Feðradagur

Ríkistjórnin samþykkti í dag tillögu Jóns Kristjánssonar félagsmálaráðherra um að annar sunnudagur í nóvember ár hvert verði helgaður feðrum og tekinn upp í Almanak Háskólans. Farið er að fyrirmynd Norðurlandanna en þau heiðra feður þennan sama dag. Í ár verður því 12. nóvember nk. helgaður feðrum á Íslandi en annar sunnudagur maímánaðar hefur til margra ára verið helgaður mæðrum víða um heim, þar á meðal hér á landi.