Efnisorð
Tegund

Leita eftir efnisorðum

Sýnir 751–800 af 2360
Raða eftir:
14. feb. 2023Umhverfis-٫ orku- og loftslagsráðuneytið, Loftslagsmál, Umhverfi og náttúruvernd, Sendiráð Íslands í París, Fjármála- og efnahagsráðuneytið, Utanríkisráðuneytið, Utanríkismál, Sendiskrifstofa

Nýtt alþjóðlegt verkefni um kortlagningu aðgerða til samdráttar í losun gróðurhúsalofttegunda á vettvangi OECD

OECD hefur hleypt af stokkunum nýju alþjóðlegu verkefni um kortlagningu aðgerða til samdráttar í losun gróðurhúsalofttegunda (IFCMA). Ísland, sem aðildarríki OECD, tekur þátt í IFCMA í gegnum fjármála- og efnahagsráðuneytið, umhverfis-, orku- og loftlagsráðuneytið og fastanefnd Íslands gagnvart OECD í París.

03. feb. 2023Utanríkisráðuneytið, Fjármála- og efnahagsráðuneytið, Lög og réttur, Utanríkismál, Úkraína, Dómsmálaráðuneytið

Rússlandi vikið úr fjármálaaðgerðahópnum FATF

Alþjóðlegur fjármálaaðgerðahópur ríkja um aðgerðir gegn peningaþvætti og fjármögnun hryðjuverka (FATF) hefur ákveðið að víkja Rússlandi úr hópnum vegna innrásarinnar í Úkraínu. Ákvörðunin var tekin á allsherjarfundi FATF sem lauk þann 24. febrúar sl. þegar ár var liðið frá upphafi innrásarinnar.

31. jan. 2023Utanríkisráðuneytið, Loftslagsmál, Norðurslóðir, Norrænt samstarf, Úkraína, Utanríkismál

Utanríkisráðherra á Arctic Frontiers-ráðstefnunni

Innrás Rússlands í Úkraínu og afleiðingar hennar fyrir norðurslóðasamstarf voru efst á baugi í umræðum utanríkisráðherra Íslands, Noregs og Svíþjóðar og ráðuneytisstjóra finnska utanríkisráðuneytisins á ráðstefnunni Arctic Frontiers í Tromsø í dag. Þórdís Kolbrún Reykfjörð Gylfadóttir utanríkisráðherra undirstrikaði hve skaðleg áhrif innrásin hefði haft á norðurslóðasamvinnu og ekki væri hægt að halda áfram eins og ekkert hefði í skorist.

27. jan. 2023Utanríkisráðuneytið, Mannréttindi, Dómsmálaráðuneytið, Utanríkismál, Mennta- og barnamálaráðuneytið, Forsætisráðuneytið

27. janúar helgaður minningu fórnarlamba helfararinnar

Ákveðið hefur verið að 27. janúar ár hvert verði á Íslandi helgaður minningu fórnarlamba helfararinnar​ og þá verði vakin sérstök athygli á aðdraganda hennar og þeim hryllingi sem í henni fólst. Forsætisráðherra, utanríkisráðherra og mennta- og barnamálaráðherra hafa sammælst um að hefja vinnu til þess að móta þær leiðir sem farnar verða í þessu augnamiði hér á landi.

24. jan. 2023Utanríkisráðuneytið, Alþjóðamál, Utanríkisviðskipti, Utanríkismál

Efnahagssamráð Íslands og Bandaríkjanna

Efnahagssamráð Íslands og Bandaríkjanna fór fram í utanríkisráðuneytinu í dag. Þetta er í fjórða skipti sem árlegt samráð ríkjanna á sviði efnahagsmála er haldið en það var formlega sett á fót árið 2019. Samráðið hefur reynst mikilvægur vettvangur til að taka upp mál sem varða hagsmuni Íslands og vekja athygli á hindrunum í vegi fyrirtækja og fjárfesta ásamt því að vera góður vettvangur til að skiptast á upplýsingum, skilgreina sameiginlega hagsmuni og efla enn frekar tvíhliða samskipti Íslands og Bandaríkjanna á sviði viðskipta- og efnahagsmála.

