Öruggt
húsnæði er mikilvæg forsenda fyrir velferð hverrar fjölskyldu. Meginmarkmið
opinberrar stefnu í húsnæðismálum er að tryggja húsnæðisöryggi allra landsmanna.
Í því felst m.a. að stuðla að því að á hverjum tíma sé hæfilegt framboð af
hentugu húsnæði sem mætir ólíkum þörfum fólks, efnum og aðstæðum og að veita
fjárhagslegan stuðning þeim sem þess þurfa með.
Stjórnskipulagi húsnæðismála er lýst í lögum um húsnæðismál en samkvæmt þeim annast Húsnæðis- og mannvirkjastofnun stjórn og framkvæmd húsnæðismála í umboði ráðherra.
Sveitarstjórnir bera ábyrgð á að leysa húsnæðisþörf fólks í viðkomandi sveitarfélagi sem ekki er fært um það án aðstoðar.
Grænbók um húsnæðismál var gefin út að loknu opnu samráði í apríl 2023. Grænbókin eru liður í stefnumótun stjórnvalda en þetta er í fyrsta skipti sem unnið er að formlegri stefnu á landsvísu í húsnæðismálum. Með grænbókinni er lagður grunnur að fyrstu húsnæðisstefnu ríkisins til næstu 15 ára og aðgerðaáætlun til fimm ára. Í henni er greint frá stöðumati húsnæðismála og kynnt drög að lykilviðfangsefnum, framtíðarsýn og áherslum við gerð stefnunnar.
Verkefni á sviði húsnæðis- og mannvirkjamála heyra meðal annars undir eftirfarandi málefnasvið í gildandi fjármálaáætlun:
