Ríkissjóður kaupir jörðina Fell í Suðursveit

Ríkissjóður ákvað í dag að nýta forkaupsrétt vegna jarðarinnar Fells í Suðursveit á grundvelli laga um náttúruvernd, en jörðin er á náttúruminjaskrá.

Að beiðni eigenda jarðarinnar var eignin í haust seld á nauðungarsölu til slita á sameign. Söluverð eignarinnar var 1.520 m.kr. Ríkissjóður gengur inn í kaup á því verði, en gert var ráð fyrir kaupunum í fjáraukalögum ársins 2016.