20. jan. 2023Utanríkisráðuneytið, Öryggis- og varnarmál, Úkraína, Utanríkismál

Ísland eykur stuðning sinn við Úkraínu

Ísland mun veita tveimur milljónum punda, eða rúmlega 360 milljónum króna, í sérstakan stuðningssjóð fyrir Úkraínu (International Fund for Ukraine) sem bresk stjórnvöld settu á laggirnar á síðasta ári.Þórdís Kolbrún Reykfjörð Gylfadóttir utanríkisráðherra tilkynnti um þetta á fundi ríkjahóps sem styður varnarbaráttu Úkraínu (Ukraine Defence Contact Group) sem haldinn var í Ramstein í Þýskalandi í dag.

19. jan. 2023Utanríkisráðuneytið, Alþjóðamál, Utanríkismál

Ráðherra kynnti áherslur Íslands í Evrópuráðinu fyrir fastafulltrúum ÖSE

Staða Evrópu í kjölfar innrásarstríðs Rússlands í Úkraínu og mikilvægi þess að Evrópuráðið og ÖSE standi vörð um lýðræðislegar stofnanir, alþjóðalög og mannréttindi voru í brennidepli í ávarpi Þórdísar Kolbrúnar Reykfjörð Gylfadóttur utanríkisráðherra á fundi fastafulltrúa Öryggis- og samvinnustofnunar Evrópu (ÖSE) í Vín í dag.

12. jan. 2023Utanríkisráðuneytið, Alþjóðamál, Utanríkismál

Utanríkisráðherra á ráðherrafundi ÖSE í breyttu öryggislandslagi í Evrópu

Utanríkisráðherra sótti ráðherrafund Öryggis- og samvinnustofnunar Evrópu (ÖSE) í Skopje, höfuðborg Norður-Makedóníu, sem hófst á óformlegum kvöldverðarfundi ráðherra þann 29. nóvember en formleg dagskrá stendur yfir frá 30. nóvember til 1. desember. Efst á baugi voru innrásarstríð Rússlands í Úkraínu og örðugleikar í starfi ÖSE vegna ósamvinnuþýðra stjórnvalda í Rússlandi og Belarús.

12. jan. 2023Utanríkisráðuneytið, Alþjóðamál, Evrópusamvinna, Sjávarútvegur, Utanríkisviðskipti, Utanríkismál

Aukin tækifæri til útflutnings sjávarafurða með nýju samkomulagi við ESB

Í gær lauk samningaviðræðum milli EFTA-ríkjanna innan EES (Íslands, Noregs og Liechtenstein) og Evrópusambandsins (ESB) um framlög til Uppbyggingarsjóðs EES fyrir tímabilið 1. maí 2021 til 30. apríl 2028. Samningaviðræður hafa staðið yfir frá júní 2022. Samhliða þeim hafa farið fram viðræður um endurnýjun samnings um tollfrjálsa innflutningskvóta fyrir sjávarafurðir frá Íslandi inn á markað ESB.

11. jan. 2023Utanríkisráðuneytið, Jafnrétti, Utanríkismál

Um hundrað öryggis- og hermálafulltrúar ræddu kynjajafnrétti á Barbershop viðburði

Bjarni Benediktsson utanríkisráðherra hvatti í opnunarávarpi á Barbershop rakararáðstefnu hjá Öryggis- og samvinnustofnun Evrópu í gær til áframhaldandi áherslu á kynjajafnrétti í störfum ÖSE. Hann sagði að með þrautseigju myndi skilningur aukast og tækifæri skapast fyrir konur til að stíga af meiri festu inn á svið öryggis- og varnarmála í álfunni. Fastanefnd Íslands hjá ÖSE efndi til ráðstefnunnar í samstarfi við fastanefndir Bandaríkjanna, Belgíu, Finnlands, Kanada, Noregs, Svíþjóðar og Þýskalands.

21. des. 2022Utanríkisráðuneytið, Lög og réttur, Utanríkismál, Menningar-٫ nýsköpunar- og háskólaráðuneytið

Áfrýjunarnefnd EUIPO fellst á allar kröfur Íslands

Áfrýjunarnefnd Hugverkastofu Evrópusambandsins hefur hafnað öllum kröfum bresku verslanakeðjunnar Iceland Foods Ltd. varðandi notkun á orðmerkinu Iceland. Fyrirtækið getur ekki lengur hindrað að íslensk fyrirtæki auðkenni sig með upprunalandinu við markaðssetningu á EES-svæðinu á vörum sínum og þjónustu.

12. des. 2022Utanríkisráðuneytið, Öryggis- og varnarmál, Úkraína, Utanríkismál

Níu tonn af hlýju frá Íslandi til Úkraínu

Níu tonn af hlýju frá Íslandi voru um borð í kanadískri herflutningavél sem flaug frá Keflavíkurflugvelli áleiðis til Úkraínu í dag. Um að ræða vetrarútbúnað fyrir varnarsveitir Úkraínu og almenning sem er annars vegar afrakstur sjálfboðavinnu þúsunda Íslendinga og hins vegar kaup utanríkisráðuneytisins á margvíslegum vetrarbúnaði.

11. des. 2022Utanríkisráðuneytið, Utanríkismál, Fastanefnd og sendiráð Íslands í Genf, Mannréttindi og jafnrétti

Farið fram á aukafund í mannréttindaráðinu vegna Írans

Ísland og Þýskaland óskuðu í gær eftir að haldinn verði aukafundur mannréttindráðs Sameinuðu þjóðanna til að fjalla um ástand mannréttindamála í Íran. Fundinn skal halda svo fljótt sem hægt er og að teknu tilliti til þéttrar dagskrár ráðsins má reikna með honum innan tveggja vikna. ​

05. des. 2022Utanríkisráðuneytið, Sendiráð Íslands í Nýju Delhi, Utanríkismál, Sendiskrifstofa

Utanríkisráðherrar Íslands og Indlands funduðu í tilefni af hálfrar aldar stjórnmálasambandi

Aukið tvíhliða samstarf Íslands og Indlands á fjölmörgum sviðum, m.a. í nýtingu endurnýjanlegrar orku, sjávarútvegi, menningu og menntun, og afleiðingar stríðsins í Úkraínu voru á meðal umræðuefna á fjarfundi Þórdísar Kolbrúnar Reykfjörð Gylfadóttur utanríkisráðherra og dr. S. Jaishankar utanríkisráðherra Indlands í dag. Fundurinn var haldinn í tilefni af tilefni af 50 ára afmæli stjórnmálasambands ríkjanna.

04. des. 2022Utanríkisráðuneytið, Alþjóðamál, Öryggis- og varnarmál, Utanríkismál

Fulltrúar bandaríska sjóhersins og Atlantshafsbandalagsins funduðu með utanríkisráðherra

Utanríkisráðherra fundaði í dag með Eugene Black aðmírál 6. flota bandaríska sjóhersins og Daniel W. Dwyer, yfirmanni herstjórnarmiðstöðvar Atlantshafsbandalagsins í Norfolk. Black er stjórnandi varnaræfingarinnar Norður-Víkings sem nú stendur yfir en Dwyer er þátttakandi í henni sem fulltrúi Atlantshafsbandalagsins.

30. nóv. 2022Utanríkisráðuneytið, Fastanefnd Íslands hjá NATO, Utanríkismál, Öryggis- og varnarmál, Úkraína, Sendiskrifstofa

Atlantshafsbandalagið áréttaði stuðning við Úkraínu

Stuðningur bandalagsríkja við Úkraínu vegna innrásar Rússlands var í brennidepli utanríkisráðherrafundar Atlantshafsbandalagsins sem lauk í dag. Þórdís Kolbrún Reykfjörð Gylfadóttir utanríkisráðherra tilkynnti á fundinum um aukið framlag Íslands til kaupa á búnaði fyrir varnarsveitir Úkraínu.

30. nóv. 2022Utanríkisráðuneytið, Fastanefnd Íslands hjá NATO, Utanríkismál, Öryggis- og varnarmál, Úkraína, Sendiskrifstofa

Atlantshafsbandalagið áréttaði stuðning við Úkraínu

Stuðningur bandalagsríkja við Úkraínu vegna innrásar Rússlands var í brennidepli utanríkisráðherrafundar Atlantshafsbandalagsins sem lauk í dag. Þórdís Kolbrún Reykfjörð Gylfadóttir utanríkisráðherra tilkynnti á fundinum um aukið framlag Íslands til kaupa á búnaði fyrir varnarsveitir Úkraínu.

30. nóv. 2022Utanríkisráðuneytið, Fastanefnd Íslands hjá NATO, Utanríkismál, Öryggis- og varnarmál, Úkraína, Sendiskrifstofa

Atlantshafsbandalagið áréttaði stuðning við Úkraínu

Stuðningur bandalagsríkja við Úkraínu vegna innrásar Rússlands var í brennidepli utanríkisráðherrafundar Atlantshafsbandalagsins sem lauk í dag. Þórdís Kolbrún Reykfjörð Gylfadóttir utanríkisráðherra tilkynnti á fundinum um aukið framlag Íslands til kaupa á búnaði fyrir varnarsveitir Úkraínu.

28. nóv. 2022Utanríkisráðuneytið, Alþjóðamál, Úkraína, Utanríkismál

Utanríkisráðherrar Norðurlanda og Eystrasaltsríkja í Kænugarði

Þórdís Kolbrún Reykfjörð Gylfadóttir utanríkisráðherra heimsótti Kænugarð í Úkraníu í dag ásamt utanríkisráðherrum frá öðrum Norðurlöndum og Eystrasaltsríkjum. Í heimsókninni áttu ráðherrarnir fundi með úkraínskum ráðamönnum, þar á meðal Volodomir Selenskí forseta, Denys Shmyhal forsætisráðherra, Olgu Stefanishynu aðstoðarforsætisráðherra og Dmytro Kuleba utanríkisráðherra. Á fundunum var ástandið í Úkraínu rætt og kölluðu stjórnvöld eftir áframhaldandi stuðningi.

24. nóv. 2022Atvinnuvegaráðuneytið, Menntamál, Neytendamál, Utanríkismál, Vísindi nýsköpun og rannsóknir, Viðskipti, Menningarmál

Fundaði með viðskiptaráðherra Suður-Kóreu

Aukin viðskipti og efnahagsleg samvinna milli Íslands og Suður Kóreu var á meðal umræðuefna Lilju Alfreðsdóttur menningar- og viðskiptaráðherra með Ahn Duk-geun viðskiptaráðherra Suður-Kóreu í Seúl. Samningar á sviði tvísköttunar og fríverslunar eru í gildi milli landanna en árið 2020 nam umfang inn- og útflutnings milli Íslands og Suður-Kóreu um 8 milljörðum króna. Suður kóresk fyrirtæki hafa fjárfest í íslenskum fyrirtækjum á umliðnum árum, má þar nefna kaup Kóreubúa á tölvuleikjafyrirtækinu CCP árið 2018 fyrir um 46 milljarða íslenskra króna.

22. nóv. 2022Menningar-٫ nýsköpunar- og háskólaráðuneytið, Menningarmál, Utanríkismál, Vísindi nýsköpun og rannsóknir, Atvinnuvegir

Lilja leiðir viðskiptasendinefnd til Suður Kóreu

Lilja Alfreðsdóttir menningar- og viðskiptaráðherra fer fyrir íslenskri viðskiptasendinefnd til Suður Kóreu þar sem sérstök áhersla er lögð á menningu og skapandi greinar. Tilefni ferðarinnar er að í ár fagna Ísland og Suður Kórea 60 ára stjórnmálasambandi milli landanna en löndin tóku upp formlegt stjórnmálasamband þann 10. október 1962. Var þessum tímamótum meðal annars fagnað fyrr í haust þegar að sérstök sendinefnd á vegum Suður Kóreskra stjórnvalda heimsótti Ísland.

11. nóv. 2022Utanríkisráðuneytið, Alþjóðamál, Jafnrétti, Utanríkismál

Utanríkisráðherra fundar með framkvæmdastýru UN Women

Samstarf Íslands og UN Women, jafnréttisáherslur Íslands í formennsku í Evrópuráðinu og staða kvenna í Íran og Afganistan voru helstu umfjöllunarefnin á fundi Þórdísar Kolbrúnar Reykfjörð Gylfadóttur utanríkisráðherra og Sima Bahous, framkvæmdastýru Stofnunar Sameinuðu þjóðanna um kynjajafnrétti og valdeflingu kvenna (UN Women) í gær. Sú síðarnefnda er stödd hér á landi til þess að taka þátt í Heimsþingi kvenleiðtoga en ráðherra ávarpaði þingið einnig í vikunni.

10. nóv. 2022Utanríkisráðuneytið, Sendiráð Íslands í Tókýó, Utanríkismál

Ísland og Suður-Kórea fagna sextíu ára stjórnmálasambandi

Ísland og Suður-Kórea halda þessa dagana upp á sextíu ára stjórnmálasambandsafmæli. Löndin tóku upp formlegt stjórnmálasamband þann 10. október 1962. Af því tilefni sækir Þórdís Kolbrún Reykfjörð Gylfadóttir utanríkisráðherra menningardagskrá í Hörpu í dag sem sendiráð Suður-Kóreu í Osló stendur fyrir ásamt samstarfsaðilum á Íslandi. Forseti Íslands, Guðni Th. Jóhannesson, og Yun Seok-yeol, forseti Suður-Kóreu, skiptust á árnaðaróskum í tilefni afmælisins í gær. Gott samstarf og vinátta þjóðanna var forsetunum ofarlega í huga í bréfum sínum.

08. nóv. 2022Utanríkisráðuneytið, Norrænt samstarf, Öryggis- og varnarmál, Úkraína, Utanríkismál

Ísland hefur frumkvæði að sprengjueyðingarverkefni í Úkraínu

Ísland stendur ásamt hinum norrænu ríkjunum fyrir verkefni sem er fyrirhugað á sviði þjálfunar í sprengjuleit og sprengjueyðingu í Úkraínu. Líklegt er að fleiri lönd muni taka þátt í verkefninu þegar fram í sækir. Þórdís Kolbrún Reykfjörð Gylfadóttir utanríkisráðherra kynnti verkefnatillögu þess efnis á ráðstefnu um stuðning við öryggi og varnir Úkraínu í Kaupmannahöfn í dag.

25. okt. 2022Utanríkisráðuneytið, Utanríkismál, Alþjóðamál, Jafnrétti, Mannréttindi, Mannréttindi og jafnrétti

Kvenkyns utanríkisráðherrar funduðu um stöðu kvenna og mannréttinda í Íran

Alvarleg mannréttindabrot í Íran, ekki síst gegn konum og börnum, voru í brennidepli á fjarfundi sextán kvenkyns utanríkisráðherra sem fram fór á dögunum. Þórdís Kolbrún Reykfjörð Gylfadóttir utanríkisráðherra sótti fundinn sem haldinn var að frumkvæði Mélanie Joly, utanríkisráðherra Kanada. Í kjölfar fundarins gáfu ráðherrarnir út sameiginlega yfirlýsingu þar sem ofbeldi stjórnvalda í Íran er fordæmt, kallað er eftir sjálfstæðri rannsókn á vegum Sameinuðu þjóðanna og stuðningi heitið við konur í Íran.