Fréttir

Öryggi á landamærum aukið með samþykkt nýrra laga um Schengen-upplýsingakerfið

Frumvarp dómsmálaráðherra um breytingar á lögum um Schengen-upplýsingakerfið (SIS) hefur verið samþykkt á Alþingi. Með lögunum er lögfest heimild til að skrá upplýsingar um ríkisborgara þriðju ríkja sem tengjast skipulagðri glæpastarfsemi, hryðjuverkum eða öðrum alvarlegum afbrotum í Schengen-upplýsingakerfið.

Þórdís Valsdóttir aðstoðar dómsmálaráðherra

Þorbjörg S. Gunnlaugsdóttir dómsmálaráðherra hefur ráðið Þórdísi Valsdóttur sem aðstoðarmann sinn. Þórdís er með meistarapróf í lögfræði og hefur starfað sem upplýsingafulltrúi í dómsmálaráðuneytinu frá því í júní á síðasta ári.

Embætti sýslumanns laust til umsóknar

Dómsmálaráðuneytið auglýsir laust til umsóknar embætti sýslumanns sem stofnað verður 1. janúar 2027 við sameiningu núverandi níu sýslumannsembætta. Ekki er gert ráð fyrir að sýslumaður hafi aðsetur á höfuðborgarsvæðinu.

Ragna Bjarnadóttir tekur við embætti forstjóra Fangelsismálastofnunar

Dómsmálaráðherra hefur ákveðið að flytja Rögnu Bjarnadóttur, skrifstofustjóra í dómsmálaráðuneytinu, í embætti forstjóra Fangelsismálastofnunar ríkisins frá og með 15. maí næstkomandi, með vísan til heimildar í 1. mgr. 36. gr. laga nr. 70/1996, um réttindi og skyldur starfsmanna ríkisins.

Útboð vegna jarðvegsvinnu á Stóra-Hrauni fyrirhugað á næstu vikum

Sérstök umræða um fangelsismál fór fram á Alþingi í dag að frumkvæði Ásu Berglindar Hjálmarsdóttur, alþingismanns. Þorbjörg S. Gunnlaugsdóttir dómsmálaráðherra fór í umræðunni yfir stöðu fangelsismála, uppbyggingu nýrra afplánunarrýma og aðgerðir stjórnvalda til að bregðast við þrýstingi á fangelsiskerfið.

Reynsla Íslands í baráttunni gegn kynbundnu ofbeldi rædd á fundi SÞ

Réttlæti án hindrana var yfirskrift hliðarviðburðar íslenskra stjórnvalda í samvinnu við stjórnvöld í Þýskalandi og Kenía og Kvennanefnd Sameinuðu þjóðanna (UN Women) á Kvennanefndarfundi Sameinuðu þjóðanna CSW70 í dag.…

Jöfn skipting fæðingarorlofs styrkir stöðu kvenna á vinnumarkaði

Kynjajafnrétti fær fjölskyldur til að dafna (e. Gender Equality Makes Families Thrive) var yfirskrift pallborðsumræðna norrænna jafnréttisráðherra á sjötugasta fundi Kvennanefndar Sameinuðu þjóðanna (CSW70) í gær.

Sindri M. Stephensen og Særún María Gunnarsdóttir skipuð í embætti héraðsdómara

Dómsmálaráðherra hefur skipað Sindra M. Stephensen í embætti dómara sem mun hafa starfsstöð við Héraðsdóm Reykjavíkur en sinna störfum við alla héraðsdómstóla eftir ákvörðun dómstólasýslunnar. Dómsmálaráðherra hefur jafnframt skipað Særúnu Maríu Gunnarsdóttur í embætti dómara með fyrsta starfsvettvang við Héraðsdóm Reykjavíkur. Báðar skipanirnar eru frá og með 9. mars 2026.

Sjötugasti fundur Kvennanefndar Sameinuðu þjóðanna hafinn

Sjötugasti fundur Kvennanefndar Sameinuðu þjóðanna (CSW70) hófst í New York í morgun. Þorbjörg S. Gunnlaugsdóttir, dómsmálaráðherra og ráðherra jafnréttismála, sækir fundinn fyrir hönd Íslands.

Ísland og níu Evrópuríki efla samstarf um vernd almennra borgara

Dómsmálaráðuneytið hefur undirritað viljayfirlýsingu varðandi samstarf um verndun almennra borgara. Auk Íslands eiga Danmörk, Eistland, Finland, Lettland, Litáen, Noregur, Pólland, Svíþjóð og Þýskaland aðild að yfirlýsingunni.

Frumvarp um stafræna málsmeðferð samþykkt á Alþingi

Frumvarp dómsmálaráðherra um stafræna og rafræna málsmeðferð hjá sýslumönnum og dómstólum var samþykkt einróma á Alþingi í gær. Markmiðið með breytingunum er að einfalda og bæta þjónustu við almenning, tryggja skilvirkari afgreiðslu mála og stuðla að nútímalegri og notendavænni þjónustu. Þá er einnig stigið mikilvægt skref sem festir í sessi jafnt aðgengi að opinberri þjónustu, óháð búsetu.

Dómnefnd skilar umsögn um umsækjendur um embætti héraðsdómara

Þann 12. janúar 2026 auglýsti dómsmálaráðuneytið laust til umsóknar embætti dómara með fyrsta starfsvettvang við Héraðsdóm Reykjavíkur. Dómnefnd um hæfni umsækjenda um embætti dómara hefur skilað umsögn sinni til ráðherra.

Jafnréttisverðlaun Vigdísar: Opið fyrir tilnefningar

Enn er opið fyrir tilnefningar til alþjóðlegra jafnréttisverðlauna í nafni Vigdísar Finnbogadóttur. Frestur til að skila inn tilnefningum er til 27. mars 2026.

Ný forvarnaáætlun til að vernda börn og ungmenni gegn kynferðislegu og kynbundnu ofbeldi kynnt

Þorbjörg S. Gunnlaugsdóttir, dómsmálaráðherra, kynnti nýja forvarnaáætlun gegn kynbundnu og kynferðislegu ofbeldi meðal barna og ungmenna í ríkisstjórn í morgun. Áætlunin hefur það að markmiði að koma á og viðhalda skipulögðum forvörnum meðal barna og ungmenna gegn kynferðislegu og kynbundnu ofbeldi og áreitni.

Páll Winkel skipaður ráðuneytisstjóri í dómsmálaráðuneytinu

Þorbjörg S. Gunnlaugsdóttir, dómsmálaráðherra, hefur ákveðið að skipa Pál Winkel í embætti ráðuneytisstjóra dómsmálaráðuneytisins. Páll tekur við embættinu á næstu dögum.

Réttindi barna skýrð frekar með breytingartillögum á frumvarpi til laga um brottfarastöð

Dómsmálaráðherra hefur sent allsherjar- og menntamálanefnd Alþingis breytingartillögur við frumvarp sitt til laga um brottfararstöð sem nú er til umfjöllunar hjá nefndinni. Lagt er til að kveðið verði skýrt á um að fjölskyldur með börn verði vistaðar í húsnæði sem er eingöngu ætlað fjölskyldum með börn.

Minna um vopnaburð og börnum líður betur

Árið 2024 vöktu alvarleg ofbeldismál þar sem börn komu við sögu mikla athygli og áhyggjur almennings. Ný stöðuskýrsla aðgerðahóps stjórnvalda um aðgerðir vegna ofbeldis meðal barna og gegn börnum sýnir jákvæða þróun á ýmsum sviðum og um leið nýjar áskoranir.

Ásmundur Einar leiðir nefnd dómsmálaráðherra um strákana okkar

Þorbjörg S. Gunnlaugsdóttir dómsmálaráðherra hefur skipað nefnd um stráka sem hefur það hlutverk að vinna skýrslu með yfirsýn yfir samfélagslega stöðu drengja og karla og þær áskoranir sem þeir standa frammi fyrir. Ásmundur Einar Daðason, fyrrum mennta- og barnamálaráðherra, er formaður nefndarinnar.

Norrænir ráðherrar útlendingamála ræða samstarf um brottvísanir

Þorbjörg S. Gunnlaugsdóttir dómsmálaráðherra tók þátt í fjarfundi með norrænum ráðherrum útlendingamála í dag. Fundurinn var haldinn að frumkvæði Mari Rantanen, innanríkisráðherra Finnlands. Dómsmálaráðherra lagði til að þessir ráðherrar funduðu oftar og reglubundið með þessum hætti og var sammælst um það.

Dómnefnd skilar umsögn um umsækjendur um embætti héraðsdómara

Þann 5. desember 2025 auglýsti dómsmálaráðuneytið í Lögbirtingablaði laus til umsóknar tvö embætti héraðsdómara. Dómnefnd um hæfni umsækjenda um embætti dómara hefur skilað umsögnum sínum til ráðherra.

Frumvarp dómsmálaráðherra um afturköllun verndar samþykkt á Alþingi

Frumvarp dómsmálaráðherra um breytingu á lögum um útlendinga var samþykkt einróma á Alþingi í dag. Með lagabreytingunum verður stjórnvöldum heimilt að afturkalla alþjóðlega vernd þegar útlendingur hefur framið alvarleg eða ítrekuð brot, sem og þeirra sem ógna öryggi ríkisins.…

Drög að frumvarpi um brottvísanir erlendra fanga í samráðsgátt

Dómsmálaráðherra hefur birt í samráðsgátt drög að frumvarpi til breytinga á lögum um fullnustu refsinga. Frumvarpið felur í sér endurskoðun á ákvæðum laga sem varða reynslulausn og fullnustu refsinga utan fangelsa, í þeim tilvikum þar sem fyrir liggur að erlendum föngum með lítil eða engin tengsl við Ísland verði brottvísað í kjölfar afplánunar.

Áhersla á aðgerðir gegn kynbundnu ofbeldi í nýsamþykktri framkvæmdaáætlun

Þingsályktunartillaga dómsmálaráherra um framkvæmdaáætlun í kynjajafnréttismálum fyrir árin 2026 til 2029 var samþykkt á Alþingi þann 3. febrúar síðastliðinn. Tillagan inniheldur 41 aðgerð sem er ætlað að tryggja jafna stöðu og jafnan rétt kynjanna í íslensku samfélagi og endurspegla forgangsröðun stjórnvalda í málaflokknum.

Sýslumannsembættin hljóta heiðursverðlaun fyrir framúrskarandi framlag til upplýsingatækni

Sýslumannsembættin hlutu heiðursverðlaun UT-verðlauna Ský árið 2026 fyrir framúrskarandi framlag til upplýsingatækni en verðlaunin voru afhent föstudaginn 6. febrúar við hátíðlega athöfn á UTmessunni.

Ráðherra ræddi sjálfviljuga heimför útlendinga á fundi með forstjóra Alþjóðlegu fólksflutningastofnunarinnar

Þorbjörg S. Gunnlaugsdóttir, dómsmálaráðherra, fundaði í dag með Amy Pope, aðalframkvæmdastjóra Alþjóðlegu fólksflutningastofnunarinnar (IOM), þar sem rætt var um mikilvægi samstarfs Íslands og stofnunarinnar á sviði fólksflutninga og sjálfviljugar heimfarar.

Námskeið til undirbúnings prófi til að öðlast réttindi til að vera héraðsdómslögmaður

Prófnefnd um próf til að öðlast réttindi til að vera héraðsdómslögmaður hefur ákveðið að halda námskeið vorið 2026. Prófraunin skiptist í tvo hluta, auk verklegrar prófraunar. Stefnt er að því að kennsla fyrri hluta frai fram dagana 23. febrúar til 6. mars og síðari hluta dagana 7. til 17. apríl.

Ráðherra skipar stýrihóp um stefnu og skipulag löggæslu

Dómsmálaráðherra hefur skipað stýrihóp um stefnumótun í löggæslu. Hópnum er falið að marka heildstæða stefnu, skipulag og framtíðarsýn fyrir íslenska lögreglu og greina þróun löggæslumála til lengri tíma. Grímur Grímsson þingmaður og fyrrum yfirlögregluþjónn er formaður hópsins.

Frumvarp um sameinað embætti sýslumanns samþykkt á Alþingi

Frumvarp dómsmálaráðherra um sameinað embætti sýslumanns var samþykkt á Alþingi í gær. Með samþykkt frumvarpsins verða núverandi níu sýslumannsembætti sameinuð í eitt öflugt embætti sýslumanns sem starfa mun um land allt.

Átta sækja um embætti héraðsdómara

Hinn 12. janúar 2026 auglýsti dómsmálaráðuneytið í Lögbirtingablaði laust til umsóknar embætti dómara með fyrsta starfsvettvang við Héraðsdóm Reykjavíkur. Skipað verður í embættið hið fyrsta eftir að dómnefnd um hæfni umsækjenda um embætti dómara lýkur störfum.

Stafræn birting skjala í saka- og dómsmálum

Stigin hafa verið skref að markvissari miðlun skjala/gagna og upplýsinga í réttarvörslukerfinu í gegnum Mínar síður á Ísland.is. Einstaklingum geta nú borist tilkynningar frá héraðsdómstólum og lögreglu inn á Mínum síðum, hvort sem um er að ræða ákærur eða dóma.

Öruggara Ísland: Heildstæð stefna og aðgerðir gegn skipulagðri brotastarfsemi

Dómsmálaráðherra kynnti í morgun nýja stefnu og aðgerðir stjórnvalda gegn skipulagðri brotastarfsemi á fjölmennum morgunverðarfundi. Stefnan, sem ber heitið Öruggara Ísland, er sú fyrsta sinnar tegundar hér á landi og markar tímamót í baráttu stjórnvalda gegn einni alvarlegustu ógn sem steðjar að almannaöryggi.

Varað við svikapóstum í nafni dómsmálaráðuneytis og lögreglu

Embætti ríkislögreglustjóra hafa borist tilkynningar um tölvupóst þar sem lögreglan og dómsmálaráðuneytið eru ranglega titluð sem sendandi og skilaboðin sögð varða dómsmál.

Húsfyllir á fundi um áfallaþol Íslands í breyttum heimi

Opinn fundur um áfallaþol Íslands í nýrri heimsmynd fór fram í Norræna húsinu í gær. Fundurinn var haldinn á vegum Varðbergs, í samstarfi við dómsmálaráðuneytið og utanríkisráðuneytið. Þorbjörg S. Gunnlaugsdóttir dómsmálaráðherra setti fundinn og fjallaði í opnunarávarpi sínu um breytta heimsmynd, aukna óvissu í öryggisumhverfi Evrópu og mikilvægi þess að Ísland efli seiglu samfélagsins.

Reimar Pétursson og Matthías G. Pálsson skipaðir í embætti við Endurupptökudóm

Dómsmálaráðherra hefur skipað Reimar Snæfells Pétursson í embætti dómanda við Endurupptökudóm og mun hann gegna embættinu sem aukastarfi samhliða lögmennsku. Dómsmálaráðherra hefur jafnframt skipað Matthías G. Pálsson sem varadómanda við Endurupptökudóm.

Mælti fyrir heimild til notkunar ökklabanda, afnámi jafnlaunavottunar og tveimur öðrum málum á Alþingi

Þorbjörg S. Gunnlaugsdóttir dómsmálaráðherra hefur mælt fyrir tveimur frumvörpum á Alþingi í dag og mun mæla fyrir tveimur til viðbótar síðar í dag. Málin varða jafnrétti á vinnumarkaði, öryggi brotaþola, útlendingamál og öryggisráðstafanir.

Refsiréttarnefnd taki dóm Mannréttindadómstólsins til skoðunar

Mannréttindadómstóll Evrópu kvað í gær upp dóma í tveimur málum sem höfðuð voru gegn íslenska ríkinu. Málin vörðuðu rannsókn og meðferð kynferðisbrotamála og var íslenska ríkið talið brotlegt í öðru þeirra. Í hvorugu málinu taldi dómstóllinn að um kerfisbundna mismunun eða kynbundna hlutdrægni væri að ræða við meðferð kynferðisbrotamála hér á landi.…

Dómnefnd skilar umsögn um umsækjendur um embætti við Endurupptökudóm

Þann 24. október 2025 auglýsti dómsmálaráðuneytið í Lögbirtingablaði laus til umsóknar embætti dómanda og varadómanda við Endurupptökudóm. Umsóknarfrestur rann út 10. nóvember og barst ein umsókn um hvort embætti.

Ingibjörg Þorsteinsdóttir og Eiríkur Elís Þorláksson taka við embætti dómara við Landsrétt

Dómsmálaráðherra hefur ákveðið að leggja til við forseta Íslands að Ingibjörg Þorsteinsdóttir verði skipuð dómari við Landsrétt frá 12. janúar 2026. Dómsmálaráðherra hefur jafnframt ákveðið að setja Eirík Elís Þorláksson sem dómara við Landsrétt frá 5. janúar 2026 til 28. febrúar 2029.

Sex sækja um embætti héraðsdómara

Hinn 5. desember 2025 auglýsti dómsmálaráðuneytið í Lögbirtingablaði laus til umsóknar tvö embætti héraðsdómara. Umsækjendur um bæði embættin eru sex.

Tímabundnar heimildir til uppbyggingar varnargarða renna sitt skeið – undirbúningur að almennri löggjöf hafinn

Heimildir samkvæmt lögum um vernd mikilvægra innviða á Reykjanesskaga til að taka ákvarðanir um uppbyggingu varnargarða og aðrar sambærilegar framkvæmdir í þágu almannavarna renna sitt skeið í lok árs 2025.

Dómnefnd skilar umsögn um umsækjendur um embætti dómara við Landsrétt

Hinn 24. október 2025 auglýsti dómsmálaráðuneytið í Lögbirtingablaði tvö embætti dómara við Landsrétt laus til umsóknar. Annars vegar er um að ræða skipun í embætti dómara við Landsrétt og hins vegar setningu til og með 28. febrúar 2029. Sjö umsóknir bárust um embættin.

Fjórir umsækjendur um embætti ríkislögreglustjóra

Alls bárust fjórar umsóknir um embætti ríkislögreglustjóra sem auglýst var þann 3. desember síðastliðinn. Umsóknarfrestur rann út þann 18. desember.

Fimmtu úttektinni um varnir gegn spillingu lokið

Samtök ríkja innan Evrópuráðsins gegn spillingu (GRECO) hafa lokið fimmtu úttekt sinni á Íslandi um varnir gegn spillingu og eflingu heilinda hjá æðstu handahöfum framkvæmdarvalds og löggæsluyfirvöldum.

Átján útskrifast úr fangavarðanámi

Síðastliðinn föstudag, þann 12. desember, útskrifuðust 18 nemendur úr fangavarðanámi Fangelsismálastofnunar sem starfrækt er hjá Mennta- og starfsþróunarsetri lögreglu hjá embætti ríkislögreglustjóra.

Áfallaþol nauðsynleg forsenda fyrir öryggi almennings

Dómsmálaráðuneytið og utanríkisráðuneytið hafa birt áfangaskýrsluna Áfallaþol á grundvelli viðmiða Atlantshafsbandalagsins. Skýrslan var unnin af stýrihópi sem var falið að kanna áfallaþol í íslensku samfélagi með hliðsjón af grunnviðmiðum bandalagsins og markar einn áfanga í heildstæðri kortlagningu, stefnumótun og tillögum að aðgerðum til að efla áfallaþol samfélagsins.…

Sex umsækjendur um embætti ráðuneytisstjóra dómsmálaráðuneytisins

Alls bárust sex umsóknir um embætti ráðuneytisstjóra dómsmálaráðuneytisins sem auglýst var þann 25. nóvember 2025. Umsóknarfrestur rann út þann 10. desember 2025.

Auglýsing um breytingu á áfrýjunarfjárhæð

Mikilvægi mannréttinda og áskoranir í útlendingamálum til umræðu í Strassborg

Þorbjörg S. Gunnlaugsdóttir dómsmálaráðherra sótti í dag óformlegan ráðherrafund Evrópuráðsins í Strassborg þar sem ráðherrarnir ræddu fólksflutninga í ljósi Mannréttindasáttmála Evrópu. Tildrög fundarins voru meðal annars áhyggjur tiltekinna aðildarríkja af framkvæmd Mannréttindadómstóls Evrópu.

Embætti ríkislögreglustjóra laust til umsóknar

Dómsmálaráðuneytið auglýsir laust til umsóknar embætti ríkislögreglustjóra. Leitað er að öflugum leiðtoga með skýra sýn og getu til þess að leiða fólk til árangurs, í þeim tilgangi að móta og efla starfsemi embættisins.

Samráðsvettvangur um jafnrétti kynjanna fundar um forvarnir gegn ofbeldi

Fundur í samráðsvettvangi um jafnrétti kynjanna verður haldinn miðvikudaginn 3. desember klukkan 9:00–12:00 í Hannesarholti. Þema fundarins að þessu sinni verður forvarnir gegn kynferðislegu og kynbundnu ofbeldi meðal barna og ungmenna.

Ársskýrsla kærunefndar jafnréttismála komin út

Þorbjörg S. Gunnlaugsdóttir dómsmálaráðherra og ráðherra jafnréttismála tók við ársskýrslu kærunefndar jafnréttismála fyrir árið 2024 á fundi hennar og Ara Karlssonar formanns kærunefndar jafnréttismála í dag.

Ný heildarlög um almannavarnir efli almannavarnakerfið og áfallaþol samfélagsins

Þorbjörg S. Gunnlaugsdóttir dómsmálaráðherra mælti á Alþingi í gær fyrir frumvarpi að nýjum heildarlögum um almannavarnir. Með frumvarpinu er stigið stórt og tímabært skref til að efla íslenskt almannavarnakerfi, skýra ábyrgð og styrkja áfallaþol samfélagsins í ljósi þeirra fjölbreyttu áskorana sem Ísland hefur staðið frammi fyrir á undanförnum árum.

Embætti ráðuneytisstjóra í dómsmálaráðuneytinu laust til umsóknar

Dómsmálaráðuneytið auglýsir laust til umsóknar embætti ráðuneytisstjóra. Dómsmálaráðherra skipar í embættið þegar nefnd sem metur hæfni umsækjenda hefur lokið störfum. Skipað er í embættið til fimm ára í senn.

Fyrsta heildstæða landsáætlun Íslands gegn kynbundnu ofbeldi gegn konum kynnt

Dómsmálaráðherra kynnir til umsagnar drög að landsáætlun gegn kynbundnu ofbeldi gegn konum, sem inniheldur 25 tímasettar aðgerðir fyrir árin 2026 til 2030. Hér er í fyrsta sinn sett fram landsáætlun um hvernig Ísland, sem hefur fullgilt Istanbúlsamninginn, hyggst koma ákvæðum samningsins í framkvæmd og vinna þannig markvisst gegn kynbundnu ofbeldi.

Opnað fyrir tilnefningar til jafnréttisverðlauna Vigdísar

Opnað hefur verið fyrir tilnefningar til jafnréttisverðlauna í nafni Vigdísar Finnbogadóttur. Til verðlaunanna var stofnað í Reykjavík í maí 2023 í aðdraganda leiðtogafundar Evrópuráðsins.

Frumvarp um skýrslugjöf í stað jafnlaunavottunar afgreitt úr ríkisstjórn

Frumvarp dómsmálaráðherra um breytingar á lögum um jafna stöðu og jafnan rétt kynjanna var afgreitt úr ríkisstjórn í dag. Í frumvarpinu er lagt til að jafnlaunavottun verði lögð niður í núverandi mynd án þess þó að hvikað verði frá markmiðum um að sporna gegn launamismunun á grundvelli kyns.

Dómsmálaráðuneytið og Stígamót gera þriggja ára samning um Sjúktspjall

Dómsmálaráðuneytið og Stígamót hafa gert samstarfssamning um framhald verkefnisins Sjúktspjall. Um er að ræða nafnlaust netspjall þar sem ungmenni á aldrinum 13-20 ára geta rætt við ráðgjafa Stígamóta um kynferðisofbeldi og ofbeldi í nánum samböndum.

Fjöldi dvalarleyfishafa fimmfaldast frá 2017 - Niðurstöður starfshóps um dvalarleyfi

Dómsmálaráðherra kynnti í dag skýrsluna Ísland í örum vexti; Skýrsla starfshóps um þróun í útgáfu dvalarleyfa og misræmi við önnur Norðurlönd. Skýrslan er afrakstur starfshóps sem ráðherra setti á vormánuðum til að fara yfir gildandi reglur og framkvæmd dvalarleyfa á Íslandi.

Bryndís Helgadóttir sett tímabundið í embætti ráðuneytisstjóra

Dómsmálaráðherra hefur sett Bryndísi Helgadóttur í embætti ráðuneytisstjóra í dómsmálaráðuneytinu frá 17. nóvember. Embætti ráðuneytisstjóra verður auglýst á næstunni.

Metnaðarfull skref í þágu hinsegin samfélagsins

Þorbjörg S. Gunnlaugsdóttir, dómsmálaráðherra og ráðherra jafnréttismála, kynnti nýja aðgerðaáætlun í málefnum hinsegin fólks á fundi ríkisstjórnarinnar síðastliðinn föstudag. Nýja aðgerðaáætlunin tekur við af gildandi aðgerðaáætlun í málefnum hinsegin fólks í upphafi árs 2026 og nær út árið 2029.

Tvær umsóknir bárust um embætti við Endurupptökudóm

Hinn 24. október 2025 auglýsti dómsmálaráðuneytið í Lögbirtingablaði embætti dómanda og varadómanda við Endurupptökudóm laus til umsóknar. Tvær umsóknir bárust um embættin. Skipað verður í embættin frá 1. febrúar 2026.

Sex verkefni á sviði jafnréttismála hljóta styrk

Þorbjörg Sigríður Gunnlaugsdóttir dómsmálaráðherra hefur ákveðið að úthluta styrkjum til sex verkefna á sviði jafnréttismála en heildarfjárhæð styrkjanna er níu milljónir króna.

Norrænir ráðherrar ræddu mikilvægi almannavarna og löggæslu

Í gær funduðu norrænir ráðherrar almannavarna á árlegum fundi Haga-samstarfsins sem haldinn var í Helsinki. Þorbjörg S. Gunnlaugsdóttir dómsmálaráðherra og ráðherra almannavarna sat fundinn. Á fundinum ræddu ráðherrarnir meðal annars um mikilvægi þess að efla almannavarnir og löggæslu m.a. vegna fjölþáttaógna.

Sjö sækja um embætti dómara við Landsrétt

Hinn 24. október 2025 auglýsti dómsmálaráðuneytið í Lögbirtingablaði tvö embætti dómara við Landsrétt laus til umsóknar. Sjö sækja um embættin.

Dómsmálaráðherra mælir fyrir frumvarpi um brottfararstöð

Þorbjörg S. Gunnlaugsdóttir dómsmálaráðherra mælti í gær á Alþingi fyrir frumvarpi til laga um brottfararstöð. Frumvarpið kveður á um heimildir og skilyrði fyrir vistun útlendings á brottfararstöð vegna ákvörðunar um að hann skuli yfirgefa landið eða þegar mál sem getur leitt til slíkrar ákvörðunar er til meðferðar.…

Drífa Kristín Sigurðardóttir skipuð skrifstofustjóri á skrifstofu löggæslumála

Dómsmálaráðherra hefur skipað Drífu Kristínu Sigurðardóttur til að gegna embætti skrifstofustjóra á skrifstofu löggæslumála í dómsmálaráðuneytinu. Skrifstofa löggæslumála fer með málaflokka lögreglu, landhelgisgæslu og almannavarna, auk vopnamála og annarra tengdra mála.

Um 70 prósent einstaklinga ljúka birtingu sjálfir

Fyrir rúmu ári síðan fór fyrsta stafræna ákæran frá lögreglu til dómstóla, og í framhaldinu hófst stafrænt birtingarferli ákæra og fyrirkalla í umferðarlagabrotum í gegnum pósthólf einstaklinga á Ísland.is. Nú ljúka um 70 prósent einstaklinga birtingu sjálfir á Ísland.is.

Dómsmálaráðherra fundaði með framkvæmdastjóra Europol

Þorbjörg S. Gunnlaugsdóttir dómsmálaráðherra fundaði í dag með Catherine De Bolle, framkvæmdastjóra Europol. Á fundinum ræddu þær meðal annars um mikilvægi alþjóðlegrar samvinnu í baráttunni gegn skipulagðri glæpastarfsemi og aukna þátttöku Íslands í samstarfi aðildarríkja Schengen á sviði sakamálasamvinnu.

Sigríður Björk lætur af embætti ríkislögreglustjóra

Þorbjörg S. Gunnlaugsdóttir dómsmálaráðherra hefur orðið við beiðni Sigríðar Bjarkar Guðjónsdóttur ríkislögreglustjóra um að hún láti af embætti. Þetta var niðurstaða fundar þeirra beggja í gær.

Ráðherra ræddi málin við MR-inga

Þorbjörg S. Gunnlaugsdóttir dómsmálaráðherra var í morgun gestur í valáfanga í lögfræði hjá nemendum á síðasta námsári við Menntaskólann í Reykjavík. Til umræðu var Stjórnarskrá lýðveldisins, munurinn á því að vera þingmaður og ráðherra og samspil meiri- og minnihluta á Alþingi. Þorsteinn Davíð Stefánsson, sérfræðingur hjá umboðsmanni Alþingis, kennir áfangann.

Dómsmálaráðherra fundaði með aðalframkvæmdastjóra Flóttmannastofnunar Sameinuðu þjóðanna

Þorbjörg S. Gunnlaugsdóttir dómsmálaráðherra fundaði í gær með Filippo Grandi, aðalframkvæmdastjóra Flóttamannastofnunar Sameinuðu Þjóðanna (UNHCR). Á fundinum var rætt um samstarf Íslands og Flóttamannastofnunarinnar í tengslum við málefni fólks á flótta, skautun í pólítískri umræðu um útlendingamál og aðgerðir stjórnvalda til að ná fram árangri í aðlögun flóttafólks.

Ráðherra heimsótti lögregluna á Suðurnesjum

Þorbjörg S. Gunnlaugsdóttir dómsmálaráðherra heimsótti á dögunum lögregluna á Suðurnesjum þar sem hún kynnti sér starfsemi embættisins og nýtt komu- og brottfararkerfi Schengen-svæðisins (Entry/Exit System – EES).

Úttekt vegna fjárhagsstöðu embættis ríkislögreglustjóra

Á árinu 2025 hefur dómsmálaráðuneytið haft fjármál embættis ríkislögreglustjóra til athugunar í samræmi við yfirstjórnunar- og eftirlitshlutverk sitt. Ráðuneytið hefur verið í markvissri vinnu frá því að rekstrarniðurstaða embættis ríkislögreglustjóra vegna ársins 2024 lá fyrir.…

Hert skilyrði námsmannaleyfa kynnt í samráðsgátt

Dómsmálaráðherra hefur birt í samráðsgátt stjórnvalda drög að frumvarpi um breytingar á lögum um útlendinga og lögum um atvinnuréttindi útlendinga. Með frumvarpinu er lagt til að afnema íslenskar sérreglur í flokki námsleyfa, herða á skilyrðum þeirra og samræma framkvæmd á við önnur Norðurlönd í tengslum við útgáfu atvinnu- og námsleyfa.

Kristmundur Stefán Einarsson skipaður lögreglustjóri á Austurlandi

Dómsmálaráðherra hefur ákveðið að skipa Kristmund Stefán Einarsson í embætti lögreglustjóra á Austurlandi frá 1. nóvember næstkomandi.

Ólafur Þ. Harðarson leiðir starfshóp um jöfnun atkvæðavægis

Dómsmálaráðherra hefur sett á fót starfshóp sem falið er að undirbúa frumvarp til breytinga á kosningalögum til að auka jafnræði í atkvæðavægi og þingsætadreifingu.

Kröfum kvennaárs svarað

Stjórnvöld hafa þegar framkvæmt eða hafið undirbúning fjölmargra aðgerða sem tengjast þeim málaflokkum sem settir voru fram í kröfum kvennaárs 2024. Áhersla hefur verið lögð á endurmat á virði kvennastarfa, baráttu gegn kynbundnu ofbeldi og að auka vernd brotaþola.

Hafsteinn Dan Kristjánsson nýr formaður refsiréttarnefndar

Dómsmálaráðherra hefur skipað nýja refsiréttarnefnd. Refsiréttarnefnd hefur það hlutverk að vera ráðuneytinu til ráðgjafar á sviði refsiréttar og annast endurskoðun refsilaga.

Eyvindur G. Gunnarsson skipaður dómari við Landsrétt

Dómsmálaráðherra hefur ákveðið að leggja til við forseta Íslands að Eyvindur G. Gunnarsson verði skipaður dómari við Landsrétt frá 24. október 2025.

Ný stöðutaka undirstrikar þörf á bættri þjónustu og vernd fyrir börn sem eru þolendur ofbeldis

Ný stöðutaka aðgerðahóps stjórnvalda gegn ofbeldi meðal og gegn börnum sýnir að á undanförnum árum hefur orðið veruleg vitundarvakning í íslensku samfélagi um ofbeldi gegn börnum. Í þessari stöðutöku er sjónum beint að börnum sem eru þolendur ofbeldis, en síðasta stöðutaka aðgerðahópsins fjallaði um börn sem sýna áhættuhegðun eða beita ofbeldi.

Ísland í forystu í jafnréttismálum – dómsmálaráðherra á alþjóðlegri kvennaráðstefnu í Peking

Þorbjörg S. Gunnlaugsdóttir dómsmálaráðherra og ráðherra jafnréttismála tók þátt í alþjóðlegri ráðstefnu UN Women og kínverskra stjórnvalda í Peking, Beijing +30. Á ráðstefnunni komu saman fulltrúar ríkja heims til að ræða stöðu kvenna og framgang jafnréttismála þrjátíu árum eftir að Peking-yfirlýsingin var samþykkt árið 1995.…

Ráðherra ávarpaði ráðstefnu almannavarna: „Borgaralegir innviðir eru fyrsta lína varna“

Þorbjörg S. Gunnlaugsdóttir dómsmálaráðherra flutti opnunarávarp á ráðstefnu Almannavarna í dag þar sem hún lagði áherslu á mikilvægi öflugra borgaralegra innviða og áfallaþols íslensks samfélags.

Frá orðum til aðgerða – saman tryggjum við öryggi barna

Starfsfólk víðs vegar að úr forvörnum og þjónustu við börn kom saman á vinnufundi um samræmd viðbrögð við ofbeldi meðal barna í gær á Reykjavík Natura. Fundurinn var fjölsóttur með um 320 þátttakendum og markaði hann mikilvægt skref í átt að samstilltu átaki gegn ofbeldi meðal barna og gegn börnum.

Nýtt komu- og brottfararkerfi tryggir öryggi á landamærum

Í gær hófst innleiðing á nýju komu- og brottfararkerfi Schengen-svæðisins (Entry/Exit System – EES). Innleiðing kerfisins fer fram samtímis í öllum Schengen-ríkjum, að Kýpur undanskildu, og er gert ráð fyrir að það verði að fullu tekið í notkun á öllum ytri landamærum Schengen-ríkjanna í lok mars 2026.

Dómsmálaráðherra fylgir forseta Íslands til Peking

Þorbjörg S. Gunnlaugsdóttir dómsmálaráðherra og ráðherra jafnréttismála mun fylgja Höllu Tómasdóttur, forseta Íslands, í heimsókn til Kína dagana 12.–15. október. Venju samkvæmt fylgir ráðherra alltaf forseta á ferðalögum erlendis.

Norrænir ráðherrar ræða stöðu drengja og bakslag í jafnréttismálum

Norrænir ráðherrar jafnréttismála funduðu í Tavastehus í Finnlandi 7. október þar sem meðal annars var rætt um stöðu jafnréttismála á tímum fjölþátta ógna og breytt viðhorf drengja og ungra karla til jafnréttis. Ráðherrarnir sammæltust um að efla enn frekar stuðning og og samvinnu á sviði jafnréttismála. Þorbjörg S.…

Ráðherra samþykkir hækkun varnargarða við Grindavík

Dómsmálaráðherra hefur samþykkt tillögu ríkislögreglustjóra um viðbætur við varnargarða norðan Grindavíkur. Með ákvörðuninni verður varnargarðurinn hækkaður um tvo til þrjá metra á um 450 metra kafla til að tryggja virkni hans og auka vernd bæjarins gagnvart mögulegu hraunflæði.

Áhersla á öryggis- og varnarmál á ráðstefnu Almannavarnadeildar ríkislögreglustjóra

Árleg ráðstefna Almannavarnadeildar ríkislögreglustjóra verður haldin fimmtudaginn 16. október frá kl. 13:00 til 16:00 á Hilton Reykjavík Nordica. Ráðstefnan, sem fer fram í fjórða sinn, mun eins og áður fjalla um almannavarnamál á Íslandi. Sérstök áhersla verður lögð á öryggis- og varnarmálahlutverk Almannavarnadeildarinnar.

Alþjóðlegur fundur um baráttu gegn mansali haldinn í Reykjavík

Þann 30. september síðastliðinn fór fram umfangsmikill fundur um aðgerðir gegn mansali. Fundurinn var á vegum Evrópuráðsins í samstarfi við dómsmálaráðuneytið, þar sem fjallað var um næstu skref Íslands í innleiðingu á ráðleggingum GRETA-nefndarinnar og framkvæmd Evrópuráðssamningsins um aðgerðir gegn mansali.…

Auglýst eftir umsóknum um styrki til verkefna og viðburða á sviði jafnréttismála

Dómsmálaráðuneytið auglýsir eftir umsóknum um styrki til verkefna og viðburða á sviði jafnréttismála. Ráðuneytið veitir slíka styrki til eins árs í senn. Áhersla verður lögð á verkefni og viðburði sem snúa að baráttunni gegn kynbundnu ofbeldi og munu þau verkefni njóta forgangs.

Norðurlöndin samstíga í útlendingamálum

Þorbjörg S. Gunnlaugsdóttir dómsmálaráðherra sat reglubundinn ráðherrafund norrænna ráðherra sem haldinn var í Helsinki dagana 30. september og 1. október. Á fundinum komu saman ráðherrar Norðurlandanna og ræddu sameiginlegar áskoranir ríkjanna í málefnum umsækjenda um alþjóðlega vernd og fólksflutninga.…

Endurskoðuð stefna stjórnvalda gegn peningaþvætti og fjármögnun hryðjuverka

Dómsmálaráðherra birti í dag endurskoðaða stefnu stjórnvalda ásamt áætlun um frekari aðgerðir í baráttunni gegn peningaþvætti, fjármögnun hryðjuverka og fjármögnun og útbreiðslu gereyðingarvopna. Með þessu leitast stjórnvöld við að styrkja varnir samfélagsins gegn alþjóðlegri glæpastarfsemi.…

Dómsmálaráðherra mælir fyrir fimm mikilvægum málum á Alþingi

Dómsmálaráðherra mælti í dag fyrir fimm málum á Alþingi. Um er að ræða fjögur frumvörp ásamt einni þingsályktunartillögu sem hafa þegar hlotið umræðu á þingi en eru nú lögð fram að nýju til afgreiðslu.

Embætti lögreglustjórans á Suðurnesjum laust til umsóknar

Auglýst er laust til umsóknar embætti lögreglustjórans á Suðurnesjum. Leitað er að öflugum og framsýnum leiðtoga sem er umbótadrifinn og hefur kraft til þess að móta og efla innri og ytri starfsemi embættisins.

Dómnefnd skilar umsögn um umsækjendur um embætti dómara við Landsrétt

Þann 13. júní 2025 auglýsti dómsmálaráðuneytið laust til umsóknar embætti dómara við Landsrétt. Þrjár umsóknir bárust um embættið. Dómnefnd um hæfni umsækjenda um embætti dómara hefur skilað umsögn sinni til dómsmálaráðherra.

Samkomulag um stuðning við frumkvöðlastarf kvenna endurnýjað

Þorbjörg S. Gunnlaugsdóttir dómsmálaráðherra og ráðherra jafnréttismála, Hanna Katrín Friðriksson atvinnuvegaráðherra og Heiða Björg Hilmisdóttir borgarstjóri Reykjavíkur, undirrituðu samkomulag um áframhaldandi starfsemi Svanna – lánatryggingasjóðs kvenna í dag.

Stærsti hluti fjárveitinga dómsmálaráðuneytisins í öryggismál

Dómsmálaráðherra leggur skýra áherslu á öryggi og einföldun með fjárlögum ársins 2026. Heildarfjárframlög sem heyra undir ráðuneytið nema rúmum 73 milljörðum króna, eða um 4,5% af áætluðum útgjöldum ríkissjóðs. Stærsti hluti fjárveitinganna fer í öryggismál. Þar undir falla lögregla, Landhelgisgæsla, ákæruvald og fangelsismál, þar sem útgjöld nema rúmum 50 milljörðum króna.…

Dómsmálaráðherra og utanríkisráðherra heimsóttu Northern Challenge

Þorbjörg S. Gunnlaugsdóttir dómsmálaráðherra og Þorgerður Katrín Gunnarsdóttir utanríkisráðherra heimsóttu í dag fjölþjóðlegu sprengjueyðingaæfinguna Northern Challenge, sem fram fer hér á landi. Northern Challenge er ein umfangsmesta fjölþjóðlega æfing sprengjusérfræðinga í Evrópu og sú stærsta innan NATO sem sérhæfir sig í sprengjueyðingu.…

Fimm frumvörp til að herða tökin í útlendingamálum

Dómsmálaráðherra mun mæla fyrir fimm frumvörpum á 157. löggjafarþingi til að ná stjórn í útlendingamálum. Í þingmálaskrá 2025-2026 er áhersla lögð á tiltekt í útlendingamálum sem felur m.a. í sér að afnema séríslenskar reglur og samræma íslenska löggjöf við löggjöf Norðurlanda í útlendingamálum.…

Aðgerðir í jafnréttismálum: Nefnd um jafnrétti karla

Ríkisstjórnin samþykkti á fundi sínum í dag þingsályktunartillögu dómsmálaráðherra um framkvæmdaáætlun í kynjajafnréttismálum fyrir árin 2026 til 2029. Henni er ætlað að skilgreina stefnu stjórnvalda og lýsa verkefnum innan Stjórnarráðsins sem ýmist er ætlað að varpa ljósi á stöðu kynjanna eða fela í sér beinar aðgerðir í þágu kynjajafnréttis.