Hoppa yfir valmynd
Önnur störfHöfuðborgarsvæðiðLandspítali

Þvottahús Landspítala leitar að starfsmanni á saumastofu og í afgreiðslu

Þvottahús Landspítala leitar að starfsmanni á saumastofu og í afgreiðslu

Þjónustusvið Landspítala auglýsir eftir starfsmanni í þvottahús spítalans. Æskilegt er að umsækjandi geti hafið störf sem fyrst eða eftir nánara samkomulagi. 

Leitast er eftir jákvæðum og ábyrgum einstaklingi sem býr yfir lipurð í mannlegum samskiptum, stundvísi og heiðarleika, vinnur vel í hóp og á auðvelt með að takast á við krefjandi verkefni. 

Í þvottahúsi Landspítala vinna um 40 starfsmenn sem sjá um þvott, afgreiðslu og endurnýjun á öllu líni fyrir Landspítala. Í þvottahúsinu eru þvegin hundruð tonna árlega, meðal annars allur fatnaður starfsfólks og sjúklinga, en einnig sængur, koddar og hvers konar rúmfatnaður.  

Starfið er tvíþætt og felst annarsvegar í því að sinna afgreiðslu pantana og afleysingu verkstjóra í afgreiðslu og hins vegar að sinna saumastofu þar sem eru viðgerðir á líni og önnur tilfallandi verkefni. 

Þvottahús Landspítala er staðsett á Tunguhálsi 2 og er hluti af vöruþjónustu Landspítala sem rekur einnig vöruhús spítalans. Vöruþjónustan heyrir undir kjarna aðfanga og umhverfis á þjónustusviði Landspítala. Í þeim kjarna eru rekin birgðadreifing, flutningar, eldhús, þvottahús og öryggisgæsla en auk þess eru þar bæði fasteignaumsjón og umhverfismál. 

Helstu verkefni og ábyrgð

  • Afleysing verkstjóra í afgreiðslu
  • Tínsla pantana til viðskiptavina
  • Viðgerðir á líni og önnur störf á saumastofu
  • Þrif og önnur tilfallandi verkefni í þvottahúsi

Hæfniskröfur

  • Reynsla af verkstjórn æskileg
  • Reynsla af saumaskap æskileg
  • Góð almenn tölvuþekking skilyrði
  • Jákvætt og lausnamiðað viðhorf
  • Fagmennska og sjálfstæði í vinnubrögðum
  • Þjónustulund, hæfni og lipurð í mannlegum samskiptum
  • Íslenskukunnátta skilyrði
  • Góð almenn enskukunnátta æskileg

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, almenn störf, teymisvinna, önnur störf, saumatæknir

Starfshlutfall er 100%

Umsóknarfrestur er til og með 01.12.2022

Nánari upplýsingar veitir

Hjörtur Sigvaldason, Rekstrarstjóri - [email protected] - 626 1514

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira