Hoppa yfir valmynd
Kennsla og rannsóknirNorðurlandHáskólinn á Akureyri

Lektor í samfélagsgeðhjúkrun

Lektor í samfélagsgeðhjúkrun

Háskólinn á Akureyri auglýsir lausa til umsóknar 100% stöðu lektors við námsbraut fagnáms til diplómaprófs fyrir starfandi sjúkraliða við framhaldsnámsdeild heilbrigðisvísindasviðs með áherslu á kennslu á kjörsviði samfélagsgeðhjúkrunar. 

Helstu verkefni og ábyrgð

Við leitum að öflugum einstaklingi til að annast kennslu, rannsóknir og stjórnun við námsbraut fagnáms fyrir starfandi sjúkraliða. Næsti yfirmaður er deildarforseti framhaldsnámsdeildar. Starfsvettvangur er Háskólinn á Akureyri. Staðan er veitt frá og með 1. júní 2023. Ráðningartími er tímabundinn til fimm ára en viðkomandi getur óskað eftir ótímabundinni ráðningu að þeim tíma liðnum samkvæmt reglum nr. 258/2016 um störf dómnefndar og ráðningar akademískra starfsmanna við Háskólann á Akureyri. Framgangur í stöðu dósents eða prófessors kemur til greina við ráðningu hafi umsækjandi hæfi til þess að mati dómnefndar. 

Háskólinn á Akureyri er eini háskólinn á Íslandi sem býður upp á fagnám til diplómaprófs fyrir starfandi sjúkraliða. Námið er 60 ECTS eininga nám, tekið á tveimur árum og gert er ráð fyrir að nemendur starfi við kjörsvið á námstímanum. Starfinu fylgir möguleiki á þátttöku í þróunarstarfi og uppbyggingu fagmenntunar heilbrigðisstétta til framtíðar auk kennslu og rannsókna.

Hæfniskröfur

  • Umsækjandi skal hafa þekkingu og reynslu í samræmi við alþjóðleg viðmið fyrir viðkomandi starfsheiti á fræðasviðinu, staðfest með áliti dómnefndar, og doktorsprófi frá viðurkenndum háskóla.
  • Reynsla af kennslu og rannsóknum á háskólastigi er kostur.
  • Reynsla af þátttöku í þverfaglegri teymisvinnu er kostur.
  • Krafist er góðrar hæfni í mannlegum samskiptum, góðrar færni í að miðla þekkingu og skipulagshæfni.
  • Gott vald á íslensku og ensku, jafnt töluðu sem rituðu máli.

Umsókn skal fylgja:

  • Greinargóð skýrsla um náms- og starfsferil, fræðistörf og kennslureynslu.
  • Greinargerð um fyrirhugaðar rannsóknaráherslur.
  • Staðfest afrit af prófskírteinum.
  • Umsagnir um kennslu- og stjórnunarstörf umsækjanda.
  • Tilnefna skal þrjá meðmælendur. Æskilegt er að einn þeirra sé næsti yfirmaður umsækjanda í núverandi eða fyrra starfi.
  • Fræðilegar ritsmíðar sem umsækjandi telur sín bestu verk (allt að fimm ritum). Þegar fleiri en einn höfundur stendur að innsendu ritverki skal umsækjandi gera grein fyrir framlagi sínu til verksins.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.

Meðferð umsókna, mat á hæfi umsækjenda og ráðning í starfið er í samræmi við ákvæði laga nr. 63/2006 um háskóla, laga nr. 85/2008 um opinbera háskóla, reglna nr. 694/2022 fyrir Háskólann á Akureyri og reglna nr. 258/2016 um störf dómnefndar og ráðningar akademískra starfsmanna við Háskólann á Akureyri. Ófullnægjandi umsóknir verða ekki teknar til greina. Öllum umsóknum verður svarað þegar ákvörðun um ráðningu í starfið hefur verið tekin. Háskólinn á Akureyri áskilur sér rétt til að hafna öllum umsóknum. Umsókn getur gilt í sex mánuði eftir að umsóknarfresti lýkur.

Við ráðningu verður miðað við, að þeir sem störfin hljóta falli sem best að aðstæðum og þörfum námsbrautar fagnáms fyrir starfandi sjúkraliða við framhaldsnámsdeild heilbrigðisvísindasviðs  Háskólans á Akureyri.

Starfshlutfall er 100%

Umsóknarfrestur er til og með 01.02.2023

Nánari upplýsingar veitir

Hafdís Skúladóttir - [email protected] - 4608456
Þorbjörg Jónsdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira