Ráðuneytisstjórar NB8-ríkjanna ræddu stöðuna vegna Úkraínu
Utanríkisráðuneyti LettlandsRáðuneytisstjórarnir heimsóttu einnig Camp Adazi, herstöð lettneska hersins, og fylgdust með heræfingu sem ber heitið Crystal Arrow. Þar hitti ráðuneytisstjóri íslenskan borgaralegan sérfræðing sem starfar á vegum utanríkisráðuneytissins í Camp Adazi við upplýsingamiðlun í samskipta- og upplýsingadeild Mechanized Infantry Brígade – MIB. Staða sérfræðingsins er liður í framlagi Íslands til samstöðuaðgerða Atlantshafsbandalagsins í Eystrasaltsríkjunum og Póllandi (eFP) en íslenskir sérfræðingar gegna hliðstæðum stöðum í Litáen og Eistlandi.
Í ferð sinni til Ríga átti ráðuneytisstjóri jafnframt tvíhliða fund með Andris Pelšs, ráðuneytisstjóra lettneska utanríkisráðuneytisins. Tvíhliða samskipti ríkjanna, orkumál í Evrópu og staða mála á norðurslóðum voru til umræðu á fundinum. Auk þess ræddu ráðuneytisstjórarnir formennsku Íslands í Evrópuráðinu og leiðtogafundinn í Reykjavík, en Lettland tekur við formennskukeflinu af Íslandi í maí.