Efnisorð
Tegund

Leita eftir efnisorðum

Sýnir 1101–1150 af 1473
Raða eftir:
06. maí 2020Atvinnuvegaráðuneytið, Fiskeldi, Sjávarútvegur, Atvinnuvegir

Kristján Þór staðfestir nýtt áhættumat erfðablöndunar

Kristján Þór Júlíusson, sjávarútvegs- og landbúnaðarráðherra, hefur staðfest tillögu Hafrannsóknastofnunar að nýju áhættumati erfðablöndunar vegna mögulegrar erfðablöndunar frá laxeldi. Áhættumat erfðablöndunar er samkvæmt lögum um fiskeldi skilgreint sem mat á því magni frjórra eldislaxa sem strjúka úr eldi í sjó og vænta má að komi í ár þar sem villta laxastofna er að finna og metið er að erfðablöndun eldislax við villta nytjastofna, að teknu tilliti til mótvægisaðgerða, verði það mikil að tíðni arfgerða villtra stofna breytist og valdi versnandi hæfni stofngerða þeirra.

06. maí 2020Atvinnuvegaráðuneytið, Covid-19, Landbúnaður, Sjávarútvegur, Atvinnuvegir

Kristján Þór skipar stjórn Matvælasjóðs

Kristján Þór Júlíusson, sjávarútvegs- og landbúnaðarráðherra, hefur skipað stjórn Matvælasjóðs. Alþingi samþykkti nýverið frumvarp ráðherra um stofnun sjóðsins en hlutverk hans er að styrkja þróun og nýsköpun við framleiðslu og vinnslu matvæla úr landbúnaðar- og sjávarafurðum. Matvælasjóður verður til með sameiningu Framleiðnisjóðs landbúnaðarins og AVS-rannsóknasjóðs í sjáv

05. maí 2020Atvinnuvegaráðuneytið, Auðlindir, Sjávarútvegur, Atvinnuvegir

Ráðherra ákveður heildarafla fyrir rækjuveiðar við Snæfellsnes

Kristján Þór Júlíusson, sjávarútvegs- og landbúnaðarráðherra, hefur gefið út reglugerð um leyfilegan heildarafla fyrir rækjuveiðar við Snæfellsnes. Reglugerðin er í samræmi við ráðgjöf Hafrannsóknastofnunar og er í gildi til 15. mars 2021. Í samræmi við varúðarsjónarmið lagði stofnunin til að rækjuveiðar verði ekki meira en 491 tonn við Snæfellsnes, en þetta er töluverð hækkun frá síðasta ári þegar leyfilegur heildarafli var 393 tonn.

02. maí 2020Auðlindir, Neytendamál, Orka, Atvinnuvegir, Atvinnuvegaráðuneytið

Samkeppnishæfni stóriðju könnuð í fyrsta sinn

Þórdís Kolbrún Reykfjörð Gylfadóttir, ráðherra ferðamála-, iðnaðar- og nýsköpunar hefur kynnt ríkisstjórn Íslands áform um að fá fyrirtækið Fraunhofer / Ecofy til að gera úttekt á samkeppnishæfni stóriðju á Íslandi, með sérstakri áherslu á raforkukostnað. Ráðgert er að gengið verði frá samningi við fyrirtækið í þessari viku og að úttektinni ljúki með skýrslu til stjórnvalda fyrir lok maí.

30. apr. 2020Atvinnuvegaráðuneytið, Landbúnaður, Sjávarútvegur, Atvinnuvegir

Fellir brott 34 lagabálka, leggur niður 6 nefndir og einfaldar stjórnsýslu

Alls eru 34 lagabálkar felldir brott í heild sinni, 6 nefndir lagðar niður og stjórnsýsla einfölduð með tveimur nýjum lagafrumvörpum sem Kristján Þór Júlíusson, sjávarútvegs- og landbúnaðarráðherra, mælti fyrir á Alþingi nú í dag. Með lagafrumvörpunum er regluverk á málefnasviðum ráðherra einfaldað töluvert.

29. apr. 2020Heilbrigðisráðuneytið, Atvinnuvegir, Líf og heilsa, Upplýsingatæknimál ríkisins, Vísindi nýsköpun og rannsóknir, Covid-19, Heilbrigðismál, Nýsköpun, Fjármála- og efnahagsráðuneytið, Menningar-٫ nýsköpunar- og háskólaráðuneytið

Hakkaþon um nýsköpun í heilbrigðisþjónustu

Almenningur og frumkvöðlar taka höndum saman um að finna nýjar lausnir á sviði heilbrigðisþjónustu til gera heilbrigðiskerfinu betur kleift að fást við nýjar áskoranir vegna COVID-19. Dagana 22.-24. maí verður haldin nýsköpunarkeppni þar sem einstaklingum og frumkvöðlum gefst kostur á aðkeppa um bestu lausnirnar. Vefsíða keppninnar var formlega opnuð í dag hakkathon.island.is.

24. apr. 2020Efnahagsmál og opinber fjármál, Neytendamál, Covid-19, Ferðaþjónusta, Landbúnaður, Nýsköpun, Orka, Sjávarútvegur, Verslun, Atvinnuvegir, Atvinnuvegaráðuneytið

Íslenskt- gjörið svo vel: Sameiginlegt átak stjórnvalda og atvinnulífsins

Kristján Þór Júlíusson, sjávarútvegs- og landbúnaðarráðherra og Þórdís Kolbrún Reykfjörð Gylfadóttir, ferðamála,- iðnaðar- og nýsköpunarráðherra, hafa undirritað samning um sameiginlegt kynningarátak stjórnvalda og atvinnulífs um að verja störf og auka verðmætasköpun undir heitinu: Íslenskt – gjörið svo vel. ​

21. apr. 2020Vísindi nýsköpun og rannsóknir, Covid-19, Ferðaþjónusta, Nýsköpun, Atvinnuvegir, Atvinnuvegaráðuneytið

Öflugar aðgerðir í þágu nýsköpunar í aðgerðarpakka tvö

„Í viðspyrnunni er sérstaklega mikilvægt að byggja upp atvinnugreinar sem byggja á nýsköpun og hugviti. Við höfum þegar tekið til fjölmargra úrræða og núna stígum við skref til framtíðar og sækjum fram með nýsköpun að leiðarljósi,“ segir Þórdís Kolbrún Reykfjörð Gylfadóttir, ferðamála,- iðnaðar- og nýsköpunarráðherra.

20. apr. 2020Atvinnuvegaráðuneytið, Covid-19, Atvinnuvegir

Opnað á endurgreiðslu á milliuppgjörum vegna kvikmyndaframleiðslu

Í dag var í Stjórnartíðindum birt reglugerð frá ferðamála,- iðnaðar- og nýsköpunarráðherra sem heimilar framleiðendum kvikmynda að óska eftir sérstakri útborgun á endurgreiðslu á milliuppgjörum verkefna sem þegar hafa fengið vilyrði fyrir endurgreiðslu kostnaðar. Með breytingunni er komið til móts við framleiðendurnar vegna þeirra áhrifa sem COVID-19 hefur haft á kvikmyndagerð á Íslandi.

20. apr. 2020Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Covid-19, Atvinnuvegir

ESA: Veiting ábyrgða á viðbótarlánum lánastofnana til fyrirtækja vegna COVID-19 samrýmist framkvæmd EES-samningsins

Eftirlitsstofnun EFTA, ESA, féllst í dag á að fyrirhuguð veiting ábyrgða á viðbótarlánum lánastofnana til fyrirtækja, í tengslum við heimsfaraldur kórónuveiru (COVID-19), samrýmist framkvæmd EES-samningsins. Um er að ræða fyrsta íslenska ríkisaðstoðarkefið í tengslum við faraldurinn sem kemur til kasta ESA.

16. apr. 2020Atvinnuvegaráðuneytið, Covid-19, Landbúnaður, Atvinnuvegir

Ráðherra flýtir greiðslum til sauðfjárbænda vegna COVID-19

Kristján Þór Júlíusson, sjávarútvegs- og landbúnaðarráðherra, hefur undirritað reglugerð sem flýtir stuðningsgreiðslum við sauðfjárrækt um nokkra mánuði. Með því að flýta greiðslunum bregst ráðherra við áhrifum COVID-19 veirunnar á íslenskan landbúnað, en aðgerðin mun sérstaklega nýtast þeim stóra hópi sauðfjárbænda sem stundar aðra starfsemi samhliða búskap, t.d. í ferðaþjónustu, og hafa fundið fyrir miklum áhrifum COVID-19 á greinina.

14. apr. 2020Neytendamál, Ferðaþjónusta, Norrænt samstarf, Nýsköpun, Atvinnuvegir, Covid-19, Atvinnuvegaráðuneytið

Norrænu ríkin þétta raðirnar eftir COVID-19

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra fundaði með norrænum viðskiptaráðherrum til að ræða þver-norræna nálgun á leiðir til að efla viðskipti, ferðaþjónustu og aðrar atvinnugreinar, þjónustugreinar og nýsköpunarmiðuð fyrirtæki á Norðurlöndunum í kjölfar COVID-19 faraldursins.

12. apr. 2020Atvinnuvegaráðuneytið, Sjávarútvegur, Atvinnuvegir

Loðnuleit rædd í ríkisstjórn

Kristján Þór Júlíusson, sjávarútvegs- og landbúnaðarráðherra, gerði á fundi ríkisstjórnarinnar í morgun grein fyrir stöðu loðnuleitar. Vísaði ráðherra til þess að atvinnuvega- og nýsköpunarráðuneytið heimilaði nýverið grænlenska uppsjávarskipinu Polar Amaroq að stunda rannsóknir á loðnu innan íslensku efnahagslögsögunnar fyrir vestan og norðan Ísland á tímabilinu 20. til 28. nóvember síðastliðinn.

03. apr. 2020Atvinnuvegaráðuneytið, Landbúnaður, Atvinnuvegir

Ráðherra veitti Espiflöt og Garði landbúnaðarverðlaunin 2020

Kristján Þór Júlíusson, ráðherra landbúnaðarmála, veitti Garðyrkjustöðinni Espiflöt í Biskupstungum og Garði í Eyjafirði landbúnaðarverðlaunin 2020 á nýyfirstöðnu Búnaðarþingi. Hugmyndin að baki verðlaununum er að veita bændum og býlum sem á einn eða annan máta vekja athygli og eru til fyrirmyndar í íslenskum landbúnaði, viðurkenningar og hvatningarverðlaun. Ráðherra landbúnaðarmála hefur veitt verðlaunin frá árinu 1997.

02. apr. 2020Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Atvinnuvegir

Hagvöxtur gæti reynst 0,5 prósentum hærri en ella ef loðna finnst í febrúar

Loðna hefur lengi verið einn af mikilvægustu fiskistofnum landsins. Árin 2016-18 nam útflutningsverðmæti loðnu að meðaltali um 18 ma.kr. Aðeins útflutningsverðmæti þorsks var hærra, eða 95 ma.kr. Árið 2019 var engin loðna veidd en útflutningsverðmæti birgða nam ríflega 8 ma.kr.

27. mar. 2020Atvinnuvegaráðuneytið, Covid-19, Landbúnaður, Sjávarútvegur, Atvinnuvegir

Aðgerðir til að mæta áhrifum COVID-19 á landbúnað og sjávarútveg

Kristján Þór Júlíusson, sjávarútvegs- og landbúnaðarráðherra, kynnti á fundi ríkisstjórnarinnar í morgun 15 aðgerðir á sviði landbúnaðar og sjávarútvegs til að bregðast við áhrifum COVID-19 veirunnar á þessar greinar. Markmið aðgerðanna er að lágmarka neikvæð áhrif á íslenskan landbúnað og sjávarútveg til skemmri og lengri tíma, en um leið skapa öfluga viðspyrnu þegar þetta tímabundna ástand er gengið yfir. Aðgerðirnar eru eftirfarandi.

24. mar. 2020Atvinnuvegaráðuneytið, Covid-19, Landbúnaður, Sjávarútvegur, Atvinnuvegir

Horfur í landbúnaði og sjávarútvegi ræddar í ríkisstjórn

Áhrif kórónaveirunnar eru víðtæk í íslensku samfélagi og gerði Kristján Þór Júlíusson, sjávarútvegs- og landbúnaðarráðherra, grein fyrir stöðunni eins og hún horfir við íslenskum landbúnaði og sjávarútvegi á fundi ríkisstjórnarinnar í morgun en ráðuneytið hefur undanfarna daga og vikur fylgst grannt með þróun mála.

23. mar. 2020Covid-19, Ferðakostnaður, Ferðaþjónusta, Neytendamál, Atvinnuvegir, Atvinnuvegaráðuneytið

Áhrif COVID-19 á pakkaferðir

Áhrif kórónaveirunnar á veitingu ferðatengdrar þjónustu eru nú orðin veruleg. Stjórnvöld víðs vegar um heim hafa gripið til margvíslegra aðgerða til að hefta útbreiðslu veirunnar sem hafa m.a. falist í ferðabanni þar sem ferðamönnum er ýmist meinuð koma eða íbúum meinað að ferðast frá sínum heimalöndum. Þessar ráðstafanir hafa haft afgerandi áhrif á samgöngur og aðra ferðatengda þjónustu.

23. mar. 2020Atvinnuvegaráðuneytið, Fiskeldi, Náttúruvernd, Sjávarútvegur, Atvinnuvegir

Vísindanefnd skipuð um áhættumat og burðarþolsmat

Kristján Þór Júlíusson, sjávarútvegs- og landbúnaðarráðherra, hefur skipað nefnd þriggja óvilhallra vísindamanna til að rýna aðferðafræði sem Hafrannsóknastofnun notar við mat á burðarþoli og við gerð áhættumats erfðablöndunar. Nefndin er skipuð í samræmi við bráðabirgðaákvæði VII. í lögum nr. 71/2008 um fiskeldi en þar segir: ​

20. mar. 2020Atvinnuvegaráðuneytið, Atvinnuvegir, Landbúnaður, Sjávarútvegur, Covid-19

Áhrif COVID-19 á íslenskan landbúnað og sjávarútveg rædd í ríkisstjórn

Kristján Þór Júlíusson, sjávarútvegs- og landbúnaðarráðherra, gerði á fundi ríkisstjórnarinnar í morgun grein fyrir áhrifum COVID-19 á íslenskan landbúnað og sjávarútveg. Þar kom fram að atvinnuvega- og nýsköpunarráðuneytið fylgdist náið með þróun mála og að ráðuneytinu berist reglulegar upplýsingar frá m.a. Bændasamtökum Íslands og Samtökum fyrirtækja í sjávarútvegi. Eindregin samstaða væri um að lágmarka efnahagslega neikvæð áhrif veirunnar bæði til skemmri og lengri tíma.

