Um tveggja milljarða fjárfesting í máltækni
Birgir Ísleifur GunnarssonNú er fyrstu máltækniáætlun stjórnvalda að ljúka og unnið er að gerð næstu máltækniáætlunar. Máltækni felur í sér alla þá tækni sem gerir hugbúnaði kleift að fást við tungumál og er því grunnþáttur í framtíð tölvunotkunar og þróun tungumála.
„Við höfum ríkum skyldum að gegna við að tryggja aðgengi að íslensku og notkun hennar til framtíðar. Við höfum náð frábærum árangri og höldum áfram á sömu braut. Það er mikið gleðiefni að fjármagnið til þess sé nú tryggt,“ segir Lilja Dögg Alfreðsdóttir, menningar- og viðskiptaráðherra.
Frábær áfangi fyrir tungumálið
„Þetta eru nýjar tegundir af innviðum – þeir eru ekki jafn áberandi og brýrnar, hafnirnar og flugvellirnir en ég fullyrði að þeir eru alveg jafn mikilvægir. Við erum í stafrænni vegagerð,“ sagði Lilja Dögg Alfreðsdóttir menningar- og viðskiptaráðherra á opna máltæknimálfundinum Framtíðin svarar á Íslensku þann 20. mars árið 2023.
Gervigreindaryfirtækið OpenAi gaf út uppfærslu á gervigreindar-mállíkaninu GPT þann 14. mars síðast liðinn og Íslenska er eina tungumálið, utan ensku, sem GPT-4 tæknin hefur verið sérstaklega þjálfuð í. Verkefnið varð að veruleika vegna vinnunnar sem hafði verið unnin hér á landi síðustu ár.
Sjá einnig: Forskot fyrir íslenskuna
Afurðir máltækniáætlunarinnar eru opnar svo allir geti samnýtt þau við þróun notendahugbúnaðar og eru kjarnalausnirnar aðgengilegar til niðurhals og leitar. Notendur gagnanna eru meðal annars frumkvöðlar og nýsköpunarfyrirtæki, málfræðingar, talmeinafræðingar og sérfræðingar í máltækni, innanlands og erlendis.