Hoppa yfir valmynd
16. desember 2020 Utanríkisráðuneytið

Guðlaugur Þór fundaði með utanríkisráðherra Tékklands

Guðlaugur Þór á fundinum í dag - myndUtanríkisráðuneytið
Samskipti ríkjanna, norðurslóðarmál, samstarf á vettvangi Atlantshafsbandalagsins og EES-samningurinn voru helstu umræðuefnin á símafundi Guðlaugs Þórs Þórðarsonar, utanríkis- og þróunarsamvinnuráðherra, og Tomáš Petříček, utanríkisráðherra Tékklands, sem fram fór í morgun.

„Við vorum sammála um að hvetja til meiri viðskiptatengsla á milli ríkjanna og nýta betur Uppbyggingarsjóð EES. Við munum því standa fyrir rafrænum viðskiptafundi og tengja saman fyrirtæki á sviði nýsköpunar og grænna lausna“ sagði Guðlaugur Þór Þórðarson, utanríkis- og þróunarsamvinnuráðherra.

Guðlaugur Þór vakti máls á mikilvægi Evrópumarkaða fyrir fiskútflutning Íslands. Vaxandi eftirspurn væri eftir íslenskum sjávarafurðum í Evrópusambandsríkjunum og því  tímabært að bæta markaðsaðgang fyrir þær. Þá ræddu þeir landbúnaðarviðskipti Íslands og ESB og nauðsyn þess að tryggja jafnvægi milli samningsaðila landbúnaðarsamningsins.

Þá ræddu ráðherrarnir formennsku Íslands í Norðurskautsráðinu og möguleika á nánara samstarfi ríkjanna í norðurslóðamálum.
 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira