Hoppa yfir valmynd
LöggæslustörfSuðurlandLögreglustjórinn á Suðurlandi

Rannsóknarlögreglumaður hjá embætti Lögreglustjórans á Suðurlandi - rannsóknardeild

Rannsóknarlögreglumaður hjá embætti Lögreglustjórans á Suðurlandi - rannsóknardeild

Við embætti lögreglustjórans á Suðurlandi er laus til umsóknar staða rannsóknarlögreglumanns við rannsóknardeild með starfsstöð á Selfossi. 

Miðað er við að lögreglustjóri setji í stöðuna til reynslu frá og með 1. janúar 2023 með skipun í huga að sex mánaða reynslutíma loknum.  

Helstu verkefni og ábyrgð

Verksvið og ábyrgð rannsóknarlögreglumanns er í meginatriðum eftirfarandi: Rannsóknir viðameiri og flóknari mála, þar á meðal tæknirannsóknir, sem eðli síns vegna krefjast aukinnar sérhæfingar og sérþekkingar. Verkstjórn hóps / teymis lögreglumanna við rannsókn mála þegar það á við. Náið samstarf við ákærendur og eftir atvikum aðstoð við undirbúning saksóknar. Gerð rannsóknaráætlana mála í samráði við stjórnanda deildar og fulltrúa ákærusviðs

Almennar upplýsingar um verksvið og ábyrgð rannsóknarlögreglumanns má finna í 9. gr. reglugerðar nr. 1051/2006, um starfsstig innan lögreglunnar. 

Hæfniskröfur

Umsækjendur skulu hafa lokið prófi frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar. Umsækjandi skal hafa starfað sem lögreglumaður í að minnsta kosti tvö ár frá því að lögreglunámi lauk, skv. 14. gr. reglugerðar nr. 1051/2006. 

Reynsla af rannsóknum mála er æskileg. Jafnframt er æskilegt að umsækjandi hafi lokið sérnámskeiði fyrir rannsóknarlögreglumenn frá Lögregluskóla ríkisins eða Mennta og starfsþróunarsetri lögreglunnar. Önnur aukin menntun er kostur.

Góð þekking á lögreglukerfinu (LÖKE) er skilyrði. Góð færni í íslensku er skilyrði, önnur tungumál er kostur. Færni í mannlegum samskiptum, góðir skipulagshæfileikar, frumkvæði, jákvæðni, nákvæmni í vinnubrögðum og hæfni til að starfa í hóp eru nauðsynlegir eiginleikar. Góð staðarþekking er kostur.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Landssamband lögreglumanna hafa gert.

Starfið er dagvinna með bakvöktum.

Athygli umsækjenda er vakin á heimild til að skoða sakaferil umsækjenda um starf í lögreglu en samkvæmt 28. gr. a lögreglulaga nr. 90/1996 er mælt fyrir um að engan megi skipa, setja eða ráða til starfa hjá lögreglu sem hefur gerst sekur um refsivert athæfi sem telja má svívirðilegt að almenningsáliti eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Umsækjendur eru vinsamlegast beðnir um að sækja um starfið með því að smella á hlekkinn hér að neðan og láta ferilskrá og kynningarbréf fylgja með sem viðhengi. 

Einungis er tekið við umsóknum með þessum hætti. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu liggur fyrir.

Auglýsing þessi gildir í 6 mánuði, sbr. ákvæði 3. tl. 2. mgr. 2. gr. reglna nr. 464/1996 um auglýsingar á lausum störfum með síðari breytingum.

 

Starfshlutfall er 100%

Umsóknarfrestur er til og með 13.12.2022

Nánari upplýsingar veitir

Sveinn Kristján Rúnarsson - [email protected] - 444 2000
Oddur Árnason - [email protected] - 444 2000

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira