Hoppa yfir valmynd
HeilbrigðisþjónustaHöfuðborgarsvæðiðLandspítali

Sérhæfður aðstoðarmaður iðjuþjálfa á Landakoti - dagvinna

Sérhæfður aðstoðarmaður iðjuþjálfa á Landakoti - dagvinna

Ert þú sjálfstæð/ur, með góða þjónustulund og hefur áhuga á að vinna með öldruðu fólki? Iðjuþjálfun á Landakoti vill ráða öflugan einstakling til starfa. Starfið felur í sér fjölbreytt verkefni sem unnin eru undir leiðsögn iðjuþjálfa. Áhugavert starf sem býður upp á fjölda tækifæra. Vinnan fer fram m.a. á deildum og vinnustofu iðjuþjálfunar. 

Iðjuþjálfun á Landakoti sinnir fjölbreyttri og sérhæfðri endurhæfingu aldraðra og þar starfar samhentur hópur sem vinnur náið með öðrum fagstéttum. Aðstoðarmenn iðjuþjálfunar eru mikilvægir hlekkir í þjónustunni. 

Starfshlutfall er 90% eða eftir samkomulagi og unnið er í dagvinnu. Æskilegt er að viðkomandi geti hafið störf sem fyrst eða eftir nánara samkomulagi. 

Vinnuvika starfsfólks í fullri vinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Þjálfun einstaklinga með færniskerðingu undir leiðsögn iðjuþjálfa
  • Heldur utan um og tekur þátt í hópastarfi
  • Sinnir eftirliti með búnaði  og hjálpartækjum.
  • Tekur þátt í öðrum störfum innan iðjuþjálfunar eftir þörfum

Hæfniskröfur

  • Hæfni í mannlegum samskiptum
  • Sjálfstæði og frumkvæði í vinnubrögðum
  • Almenn tölvukunnátta
  • Góð íslenskukunnátta
  • Kunnátta á handverki kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum Starfatorg. Umsókn fylgi náms- og starfsferilskrá ásamt afriti af prófskírteinum og starfsleyfi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað. 

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerking: Heilbrigðisþjónusta, aðstoðarmanneskja

Starfshlutfall er 90%

Umsóknarfrestur er til og með 12.12.2022

Nánari upplýsingar veitir

Svanborg Guðmundsdóttir - [email protected] - 5439841/8248718
Sigrún Garðarsdóttir - [email protected] - 5439108/8255072

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira