Dómsmálaráðuneytið fer með umsjón löggjafar og framkvæmd almannakosninga á Íslandi en til almannakosninga teljast alþingiskosningar, forsetakosningar, sveitarstjórnarkosningar og þjóðaratkvæðagreiðslur. Aðrir sem koma að framkvæmd almannakosninga eru Landskjörstjórn, yfirkjörstjórnir og undirkjörstjórnir, sýslumenn og sveitarfélög.

Kosning.is

Í aðdraganda kosninga er á kosningavefsvæði dómsmálaráðuneytisins að finna hagnýtar upplýsingar um undirbúning og framkvæmd atkvæðagreiðslu utan kjörfundar og atkvæðagreiðslu á kjördag auk þess sem birt er fræðsluefni af ýmsum toga er snertir kosningar. Þá eru birt leiðbeiningarmyndbönd vegna atkvæðagreiðslu utan kjörfundar, bæði á íslensku og ensku, myndband um atkvæðagreiðslu á kjördag auk upplýsinga á táknmáli.

Vefsvæði síðastliðinna kosninga:

• Alþingiskosningar
• Forsetakosningar
• Sveitarstjórnarkosningar
• Þjóðaratkvæðagreiðslur