Hoppa yfir valmynd
TæknistörfHöfuðborgarsvæðiðUMBRA Þjónustumiðstöð Stjórnarráðsins

Notendaþjónusta

Notendaþjónusta

Umbra leitar að liðsfélaga til að vera hluti af spennandi vegferð við að auka samrekstur, bæta tæknilega innviði og skapa umhverfi sem styður við aukna sjálfvirkni og samvinnu milli stofnana og ráðuneyta. Framundan er áframhaldandi innleiðing og stuðningur við Microsoft 365 skrifstofuumhverfi með uppbyggingu öflugs þjónustukjarna sem stuðlar að skilvirkum og öruggum rekstri á upplýsingatækniinnviðum ríkisins í góðu samstarfi við tæknibirgja.

Mikil tækifæri eru til staðar til að styðja betur við það markmið stjórnvalda að Ísland verði meðal fremstu þjóða á sviði stafrænnar tækni og þjónustu hins opinbera.

Við leitum að þjónustulunduðum liðsfélaga til að sinna tölvuþjónustu við notendur ráðuneyta og stofnana.

Helstu verkefni og ábyrgð

  • Almenn þjónusta við notendur og umsýsla í Microsoft umhverfi
  • Uppsetning og rekstur á endabúnaði
  • Þátttaka í kerfisstjórn og verkefnum

Hæfniskröfur

  • Nám í kerfisfræði, sambærilegt nám eða reynsla
  • Þekking á Microsoft notendalausnum, m.a. Microsoft 365 og Teams er kostur
  • Mjög góð samskiptahæfni ásamt ríkri þjónustulund
  • Frumkvæði, sjálfstæð vinnubrögð og hæfni til hópavinnu
  • Metnaður til að ná árangri og hæfni til að tileinka sér nýjungar og breytingar
  • Góð kunnátta í íslensku og ensku í ræðu og riti

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umbra - þjónustumiðstöð Stjórnarráðsins veitir ráðuneytum og stofnunum margvíslega þjónustu á sviði upplýsingatækni og annars sameiginlegs reksturs. Hjá Umbru vinnur fjölbreyttur hópur saman að því að veita framúrskarandi þjónustu í góðu umhverfi. Umbra er ISO 27001 vottuð og starfsmenn eru 45 talsins. Skrifstofur Umbru eru í Skuggasundi 3.

Umsókn þarf að fylgja starfsferilskrá og kynningarbréf (hvort tveggja á íslensku), þar sem gerð er grein fyrir ástæðu umsóknar og hæfni umsækjanda sem nýtist í starfi. 

Áhugasamir einstaklingar, óháð kyni, eru hvattir til að sækja um starf. Athygli er vakin á því að umsóknir geta gilt í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir.

Starfshlutfall er 100%

Umsóknarfrestur er til og með 03.10.2022

Nánari upplýsingar veitir

Kristinn Helgi Sveinsson - [email protected] - 545 8800
Hafdís Ósk Pétursdóttir, hjá Intellecta - - 511 1225

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira