Hoppa yfir valmynd
SérfræðistörfHöfuðborgarsvæðiðÚtlendingastofnun

Lögfræðingur

Lögfræðingur

Útlendingastofnun leitar að kraftmiklum lögfræðingi til starfa við afgreiðslu umsókna hjá stofnuninni. Verksvið lögfræðings er fjölbreytt, t.a.m. afgreiðsla umsókna, samskipti við innlend og erlend stjórnvöld, viðtöl við umsækjendur og önnur tilfallandi verkefni. Lögfræðingur heyrir undir teymisstjóra.

Útlendingastofnun er spennandi vinnustaður á fleygiferð í stafrænni vegferð. Hjá stofnuninni starfar um 100 manna samhentur hópur á fjórum sviðum. Umfangsmesti þátturinn í starfsemi stofnunarinnar er útgáfa dvalarleyfa. Útlendingastofnun afgreiðir umsóknir um dvalarleyfi, hvort sem um er að ræða dvalarleyfi á grundvelli atvinnuþátttöku, fjölskyldusameiningar, námsvistar eða vistráðningar. Þá afgreiðir stofnunin einnig vegabréfsáritanir, umsóknir um ríkisborgararétt og umsóknir um alþjóðlega vernd. Lögð er rík áhersla á að vinnustaðurinn sé fjölskylduvænn og að starfsandi sé til fyrirmyndar. Boðið er upp á góða vinnuaðstöðu, sveigjanlegan vinnutíma og kost á fjarvinnu. Stofnunin hefur undanfarin ár tekið þátt í verkefninu um styttingu vinnuvikunnar og er miðað við 36 stunda vinnuviku hjá öllu starfsfólki.

Helstu verkefni og ábyrgð

  • Úrvinnsla umsókn og ritun ákvarðana
  • Þátttaka í teymisvinnu
  • Viðtöl við umsækjendur
  • Samskipti við innlend og erlend stjórnvöld
  • Þátttaka í gerð og þróun verkferla
  • Starfa í samræmi við stefnur og markmið stofnunarinnar

Hæfniskröfur

  • BA gráða í lögfræði ásamt meistaragráðu í lögfræði eða embættispróf í lögfræði
  • Reynsla og þekking á opinberri stjórnsýslu er kostur
  • Reynslu og þekking á sviði útlendingaréttar og flóttamannaréttar er kostur
  • Mjög góð færni í mannlegum samskiptum og þjónustulund
  • Mjög góð almenn tölvukunnátta
  • Mjög góð kunnátta í íslensku og ensku í ræðu og riti
  • Áhugi á stafrænum lausnum og þróun verkferla
  • Sjálfstæði í vinnubrögðum
  • Frumkvæði og metnaður til að ná árangri

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Stéttarfélag lögfræðinga hafa gert.

Umsókn skal fylgja ferilskrá að hámarki 2 bls. ásamt mynd og kynningarbréfi sem er að hámarki 1 bls. á íslensku. Umsóknir á erlendum tungumálum, án kynningarbréfa eða án ferilskráa verða ekki teknar til greina. Einnig skal fylgja umsókn staðfesting á prófgráðum. Við ákvörðun um boðun í starfsviðtal verður sérstaklega horft til gæða umsóknargagna.

Við ákvörðun um ráðningu verður, auk framangreindra hæfnisviðmiða, tekið mið af frammistöðu í starfsviðtali og umsagna sem aflað er.

Um er að ræða tímabundna ráðningu til 12 mánaða með 6 mánaða reynslutíma. Æskilegt er að umsækjendur geti hafið störf eigi síðar en 2. janúar nk. eða samkvæmt nánara samkomulagi

Vakin er athygli á því að umsækjendur þurfa að vera reiðubúnir til að framvísa sakavottorði.

Eingöngu er tekið við umsóknum rafrænt í gegnum vefgátt Starfatorgs.

Áhugasamir eru hvattir til að sækja um starfið, óháð kyni. Umsóknir gilda í sex mánuði frá því að umsóknarfresti lýkur. Öllum umsóknum verður svarað eftir að ákvörðun um ráðningu hefur verið tekin.

Starfshlutfall er 100%

Umsóknarfrestur er til og með 28.11.2022

Nánari upplýsingar veitir

Birkir Örn Hauksson, Mannauðsstjóri - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira