Hoppa yfir valmynd
SérfræðistörfHöfuðborgarsvæðiðSuðurlandMatvælastofnun

Fagsviðsstjóri - matvæli

Fagsviðsstjóri - matvæli

Laus er til umsóknar staða fagsviðsstjóra á samhæfingarsviði stofnunarinnar á Selfossi. Um fullt starf er að ræða í fjölbreyttum og öflugum hópi sérfræðinga. Æskilegt er að umsækjandi geti hafið störf sem fyrst. 

Helstu verkefni og ábyrgð

Helstu verkefni og ábyrgð

Fagsviðsstjóri vinnur að fjölbreyttum verkefnum, ber ábyrgð á og hefur umsjón með málaflokkum á sviði matvælalöggjafar á verksviði stofnunarinnar. Fagsviðsstjóri kemur að gerð eftirlitsáætlunar, framkvæmd og innleiðingu löggjafar, sem og þjálfun, gerð leiðbeininga og fræðsluefnis fyrir eftirlitsfólk MAST og heilbrigðiseftirlit sveitarfélaga. Ennfremur kemur fagsviðsstjóri að gerð fræðsluefnis fyrir matvælafyrirtæki og neytendur. Meðal mögulegra verkefna er löggjöf um fæðubótarefni, merkingar matvæla og almenna hollustuhætti.

Hæfniskröfur

Umsækjendur skulu hafa háskólapróf í matvælafræði, næringarfræði, líffræði,  eða aðra háskólamenntun sem nýtist í starfi. Þekking og starfsreynsla í opinberri stjórnsýslu og matvælalöggjöf  er kostur. Gerð er krafa um færni til tjáningar í ræðu og riti á íslensku og ensku ásamt góðri almennri tölvukunnáttu. Nákvæm og fagleg vinnubrögð, sem og skipulagshæfileikar ásamt getu til að starfa sjálfstætt eru áskilin ásamt hæfni til að vinna í teymum og lipurð í samskiptum.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

Umsókn skal fylgja ítarleg starfsferilsskrá og kynningarbréf. 

Starfshlutfall er 100%

Umsóknarfrestur er til og með 28.11.2022

Nánari upplýsingar veitir

Þorvaldur H Þórðarson, sviðsstjóri - [email protected] - 5304800

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira