Hoppa yfir valmynd
Atvinnuvega- og nýsköpunarráðuneytið

14.305 tonnum úthlutað í sértækan og almennan byggðakvóta

Yadid Levy - Norden.org - mynd

Kristján Þór Júlíusson, sjávarútvegs- og landbúnaðarráðherra, hefur úthlutað alls 14.305 tonnum í sértækan og almennan byggðakvóta en samkvæmt lögum um stjórn fiskveiða er 5,3% af heildarafla í hverri fisktegund dregið af leyfilegum heildarafla og varið til ýmissa tímabundinna ráðstafana til þess að auka byggðafestu.

Sértækur byggðakvóti Byggðastofnunar verður 6.429 tonn

Sértækur byggðakvóti Byggðastofnunar eykst um 94 tonn frá fyrra fiskveiðiári og er 6.429 tonn fiskveiðiárið 2018/2019. Markmiðið með sértækum byggðakvóta Byggðastofnunar er að stuðla að sem öflugastri starfsemi í sjávarútvegi til lengri tíma og ná þannig að skapa og viðhalda sem flestum heilsársstörfum fyrir bæði konur og karla við veiðar, vinnslu og afleidda starfsemi í viðkomandi sjávarbyggðum.

Almennur byggðakvóti nemur 7.876 tonnum

Almennur byggðakvóti fiskveiðiárið 2018/2019 nemur alls 7.876 tonnum, sem eru 6.168 þorskígildistonn. Alls er byggðakvóta úthlutað til 27 sveitarfélags og í þeim fengu 45 byggðarlög úthlutun. Hámarksúthlutun til byggðarlags er 300 þorskígildistonn og fá sex byggðarlög það hámark. Lágmarksúthlutun er 15 þorskígildistonn, eigi byggðarlag á annað borð rétt til úthlutunar, og fá 4 byggðarlög þá úthlutun.

Úthlutun byggðakvótans byggir á talnaupplýsingum frá Fiskistofu um samdrátt í botnfiskafla, botnfiskaflamarki og vinnslu botnfisks annars vegar og samdrætti í rækju- og skelvinnslu hins vegar frá fiskveiðiárinu 2008/2009 til fiskveiðiársins 2017/2018.

 

Arnarstapi

15

Flateyri

300

Hvammstangi

133

Skagaströnd

300

Árskógssandur

240

Garður

15

Ísafjörður

210

Stokkseyri

105

Bakkafjörður

141

Grenivík

29

Kópasker

19

Stykkishólmur

19

Bíldudalur

105

Grímsey

103

Norðurfjörður

29

Stöðvarfjörður

124

Blönduós

86

Grundarfjörður

190

Ólafsfjörður

300

Suðureyri

192

Bolungarvík

19

Hauganes

19

Ólafsvík

300

Súðavík

135

Borgarfjörður eystri

41

Hellissandur

29

Patreksfjörður

76

Tálknafjörður

300

Breiðdalsvík

90

Hnífsdalur

222

Raufarhöfn

134

Vopnafjörður

19

Brjánslækur

15

Hofsós

15

Sandgerði

300

Þingeyri

281

Djúpivogur

300

Hólmavík

70

Sauðárkrókur

70

Þorlákshöfn

300

Drangsnes

76

Hrísey

158

Siglufjörður

300

Þórshöfn

200

Eyrarbakki

48

 

 

Efnisorð

Heimsmarkmiðin

Hafa samband

Ábending / fyrirspurn


Þessi síða notar vafrakökur Lesa meira