Hoppa yfir valmynd
SérfræðistörfHöfuðborgarsvæðiðÁn staðsetningarFjármála- og efnahagsráðuneytið

Störf við að móta nýtt fyrirkomulag tekna af samgöngum til framtíðar

Störf við að móta nýtt fyrirkomulag tekna af samgöngum til framtíðar

Við leitum að lausnamiðuðum sérfræðingum með áhuga á að taka þátt í að móta samgöngugjöld framtíðarinnar.

Fjármála- og efnahagsráðuneytið og innviðaráðuneytið áforma að setja á fót verkefnastofu um samgöngugjöld og flýtifjármögnun samgönguinnviða. Vegna orkuskipta í vegasamgöngum fara hefðbundnar skatttekjur ríkissjóðs af ökutækjum og eldsneyti þverrandi. Þá hafa stjórnvöld áform um að flýta samgönguframkvæmdum, bæði á höfuðborgarsvæðinu og á landsbyggðinni, einkum í jarðgangagerð. 

Í ljósi þessa leggja ráðuneytin áherslu á að mótuð verði heildstæð framtíðarsýn um breytt fyrirkomulag gjaldtöku af ökutækjum, eldsneyti og afnotum vegakerfisins sem geti orðið sjálfbært til langrar framtíðar. Verkefnastofunni er ætlað að vinna að úrlausnarefnum á þessu sviði í samstarfi við sérfræðinga ráðuneytanna og sérstaka samráðsnefnd um málefnið. Markmiðið er að allir helstu þættir í nýju kerfi samgöngugjalda verði gangsettir fyrir árslok 2024. 

Helstu verkefni og ábyrgð

  • Skoða mismunandi leiðir til tekjuöflunar af umferð
  • Meta og áhrif á ólíka hópa
  • Greiningar- og sviðsmyndavinna
  • Mat á tæknilegum lausnum og útfærslum
  • Samráð og kynningar á nýju fyrirkomulagi

Hæfniskröfur

Fjölbreytt menntun og reynsla getur nýst í starfinu t.d. á sviði hagfræði og fjármála, þróunar og uppbyggingar samgangna, orkuskipta, umhverfis- og skipulagsmála, verklegra framkvæmda, verkefnastjórnunar og verkfræði. Störf í verkefnastofunni eru tímabundin til allt að tveggja ára.

 Menntun og hæfniskröfur

  • Frumkvæði, drifkraftur og metnaður.
  • Háskólapróf sem nýtist í starfi
  • Þekking og reynsla af stefnumótun og breytingarstjórnun.
  • Greiningarhæfni, lausnamiðuð og sjálfstæð vinnubrögð.
  • Framúrskarandi samskiptahæfileikar.
  • Góð hæfni í að tjá sig í ræðu og riti.
  • Reynsla af áhrifamati og greiningum er kostur.
  • Reynsla af verkefnastjórnun er kostur.
  • Þekking á samgöngumálum og/eða tækniþróun er kostur.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Nánari upplýsingar um verkefnastofuna 

Í sjálfbæru vegakerfi framtíðar felst að ný samgöngugjöld samhæfi á landsvísu almenna gjaldtöku fyrir afnot vegakerfisins, s.s. kílómetragjald, og eftir atvikum sértækari flýti- og umferðargjöld fyrir einstök mannvirki, flokka innviða eða samgöngusvæði. Verkefnastofunni er ætlað að vinna að úrlausnarefnum á þessu sviði í umboði ráðuneytanna. Nánar tiltekið er henni ætlað að fjalla um  tillögur að nýju tekjuöflunarkerfi ríkissjóðs fyrir almenna umferð á vegakerfinustýringu á umferðarálagi og upp­byggingu samgöngumannvirkja á höfuðborgarsvæðinu með flýti- og umferðargjöldum sem og fjármögnun annarra stærri samgöngu­innviða með gjaldtöku fyrir afnot þeirra. Auk þess að tryggja ríkissjóði áfram nauðsynlegar tekjur er eitt helsta markmiðið með nýrri skipan samgöngugjalda að hvetja til orkuskipta. Þá er tillögugerðinni ætlað að stuðla að hagkvæmni og samræmi í tekjuöflun ríkisins, í senn hvað varðar hagræna hvata og áhrif, skilvirka innheimtu og hentuga framkvæmd og gagnsæja álagningu fyrir greiðendur. Verkefnastofunni er ætlað að skoða mismunandi leiðir til tekjuöflunar af umferð og hvernig þær þróast til framtíðar, áætla tekjur hvers þáttar og kerfisins í heild, meta áhrif á ólíka hópa, t.d. eftir búsetu og tekjubilum, vinna greiningar og sviðsmyndir, meta tæknilegar lausnir og útfærslur, eiga samráð við hagaðila, standa fyrir kynningum um nýja fyrirkomulagið o.fl. Verkefna­stofan mun eiga samstarf um þessi úrlausnarefni við sérfræðinga ráðuneytanna og við sérstaka samráðsnefnd um málefnið. 

Umsóknir geta gilt í sex mánuði frá birtingu auglýsingar, sbr. reglur nr. 1000/2019 um auglýsingar lausra starfa. 

Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

 

Starfshlutfall er 100%

Umsóknarfrestur er til og með 07.12.2022

Nánari upplýsingar veitir

Guðrún Ögmundsdóttir, Skrifstofustjóri - [email protected]
Ragnheiður Valdimarsdóttir, Mannauðsstjóri - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira