Efnisorð
Tegund

Leita eftir efnisorðum

Sýnir 601–650 af 12929
Raða eftir:
17. jan. 2026Forsætisráðuneytið, Félags- og húsnæðismálaráðuneytið, Mennta- og barnamálaráðuneytið

Breyting á forsetaúrskurði um skiptingu starfa ráðherra

Samkomulag hefur orðið milli félags- og húsnæðismálaráðherra og mennta- og barnamálaráðherra, með staðfestingu forsætisráðuneytisins, að Inga Sæland, mennta- og barnamálaráðherra, fari með stjórnarmálefni um uppbyggingu hjúkrunarheimila og þjónustuíbúða fyrir eldra fólk. Ábyrgðin á stjórnarmálefninu mun þó enn liggja hjá félags- og húsnæðismálaráðuneytinu.

16. jan. 2026Félags- og húsnæðismálaráðuneytið

TINNU-verkefnið fær 25 milljóna króna styrk: Ríflega 180 konur og börn þátttakendur árið 2025

Ragnar Þór Ingólfsson, félags- og húsnæðismálaráðherra, og Heiða Björg Hilmisdóttir, borgarstjóri, hafa undirritað samning að upphæð 25 m.kr. vegna TINNU-verkefnisins sem miðar sérstaklega að einstæðum foreldrum sem eru utan vinnumarkaðar og hafa átt í langvarandi félagslegum vanda. Styrkurinn felur í sér áframhaldandi stuðning ráðuneytisins við þróun verkefnisins hjá Reykjavíkurborg, með sérstakri áherslu á að þjónusta einstaklinga sem eru á örorku- eða endurhæfingarlífeyri. Markmiðið er að styðja þá til virkni og hvetja til þátttöku á vinnumarkaði á ný. Á árinu 2025 voru 65 þátttakendur í TINNU með samtals 116 börn.

15. jan. 2026Félags- og húsnæðismálaráðuneytið, Málefni eldra fólks, Heilbrigðisráðuneytið

Nýtt 80 rýma hjúkrunarheimili Hrafnistu opnað í Reykjanesbæ

Nýtt 80 rýma hjúkrunarheimili var opnað við Nesvelli í Reykjanesbæ í dag. Opnun heimilisins er mikilvægur áfangi í uppbyggingu hjúkrunarrýma um land allt. Hjúkrunarheimilið er samtengt Hrafnistu Nesvöllum sem er 60 rýma hjúkrunarheimili með heildstæðri þjónustumiðstöð fyrir eldri borgara. Heildarfjöldi rýma á hjúkrunarheimilum á Suðurnesjum er nú orðinn 140.

15. jan. 2026Félags- og húsnæðismálaráðuneytið, Málefni eldra fólks, Heilbrigðisráðuneytið

Nýtt 80 rýma hjúkrunarheimili Hrafnistu opnað í Reykjanesbæ

Nýtt 80 rýma hjúkrunarheimili var opnað við Nesvelli í Reykjanesbæ í dag. Opnun heimilisins er mikilvægur áfangi í uppbyggingu hjúkrunarrýma um land allt. Hjúkrunarheimilið er samtengt Hrafnistu Nesvöllum sem er 60 rýma hjúkrunarheimili með heildstæðri þjónustumiðstöð fyrir eldri borgara. Heildarfjöldi rýma á hjúkrunarheimilum á Suðurnesjum er nú orðinn 140.

14. jan. 2026Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 62/2025-Úrskurður

Ofgreiddar bætur. Felldar úr gildi ákvarðanir Tryggingastofnunar ríkisins um endurreikning og uppgjör á tekjutengdum bótum kæranda vegna tímabilsins 1. janúar 2016 til 31. mars 2017 og málinu vísað aftur til stofnunarinnar til nýrrar meðferðar. Örorkubætur frá NAV (uføretrygd) teljast sambærilegar bótum samkvæmt lögum nr. 100/2007, sbr. þágildandi 4. mgr. 16. gr. laga um almannatryggingar. Kröfur kæranda um örorkulífeyri og tengdar greiðslur fyrir 23. desember 2015 voru fyrndar að mati úrskurðarnefndar.

14. jan. 2026Félags- og húsnæðismálaráðuneytið

Áframhaldandi stuðningur við Batahús

Félags- og húsnæðismálaráðuneytið og Bati góðgerðarfélag hafa gert með sér samstarfssamning um áframhaldandi stuðning við Batahús, áfangaheimili og stuðningsúrræði fyrir einstaklinga, karla og konur, sem hafa verið í réttarvörslu og þarfnast stuðnings við að verða virkir þátttakendur í samfélaginu á ný. Ragnar Þór Ingólfsson, félags- og húsnæðismálaráðherra, og Þorlákur Morthens, stjórnarformaður Bata, undirrituðu í gær samning að upphæð 25 m.kr.

14. jan. 2026Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 649/2025-Úrskurður

Ofgreiddar bætur. Staðfest ákvörðun um endurreikning og uppgjör Tryggingastofnunar ríkisins á tekjutengdum bótum ársins 2024. Staðfest ákvörðun Tryggingastofnunar að draga áður myndaða kröfu að fjárhæð 39.224 kr. frá inneign sem myndaðist við endurreikning og uppgjör ársins, sbr. 1. mgr. 34. gr. laga um almannatryggingar og 3. mgr. 8. gr. reglugerðar nr. 598/2009.

14. jan. 2026Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 741/2025-Úrskurður

Sérstakt framlag. Felld úr gildi ákvörðun Sýslumannsins á höfuðborgarsvæðinu um að hafna kröfu kæranda um framlag vegna fermingar sonar hans. Úrskurðarnefndin telur að ráðið verði af gögnum málsins að beiðni kæranda um úrskurð um sérstakt framlag hafi borist sýslumanni innan þriggja mánaða frá því svara varð til útgjalda í skilningi 3. mgr. 41. gr. laga um almannatryggingar.

14. jan. 2026Úrskurðarnefnd velferðarmála - Almannatryggingar, Úrskurðir, Félags- og húsnæðismálaráðuneytið

Mál nr. 742/2025-Úrskurður

Meðlag. Staðfest ákvörðun Tryggingastofnunar ríkisins um stöðvun milligöngu meðlagsgreiðslna til kæranda frá 5. mars 2024 til 16. júní 2024 og endurkröfu vegna ofgreidds meðlags. Skilyrði fyrir milligöngu voru ekki lengur uppfyllt þar sem úrskurður dómsmálaráðuneytisins breytti úrskurði sýslumanns um meðlagsgreiðslu og ákvarðað var að meðlagsskylda barnsföður kæranda væri frá 17. júní 2024.

13. jan. 2026Félags- og húsnæðismálaráðuneytið, Húsnæðis- og mannvirkjamál

Skýr rammií byggingarreglugerðum ljósvist og útsýni

Ljósvist hefur nú í fyrsta sinn verið skilgreind í byggingarreglugerð, auk þess sem fjallað er ítarlega um kröfur sem henni tengjast og sett fram skýr markmið. Ljósvist er samansafn ýmissa þátta sem snúa að lýsingu, svo sem dagsljósi og raflýsingu, sem saman lýsa sjónskilyrðum og þeirri upplifun sem rýmið veitir. Þetta er í fyrsta sinn sem heildstæð umfjöllun um ljósvist er innleidd í byggingarreglugerð.

04. jan. 2026Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 34/2026-Úrskurður

Viðurlög. Ofgreiddar bætur. Staðfest ákvörðun Vinnumálastofnunar um að fella niður rétt kæranda til atvinnuleysisbóta í tvo mánuði þar sem hún tilkynnti ekki strax um upphaf veikinda sinna. Einnig staðfest ákvörðun stofnunarinnar um innheimtu ofgreiddra atvinnuleysisbóta vegna tímabilsins sem hún var óvinnufær.

04. jan. 2026Úrskurðarnefnd velferðarmála - Atvinnuleysistryggingar og vinnumarkaðsaðgerðir, Úrskurðir, Félags- og húsnæðismálaráðuneytið

Mál nr. 11/2026-Úrskurður

Viðurlög. Ítrekunaráhrif. Felld úr gildi ákvörðun Vinnumálastofnunar um að fella niður rétt kæranda til atvinnuleysisbóta í þrjá mánuði með vísan til þess að hann hefði hafnað þátttöku í vinnumarkaðsúrræði. Kærandi hafði ekki verið í atvinnuleit í að minnsta kosti fjórar vikur þegar hann mætti ekki á fund hjá Vinnumálastofnun.

29. des. 2025Heilbrigðisráðuneytið, Líf og heilsa, Félags- og húsnæðismálaráðuneytið

Skjólshús sett á fót – nýtt úrræði í geðheilbrigðisþjónustu

Í dag skrifuðu félags- og húsnæðismálaráðherra og heilbrigðisráðherra undir samstarfssamning við landssamtökin Geðhjálp um stofnun skjólshúss fyrir fólk í tilfinningalegri krísu vegna andlegra áskorana. Um er að ræða tilraunaverkefni til þriggja ára þar sem ráðuneytin tvö leggja til samtals 122 m.kr. á móti 150-180 m.kr. framlagi Geðhjálpar. Stefnt er að því að opna skjólshúsið á fyrri hluta næsta árs (2026).