Haustúthlutun Tækniþróunarsjóðs 2025 og næsti umsóknarfrestur

Stjórn Tækniþróunarsjóðs hefur samþykkt að bjóða fulltrúum 72 verkefna sem sóttu um í sjóðinn á haustmisseri að ganga til samninga um nýja styrki. Rannís er umsýsluaðill sjóðsins fyrir hönd menningar-, nýsköpunar- og háskólaráðuneytisins.

Í boði voru styrktarflokkarnir Sproti, Vöxtur og Markaður. Alls bárust 376 umsóknir og er árangurshlutfall styrktra verkefna sem hlutfall af innsendum umsóknum 14%. Haft verður samband við verkefnisstjóra þessara verkefna og þeir boðaðir til samningafundar. 

Í þessari úthlutun er styrkveiting til nýrra verkefna 1.333 milljónir króna í heild, þar af 730 milljónir króna á fyrra ári verkefna.

Hlutverk Tækniþróunarsjóðs er að styðja við rannsóknir og þróunarstarf sem miða að nýsköpun í íslensku atvinnulífi en hann er opinn fyrir nýsköpunarverkefnum úr öllum atvinnugreinum. Sjóðurinn er samkeppnissjóður sem býður upp á fjölmarga styrktarflokka fyrir verkefni á mismunandi stigi þróunar og  heyrir undir menningar-, nýsköpunar- og háskólaráðherra.

Næsti umsóknarfrestur verður 15. febrúar, 2026.

Á seinni árshelmingi 2025 bárust 98 umsóknir í styrktarflokk Fræ/Þróunarfræ og var árangurshlutfall styrktra verkefna sem hlutfall af innsendum umsóknum 21%. Alltaf er opið fyrir umsóknir í Fræ/Þróunarfræ og tilkynnt verður síðar hvenær umsóknir verða næst teknar saman og sendar í mat hjá fagráði.

Samantektarskýrsla Tækniþróunarsjóðs yfir haustúthlutun árið 2025 verður aðgengileg á síðu Rannís undir útgáfa og kynning.

Eftirfarandi verkefnum er boðið til samninga við sjóðinn að þessu sinni*:

Fræ

*Listinn er birtur með fyrirvara um villur