12. mar. 2020Neytendamál, Atvinnuvegir, Atvinnuvegaráðuneytið

Skýrsla ASÍ um verðþróun á dagvörumarkaði

Framboð eða úrval á innlendum og innfluttum landbúnaðarvörum hefur aukist töluvert undanfarna mánuði, en verð á innfluttum landbúnaðarvörum hefur hækkað í flestum​tilfellum meira en á þeim innlendu.​Í sumum vöruflokkum hækkaði verð á innfluttum landbúnaðarvörum þó ekki mikið umfram verð á innlendum vörum og tiltölulega lítið sé horft til veikingar krónunnar á tímabilinu sem verðtakan fór fram. Þetta er niðurstaða verðkönnunar sem verðlagseftirlit ASÍ framkvæmdi fyrir atvinnuvega- og nýsköpunarráðuneytið undanfarna mánuði.​

07. mar. 2020Forsætisráðuneytið, Umhverfi og náttúruvernd, Loftslagsmál, Sjávarútvegur, Atvinnuvegaráðuneytið, Fjármála- og efnahagsráðuneytið, Innviðaráðuneytið, Umhverfis-٫ orku- og loftslagsráðuneytið, Atvinnuvegir

Stefnt að verðmætari afurðum með minni losun frá sjávarútvegi

Stefnt er að því að draga úr losun frá sjávarútvegi og auka eftirspurn eftir heilnæmum íslenskum fiski með samstarfi stjórnvalda og atvinnugreinarinnar. Þetta kemur fram í yfirlýsingu um hvata til að draga úr kolefnisspori íslensks sjávarútvegs sem undirrituð var við ráðherrabústaðinn í dag.

07. mar. 2020Atvinnuvegaráðuneytið, Auðlindir, Sjávarútvegur, Atvinnuvegir

Kristján Þór fylgir ráðgjöf Hafrannsóknastofnunar

Kristján Þór Júlíusson, sjávarútvegs- og landbúnaðarráðherra, hefur gefið út reglugerð um leyfilegan heildarafla í íslenskri fiskveiðilögsögu fyrir næsta fiskveiðiár og fylgir hún vísindalegri ráðgjöf Hafrannsóknastofnunar. Ráðgjöf stofnunarinnar byggir á því að nýta stofna miðað við hámarksafrakstur að teknu tilliti til vistkerfis- og varúðarnálgunar.

07. mar. 2020Vísindi nýsköpun og rannsóknir, Covid-19, Nýsköpun, Atvinnuvegir, Menningar-٫ nýsköpunar- og háskólaráðuneytið

Stuðnings - Kría hefur sig til flugs: Stefnt að mótframlagslánum í sumar

„Sprota- og nýsköpunarfyrirtæki hafa mikilvægu hlutverki að gegna í uppbyggingu atvinnulífs hér á landi. Stuðnings - Kría nýtist sprotafyrirtækjum í því ótrygga ástandi sem nú ríki og er upptaktur að þeirri auknu samvinnu stjórnvalda sem stefnt er að með Kríu – sprota - og nýsköpunarsjóði,“ segir Þórdís Kolbrún Reykfjörð Gylfadóttir, nýsköpunarráðherra.

04. mar. 2020Atvinnuvegaráðuneytið, Landbúnaður, Atvinnuvegir

Samningar fyrir íslenska hestinn undirritaðir

Kristján Þór Júlíusson, sjávarútvegs og landbúnaðarráðherra, hefur undirritað samning við félag Hrossabænda, Landsamband hestamannafélaga, Félag tamningamanna og Íslandsstofu um áframhald markaðsverkefnisins Horses of Iceland, til kynningar á íslenska hestinum. Við sama tilefni undirritaði ráðherra samning við Félag hrossabænda og Tilraunastöð Háskóla Íslands í meinafræði að Keldum um prófun á forvarnarbóluefni gegn sumarexemi í útfluttum hrossum. Samningarnir voru undirritaðir við nokkuð sérstakar aðstæður að þessu sinni eða í gegnum fjarfundabúnað þar sem allir staðfestu samninginn með undirritunum sínum.