Tímabundnar breytingar í röðum skrifstofustjóra samgönguráðuneytisins

Samgönguráðherra hefur sett Ingilín Kristmannsdóttur, viðskiptafræðing á skrifstofu stjórnsýslu og fjármála, í embætti skrifstofustjóra skrifstofunnar í eitt ár frá 1. september næstkomandi að telja.

Ráðherra hefur veitt Unni Gunnarsdóttur, skipuðum skrifstofustjóra, leyfi frá störfum í sama tíma en hún hefur verið sett í embætti héraðsdómara við Héraðsdóm Reykjavíkur í leyfi skipaðs dómara.