoða og hafa frumkvæði að því að bæta við nýju efni, uppfæra það og grisja
  • Vinna við gæðamál vefjanna, sérstaklega með tilliti til texta og upplýsinga
  • Halda utan um vefgreiningar til að bæta upplifun notenda
  • Önnur tilfallandi verkefni í tengslum við vefina

Hæfniskröfur

  • Háskólamenntun sem nýtist í starfi
  • Þekking og reynsla af vefritstjórn og skipulagningu efnis á vef
  • Mjög gott vald á íslensku
  • Menntun eða reynsla af verkefnastjórnun er kostur
  • Góð samskipta- og leiðtogahæfni, ásamt ríkri þjónustulund
  • Sjálfstæði í vinnubrögðum og hæfni til að tileinka sér nýjungar

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Umbra - þjónustumiðstöð Stjórnarráðsins veitir ráðuneytum og stofnunum margvíslega þjónustu á sviði upplýsingatækni og annars sameiginlegs reksturs. Hjá Umbru vinnur fjölbreyttur hópur saman að því að veita framúrskarandi þjónustu í góðu umhverfi. Umbra er ISO 27001 vottuð og starfsmenn eru 45 talsins. Skrifstofur Umbru eru í Skuggasundi 3.

Umsókn þarf að fylgja starfsferilskrá og kynningarbréf (hvort tveggja á íslensku), þar sem gerð er grein fyrir ástæðu umsóknar og hæfni umsækjanda sem nýtist í starfi. 

Áhugasamir einstaklingar, óháð kyni, eru hvattir til að sækja um starf. Athygli er vakin á því að umsóknir geta gilt í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir.

Starfshlutfall er 100%

Umsóknarfrestur er til og með 03.10.2022

Nánari upplýsingar veitir

Björn Sigurðsson - [email protected] - 545 8800
Hafdís Ósk Pétursdóttir, hjá Intellecta - - 511 1225

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira