Hoppa yfir valmynd
SérfræðistörfHöfuðborgarsvæðiðLögreglan á höfuðborgarsvæðinu

Skjala- og gæðastjóri í þjónustudeild hjá lögreglustjóranum á höfuðborgarsvæðinu

Skjala- og gæðastjóri í þjónustudeild hjá lögreglustjóranum á höfuðborgarsvæðinu

Lögreglustjórinn á höfuðborgarsvæðinu (LRH) leitar eftir metnaðarfullum og framsýnum leiðtoga í stöðu Skjala- og gæðastjóra. Um er að ræða spennandi, krefjandi og fjölbreytt starf sem heyrir undir Stjórnsýslu- og þjónustusvið embættisins.

Þjónustudeild sinnir margvíslegri þjónustu þvert á embættið og starfrækir m.a. ritaraþjónustu, skýrsluþjónustu, sektarþjónustu, þjónustuborð og munavörslu. Þá heyra málefni tengd skjalastjórnun, leyfisveitingum, stafrænni þróun auk annara umbótaverkefna undir þjónustudeild. 

Lögreglan á höfuðborgarsvæðinu er nútímaleg og framsækin þjónustustofnun sem er til staðar fyrir alla alltaf. Megin áhersla er lögð á jafnrétti, starfsánægju, heilbrigðan starfsanda, traust og gagnsæi í samskiptum og að starfsfólk búi yfir þekkingu og hæfni til að takast á við fjölbreytileg verkefni. Starfsfólk embættisins er um 430 á fjórum megin starfsstöðvum. 

Gildi embættis lögreglustjórans á höfuðborgarsvæðinu eru TRAUST, FAGMENNSKA og ÖRYGGI.

Helstu verkefni og ábyrgð

  • Ábyrgð á skjala- og gæðastjórnun embættisins
  • Undirbúningur stefnumála, innleiðingu stefnumarkandi ákvarðana og stuðningur við stefnumiðaða áætlanagerð sem tryggir framgang stefnu og gilda LRH
  • Eftirfylgni við skjalastefnu og mótun verklags við skjalastjórnun.
  • Stýring og viðhald GoPro málakerfi LRH
  • Samhæfing á gæðastarfi LRH og yfirsýn yfir hin ýmsu verkefni því tengd.
  • Stýring og viðhald á gæðaskjölum á rafrænu gæðatorgi embættisins.
  • Ráðgjöf og stuðningur við verkefni starfsmanna á sviði skjala- og gæðamála
  • Umsjón fræðslu og leiðbeininga í skjalastjórnun og gæðamálum fyrir starfsfólk LRH
  • Umsjón með samskiptum LRH við Þjóðskjalasafn Íslands og aðra hagaðila

Hæfniskröfur

  • Háskólamenntun sem nýtist í starfi, framhaldsmenntun æskileg
  • Reynsla og þekking á skjalastjórnun 
  • Reynsla og þekking af gæðastjórnun 
  • Þekking á skjalastjórnunarkerfi s.s GoPro 
  • Reynsla af opinberri stjórnsýslu og meðferð stjórnsýsluerinda
  • Þekking og reynsla af straumlínustjórnun 
  • Framúrskarandi hæfni í mannlegum samskiptum og góð þjónustulund
  • Sjálfstæði í starfi, sveigjanleiki og gott álagsþol
  • Skipulagshæfileikar og nákvæmni í vinnubrögðum
  • Stafræn sýn og  jákvætt og lausnamiðað viðhorf
  • Gott vald á íslensku og ensku og hæfni til að miðla upplýsingum í rituðu og töluðu máli
  • Mjög góð almenn tölvufærni 

 

Þess er vænst að umsækjendur hafi reynslu af störfum þar sem reynt hefur á þessa eiginleika og færni. 

Umsókn skal fylgja ferilskrá, kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið, auk afrita af prófskírteinum. 

Við ráðningar hjá LRH er tekið mið af jafnréttisáætlun embættisins.

Vakin er athygli á því að engan má ráða til starfa hjá lögreglu sem hlotið hefur fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta.  Til að sannreyna þetta er lögreglu heimil að afla upplýsinga úr sakaskrá og málskrá lögreglu sbr. 28. gr.a. lögreglulaga nr. 90/1996. 

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Sækja skal um stöðurnar með rafrænum hætti á vef starfatorgs, www.starfatorg.is

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um setningu hefur verið tekin.

Umsóknir munu gilda í 6 mánuði frá því að umsóknarfrestur rennur út, með vísan til 3. tl. 2. mgr. 2. gr. reglna nr. 1000/2019 um auglýsingar á lausum störfum, sem settar eru samkvæmt heimild í 3. mgr. 7. gr. laga nr. 70/1996 um réttindi og skyldur starfsmanna ríkisins.

Starfshlutfall er 100%

Umsóknarfrestur er til og með 05.12.2022

Nánari upplýsingar veitir

Þórir Ingvarsson - [email protected] - 444-1000
Eygló Huld Jónsdóttir - [email protected] - 444-1000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira