Hoppa yfir valmynd
30. ágúst 2017 Innviðaráðuneytið

Breyting á reglugerð um ökuskírteini til umsagnar

Drög að breytingu á reglugerð um ökuskírteini er nú til umsagnar hjá ráðuneytinu. Frestur til að senda umsagnir um drögin er til 11. september og skulu þær sendar á netfangið [email protected].

Breytingarnar snúast meðal annars um að samræma ákvæði reglugerðarinnar við umferðarlög og tilskipun Evrópusambandsins um ökuskírteini.

Meðal annarra breytinga er að heimilt verður að taka ökupróf á sjálfskipta bifreið og eru ökuréttindin þá takmörkuð við slíkan bíl. Áður var aðeins heimilt af heilbrigðisástæðum að taka próf á sjálfskipta bifreið og þá að mati læknis. Þá eru skýrari ákvæði er varða námskeið vegna endurmenntunar atvinnubílstjóra.

Í núgildandi reglugerð er gerð krafa um að unnt sé að taka úr notkun hjálparbúnað, t.d. bakkmyndavélar og veglínuskynjara, þegar kennsla og próf fer fram. Í ljósi þess að hjálparbúnaður í ökutækjum verður stöðugt algengari og fjölbreyttari er óraunhæft og óeðlilegt að gera kröfu um slíkt. Er af þeim sökum lagt til að þegar ökutæki sem notað er við kennslu eða próf er búið sérstökum hjálparbúnaði skuli ökunemi geta útskýrt virkni slíks búnaðar.

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum