Svanhildur Hólm Valsdóttir ráðin aðstoðarmaður fjármála- og efnahagsráðherra

Svanhildur Hólm Valsdóttir hefur verið ráðin aðstoðarmaður Bjarna Benediktssonar fjármála- og efnahagsráðherra.

Svanhildur var ráðin í stöðu aðstoðarmanns Bjarna sem formanns Sjálfstæðisflokksins í september 2012. Frá 2009-2012  var hún framkvæmdastjóri þingflokks Sjálfstæðisflokksins.

Svanhildur er lögfræðingur að mennt og starfaði um langt árabil við fjölmiðla.