Efnahagsmál og opinber fjármál

Framtíðarsýn í efnahagsmálum er forsenda hagsældar til lengri tíma litið. Fjármála- og efnahagsráðuneytið leikur veigamikið hlutverk í aðstoð við mótun og eftirfylgni stefnu ríkisstjórnarinnar í efnahagsmálum, með hliðsjón af stöðu og þróun efnahagsmála innanlands sem utan.

Til að stuðla að efnahagslegum stöðugleika og góðum lífskjörum er ekki síður mikilvægt að innlendur fjármálamarkaður sé virkur. Ráðuneytið sinnir mótun löggjafar á því sviði með fyrrgreind sjónarmið að markmiði auk þess sem gætt er að neytendavernd og fjármálastöðugleika. Að auki fer ráðuneytið með málefni Fjármálaeftirlitsins.

Ráðuneytið fer með málefni laga um opinber fjármál. Lögin fjalla m.a. um verklag við stefnumótun í opinberum fjármálum, þ.e. fjármálum ríkis og sveitarfélaga, sem felst í gerð fjármálastefnu og fjármálaáætlunar. Lögin fjalla einnig um verklag og undirbúning árlegrar fjárlagagerðar ráðuneyta og gerð fjárlagafrumvarps sem er eitt veigamesta verkefni fjármála- og efnahagsráðuneytisins.

Tekjur ríkisins stafa að meginstefnu til frá sköttum og gjöldum sem lögð eru á og innheimt á grundvelli laga og er það jafnframt hlutverk ráðuneytisins að vinna drög að breytingum á slíkri löggjöf í samræmi við stefnu ríkisstjórnar á hverjum tíma, auk þess að meta forsendur og áhrif þeirra á samfélagið. Ekkert gjald má greiða úr ríkissjóði nema heimild sé fyrir því á fjárlögum eða fjáraukalögum.

Verkefni á sviði efnahagsmála og opinberra fjármála heyra meðal annars undir eftirfarandi málefnasvið í gildandi fjármálaáætlun: 

Fréttamynd fyrir Nefnd um aukna skilvirkni í skattframkvæmd, álagningu og innheimtu opinberra gjalda

Nefnd um aukna skilvirkni í skattframkvæmd, álagningu og innheimtu opinberra gjalda

Fjármála- og efnahagsráðuneytið / 21.06.2018

Fjármála- og efnahagsráðherra hefur skipað nefnd um aukna skilvirkni í skattframkvæmd, álagningu og innheimtu opinberra gjalda.

Skjaldarmerki Íslands

Óskað eftir umsögnum um drög að frumvarpi um breytingu á ýmsum lögum vegna brottfalls laga um kjararáð

Fjármála- og efnahagsráðuneytið / 21.06.2018

Fjármála- og efnahagsráðuneytið óskar eftir umsögnum á samráðsgátt stjórnvalda um drög að lagafrumvarpi um breytingu á ýmsum lögum vegna brottfalls laga um...

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn