Hoppa yfir valmynd

Mannréttindi og jafnrétti

Í íslensku stjórnarskránni er kveðið á um þau mannréttindi sem borgarar landsins skulu njóta. Stjórnarskráin er rétthærri en almenn lög sem verða að standast ákvæði hennar. Geri þau það ekki geta dómstólar dæmt lögin ómerk.

Líkt og kveðið er á um í 65. gr. stjórnarskrárinnar skulu allir vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti. Í sömu grein segir enn fremur að konur og karlar skuli njóta jafns réttar í hvívetna.

Ísland er aðili að fjölda alþjóðasamninga um mannréttindi, einkum samninga Sameinuðu þjóðanna og Evrópuráðsins. Dómsmálaráðuneytið hefur yfirumsjón með lagabreytingum þegar þeirra er þörf vegna þjóðréttarlegra skuldbindinga og skýrslugjöf til nefnda um framkvæmd þeirra mannréttindasamninga sem Ísland er aðili að. 

Um jafnrétti kynjanna gilda lög nr. 10/2008 um jafna stöðu og jafnan rétt kvenna og karla. Markmið þeirra er að koma á og viðhalda jafnrétti og jöfnum tækifærum kvenna og karla og jafna þannig stöðu kynjanna á öllum sviðum samfélagsins. Velferðarráðuneytið fer með ábyrgð á framkvæmd laganna. Jafnréttisstofa hefur sbr. 4. gr. laganna eftirlit með framkvæmd laganna, veitir ráðgjöf og sér um fræðslu og upplýsingarstarfssemi á sviði jafnréttismála.

 

Verkefni á sviði mannréttinda og jafnréttismála heyra meðal annars undir eftirfarandi málefnasvið í gildandi fjármálaáætlun:

Mannréttindi og jafnrétti

Fréttamynd fyrir Fjármála- og efnahagsráðuneytið hlýtur jafnlaunavottun

Fjármála- og efnahagsráðuneytið hlýtur jafnlaunavottun

Fjármála- og efnahagsráðuneytið / 22.01.2019 14:09

Fjármála- og efnahagsráðuneytið hefur fengið staðfesta vottun á jafnlaunakerfi sitt samkvæmt kröfum ÍST 85:2012.

Fréttamynd fyrir Mennta- og menningarmálaráðuneyti hlýtur jafnlaunavottun

Mennta- og menningarmálaráðuneyti hlýtur jafnlaunavottun

Mennta- og menningarmálaráðuneytið / 16.01.2019 16:40

Meginmarkmið jafnlaunavottunar er að vinna gegn kynbundnum launamun og stuðla að jafnrétti kynjanna á vinnumarkaði. Mennta- og menningarmálaráðuneyti hefur nú...

Fréttir

Sjá einnig:

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira