Hoppa yfir valmynd
HeilbrigðisþjónustaSuðurnesHeilbrigðisstofnun Suðurnesja

Hjúkrunarfræðingur á heilsugæsluna í Grindavík - Heilbrigðisstofnun Suðurnesja

Hjúkrunarfræðingur á heilsugæsluna í Grindavík - Heilbrigðisstofnun Suðurnesja

Viltu slást í hópinn og taka þátt í spennandi uppbyggingu?

Við óskum eftir að ráða hjúkunarfræðing til að slást í okkar frábæra hóp og byggja upp öfluga teymisvinnu sem eykur þjónustu við skjólstæðinga heilsugæslunar í Grindavik. Um er að ræða 60% - 80% starf í dagvinnu. Æskilegt er að viðkomandi geti byrjað sem fyrst eða eftir samkomulagi. 

Á stofnuninni er góð samvinna milli deilda, boðleiðir eru stuttar og hér ríkir góður starfsandi. Við tökum vel á móti nýju fólki og veitum góða og einstaklingshæfða aðlögun.

Helstu verkefni og ábyrgð

Starfsemi á heilsugæslunni í Grindavík er fjölbreytt og krefjandi. Læknamóttaka, hjúkrunarmóttaka, skólahjúkrun, ung- og smábarnavernd, ásamt heilsueflandi móttökum. Um er að ræða fjölbreytt og krefjandi starf með skemmtilegu og metnaðarfullu starfsfólki. 

Hjúkrunarfræðingurinn er leiðandi í starfi, framþróun, umbótum og mótun liðsheildar. Unnið er á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu. 

Hjúkrunarfræðingar starfa samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar. Leiðarljós HSS í þjónustu og starfi er umhyggja, fagmennska og virðing. 

Hæfniskröfur

  • Íslenskt hjúkrunarleyfi
  • Jákvætt viðmót og framúrskarandi samskiptahæfni
  • Frumkvæði, skipulögð vinnubrögð og faglegur metnaður til að ná árangri
  • Góð hæfni og geta til samvinnu/teymisvinnu
  • Íslensku- og enskukunnátta skilyrði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða viðtölum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.

Á Heilbrigðisstofnun Suðurnesja eru þrjú svið; heilsugæslusvið, sjúkrahússvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Heilbrigðisstofnun Suðurnesja sinnir þjónustu í einu fjölmennasta heilbrigðisumdæmi á landinu, um 30.000 manns.

Starfshlutfall er 60-80%

Umsóknarfrestur er til og með 13.02.2023

Nánari upplýsingar veitir

Laufey Sæunn Birgisdóttir - [email protected]

Smelltu hér til að sækja um starfið

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira