Utanríkisráðuneytið

Utanríkisráðuneytið hefur umsjón með utankjörfundaratkvæðagreiðslu erlendis. 

Erlendis skal atkvæðagreiðsla utan kjörfundar fara fram á skrifstofu sendiráðs, á sendiræðisskrifstofu eða á skrifstofu kjörræðismanns samkvæmt nánari ákvörðun utanríkisráðuneytisins. Utanríkisráðuneytið getur og ákveðið að atkvæðagreiðsla fari fram á öðrum stöðum erlendis. 

Utanríkisráðuneytið annast afgreiðslu þeirra kjörgagna sem þurfa að berast kjörstjórum erlendis.

Kosning utan kjörfundar hjá sendiskrifstofum Íslands:

Fyrirkomulega um kosningu utan kjörfundar er á höndum hverrar sendiskrifstofu fyrir sig.

Kjósendum er bent á að hafa samband við viðkomandi sendiskrifstofu til þess að fá upplýsingar hvenær og hvar tekið sé á móti kjósendum.

Nánari upplýsingar um fyrirkomulag utankjörfundaratkvæðagreiðslunnar má finna á heimasíðu viðkomandi sendiskrifstofu.

Kosning utan kjörfundar hjá kjörræðismönnum:

Kjósendur skulu hafa samband við kjörræðismenn og bóka tíma skv. samkomulagi til að kjósa.

Utanríkisráðuneytið auglýsir hvar og hvenær atkvæðagreiðsla getur farið fram erlendis.

• Frétt um utankjörfundaratkvæðagreiðslu erlendis
• Listi yfir kjörstjóra erlendis