Hoppa yfir valmynd
4. júní 2019 Heilbrigðisráðuneytið

Heilbrigðisstefna til ársins 2030 samþykkt á Alþingi

Heilbrigðisráðherra kynnir heilbrigiðsstefnu til ársins 2030 - myndHeilbrigðisráðuneytið

Samþykkt var á Alþingi í gær tillaga Svandísar Svavarsdóttur heilbrigðisráðherra til þingsályktunar um heilbrigðisstefnu til ársins 2030. Tillagan var samþykkt með 45 atkvæðum og án mótatkvæða. „Heilbrigðisstefnan er sameign okkar allra, lýðræðislega kjörið Alþingi stendur að baki henni. Þetta eru mikilvæg tímamót“ sagði heilbrigðisráðherra sem kynnti heilbrigðisstefnuna á blaðamannafundi í gær.

Fundurinn var haldinn á nýja Sjúkrahótelinu við Hringbraut og þar voru einnig mættir forstjórar forstjórar Landspítala, Sjúkratrygginga íslands, Heilsugæslu höfuðborgarsvæðisins, Heilbrigðisstofnunar Vesturlands og Heilbrigðisstofnunar Suðurnesja.

ForstjórarKallað hefur verið eftir stefnu í heilbrigðismálum hér á landi um árabil og hafa nokkrar atrennur verið gerðar að slíkri stefnumótun frá því að heilbrigðisáætlun sem samþykkt var á Alþingi árið 2001 rann sitt skeið árið 2010. Samþykkt stefnunnar markar því tímamót. Fram kom í máli forstjóranna að stefnan muni verða þeim mikilvægur leiðarvísir að vinna eftir og hvatning til að vinna sem best saman að þeim markmiðum sem nú hafa verið sett fram með skýrum hætti.

Um þetta snýst heilbrigðisstefnan

„Heilbrigðiskerfið er flókið og margþætt, sérhæfing mikil og þjónustuveitendur margir. Verkefni heilbrigðisyfirvalda í samstarfi við stofnanir heilbrigðiskerfisins, er að skapa heildrænt kerfi sem tryggir sjúklingum samfellda þjónustu á réttu þjónustustigi þar sem saman fara gæði, öryggi, skilvirkni og hagkvæmni.  Um þetta snýst heilbrigðisstefnan,“ segir Svandís Svavarsdóttir heilbrigðisráðherra.

Stefnan lýtur einnig að auknum sveigjanleika varðandi skipulag, verkaskiptingu og ábyrgð í þágu bættrar þjónustu við sjúklinga. Um innleiðingu og notkun mælikvarða á gæði og árangur heilbrigðisþjónustu sem endurspeglar hvernig þjónustan mætir þörfum sjúklinga og samfélagsins í heild. Um mikilvæga hvata í fjármögnunar- og greiðslukerfum sem eiga að tryggja sjúklingum að heilbrigðisvandamál þeirra séu meðhöndluð með heildarsýn að leiðarljósi, í stað þess að horft sé til einstakra heimsókna til sérfræðinga eða sjúkrahússinlagna.  Um innleiðingu nýrra meðferða, lyfja og tækja og þær kröfur sem gera verður til gagnreyndrar þekkingar. Um leiðsögn og upplýsingagjöf til sjúklinga og almennings og leiðir til að auðvelda almenningi að vera virkir þátttakendur í eigin meðferð og taka upplýstar ákvarðanir í málum sem varða þeirra eigin heilsu. Loks er fjallað um mönnun heilbrigðiskerfisins, forystu og stjórnun, starfsumhverfi, vísindi og menntun og ótal margt fleira.

Framkvæmd stefnunnar – fimm ára aðgerðaáætlanir

Til að hrinda heilbrigðisstefnu til ársins 2030 í framkvæmd verða gerðar áætlanir um aðgerðir til fimm ára í senn. Slíkar áætlanir verða uppfærðar árlega meðan heilbrigðisstefnan er í gildi. Heilbrigðisráðherra skal árlega leggja fram aðgerðaáætlanir heilbrigðisstefnunnar til umræðu á Alþingi.

  • Forstjórar

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira