Norski sendiherrann í heimsókn

Margit F. Tveiten sendiherra Noregs á Íslandi kom á fund Kristjáns L. Möller samgönguráðherra í dag. Á fundinum ræddu þau ýmis sameiginleg hagsmunamál ríkjanna á sviði samgöngumála. Einkum og sér í lagi báru almenningssamgöngur, einkaframkvæmdir í vegagerð og háhraðanettengingar á góma, en á þessum sviðum eru Norðmenn í fararbroddi.