Hoppa yfir valmynd
21. maí 2021 Menningar- og viðskiptaráðuneytið

Tillögur nefndar um stofnun þjóðaróperu unnar áfram

Skýrsla nefndar sem skipuð var til þess að gera tillögur að stofnun þjóðaróperu hefur skilað tillögum sínum til ráðherra. Ekki var full samstaða í nefndinni og því inniheldur skýrslan tillögur beggja, auk ályktana sem nefndinni bárust. Tillaga meirihluta nefndarinnar er að mennta- og menningarmálaráðherra leggi fram frumvarp til breytinga á lögum um sviðslistir og lögfesti stofnun þjóðaróperu. Minnihluti nefndarmanna lagði fram sérálit sem inniheldur þrjár tillögur þeirra.

Lilja Alfreðsdóttir mennta- og menningarmálaráðherra:
„Það er ljóst að fjölmörg sóknarfæri liggja í því að efla umgjörð um óperustarfsemi hér á landi. Á vettvangi ráðuneytisins
verður unnið að mati á umfangi og kostnaðargreiningu tillögu um lögfestingu þjóðaróperu og vænti ég þess að afrakstur þess geti legið fyrir í árslok 2021. Það felast ýmis samlegðaráhrif í virkara samstarfi sviðslista- og tónlistastofnana sem einnig þarf að ræða nánar.“

Skýrslan Þjóðarópera: Uppspretta nýsköpunar úr jarðveg hefðar er nú aðgengileg á vef ráðuneytisins. 

 

 

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum