Hoppa yfir valmynd
HeilbrigðisþjónustaHöfuðborgarsvæðiðLandspítali

Hjúkrunarfræðingur/ flæðisstjóri á blóð- og krabbameinslækningadeild

Hjúkrunarfræðingur/ flæðisstjóri á blóð- og krabbameinslækningadeild

Blóð- og krabbameinslækningadeild óskar eftir að ráða flæðisstjóra við deildina. Deildin er 30 rúma legudeild og fer þar fram hjúkrun sjúklinga með krabbamein og illkynja blóðsjúkdóma. Við leggjum áherslu á einstaklingsmiðaða og heildræna þjónustu, fjölskylduhjúkrun, teymisvinnu og góðan starfsanda. Ráðið er í starfið sem fyrst eða eftir nánara samkomulagi og er starfshlutfall er 80-100%.

Mikil gæða og umbótavinna fer fram á deildinni og er starf flæðisstjóra liður í því að tryggja skilvirkt flæði og að sjúklingar fái rétta þjónustu, á réttum stað, á réttum tíma. Flæðisstjóri hefur yfirsýn yfir sjúklinga deildarinnar og stuðlar að samfellu í þjónustu við sjúklinga ásamt því að vinna að stöðugum umbótum á ferlum sjúklinga innan krabbameinskjarna. Til greina kemur að flæðisstjóri sinni líka samhliða klínísku starfi hjúkrunarfræðings.

Vinnuvika starfsfólks í fullri vaktavinnu er nú 36 stundir og getur orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Sinnir daglegu flæði innan deildarinnar og vinnur með innlagnarstjóra að því að tryggja sjúklingum sem þurfa að leggjast inn viðeigandi úrræði
  • Vinnur í samvinnu við stjórnendur krabbameinskjarna að bættu flæði sjúklinga
  • Tekur þátt í vikulegum flæðisfundum með stjórnendum krabbameinskjarna
  • Kynnir sér sjúklinga deildarinnar og tryggir samfellu í þjónustu
  • Tryggir að sjúklingar deildarinnar hafi útskriftaráætlun og vinnur náið með útskriftarteymi spítalans
  • Vinnur að útskriftarmálum sjúklinga
  • Stuðlar að samfellu í þjónustu við sjúklinga og bæta flæði deildar
  • Stuðlar að framúrskarandi þjónustu deildar með sjúklinginn i öndvegi
  • Er virkur þátttakandi í þróun og uppbyggingu þjónustunnar

Hæfniskröfur

  • Íslenskt hjúkrunarleyfi
  • Reynsla í hjúkrun æskileg
  • Faglegur metnaður og áhugi á að starfa við krabbameinshjúkrun
  • Lausnamiðuðu hugsun og skipulögð vinnubrögð
  • Góðir samskiptahæfileikar og jákvætt viðmót
  • Hæfni og vilji til að taka þátt í teymisvinnu

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt starfsleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum. Allar umsóknir þurfa að fara rafrænt í gegnum ráðningarkerfi ríkisins.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum. 

Starfsmerkingar: Heilbrigðisþjónusta, Hjúkrunarfræðingur, hjúkrun

Starfshlutfall er 80-100%

Umsóknarfrestur er til og með 09.12.2022

Nánari upplýsingar veitir

Ragna Gústafsdóttir, deildarstjóri - [email protected] - 824 5931

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira