Jöfnunarsjóður: Almenn jöfnunarframlög 2026 hækkuð um rúma 1,4 milljarða króna
Eyjólfur Ármannsson innviðaráðherra hefur samþykkt tillögu ráðgjafarnefndar Jöfnunarsjóðs um endurskoðaða úthlutun almennra jöfnunarframlaga fyrir árið 2026.
Með hliðsjón af sterkri eiginfjárstöðu Jöfnunarsjóðs í lok árs 2025 hefur verið ákveðið að hækka heildarfjárhæð almennra jöfnunarframlaga fyrir árið 2026 um 1.425 m.kr. Upphæðin verður greidd með eingreiðslu fimmtudaginn 8. október.
Heildarfjárhæð almennra jöfnunarframlaga á þessu ári nemur því 29,6 milljörðum króna. Af þeirri fjárhæð reiknast 1% í höfuðstaðarálag, eða 296 m.kr. en 29.304 m.kr. er úthlutað samkvæmt 6.-9. gr. laga um Jöfnunarsjóð.