Efnisorð
Tegund

Leita eftir efnisorðum

Sýnir 1351–1400 af 1495
Raða eftir:
13. jún. 2018Fjármála- og efnahagsráðuneytið, Efnahagsmál og opinber fjármál

Skýrsla um lagaumgjörð Fjármálaeftirlitsins

Hinn 24. ágúst 2017 skipaði þáverandi fjármála- og efnahagsráðherra starfshóp sem fékk það verkefni að endurskoða lög um opinbert eftirlit með fjármálastarfsemi, lög um greiðslu kostnaðar við opinbert eftirlit með fjármálastarfsemi auk ákvæða annarra laga um fjármálamarkaði eða fjármálafyrirtæki, sem tengjast eftirliti með markaðnum.

08. jún. 2018Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál, Fitch

Fitch staðfestir óbreytta A lánshæfiseinkunn ríkissjóðs með stöðugum horfum

Matsfyrirtækið Fitch staðfesti í dag lánshæfiseinkunn ríkissjóðs fyrir langtímaskuldir í erlendri mynt sem A með stöðugum horfum. Samkvæmt matsfyrirtækinu endurspeglar þessi einkunn á annan bóginn háar þjóðartekjur, sterkar stofnanir, góð lífskjör og gott viðskiptaumhverfi og á hinn bóginn að hagkerfið reiðir sig að stórum hluta á hrávörur í útflutningi og er næmt fyrir ytri áföllum auk fyrri reynslu af sveiflum í efnahags- og fjármálum.

17. maí 2018Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál

Forkaupsréttur ríkisins í tengslum við frumskráningu Arion banka

Fjármála- og efnahagsráðuneytið og Kaupþing hafa náð niðurstöðu um framkvæmd ákvæðis 3.6 í afkomuskiptasamningi íslenska ríkisins, Kaupþings hf. og dótturfélags þess Kaupskila ehf. frá 13. janúar 2016. Í ákvæðinu felst að forkaupsréttur ríkisins við sölu hlutabréfa í Arion banka skuli aðlagaður við skráningu bankans á markað.

27. apr. 2018Fjármála- og efnahagsráðuneytið, Efnahagsmál og opinber fjármál

Framgangur áætlunar um losun fjármagnshafta

Fjármála- og efnahagsráðherra birti í dag greinargerð um framgang áætlunar um losun fjármagnshafta, en samkvæmt lögum nr. 87/1992 um gjaldeyrismál ber honum að gera Alþingi grein fyrir framgangi áætlunar um losun takmarkana á fjármagnshreyfingum milli landa og gjaldeyrisviðskiptum á sex mánaða fresti þar til slíkum takmörkunum verður endanlega aflétt.

18. apr. 2018Fjármála- og efnahagsráðuneytið, Efnahagsmál og opinber fjármál

Alþjóðlegur samningur gegn skattaflótta tekur gildi á árinu

Alþjóðasamningurinn MLI, sem ætla er að stemma stigu við skattaflótta, og sem Ísland undirritaði í fyrra, tekur gildi 1. júlí á þessu ári gagnvart þeim ríkjum sem fullgilt hafa samninginn. Undirritunaraðilar samningsins eru nú 78 og hafa yfir 100 ríki lýst vilja til að undirrita samninginn. Samningurinn er sá eini sinnar tegundar og með gerð hans eru unnt að breyta þúsundum tvísköttunarsamninga án þess að stjórnvöld í hverju ríki þurfi að fara í tímafrekar tvíhliða viðræður við hvern og einn samningsaðila.

13. apr. 2018Fjármála- og efnahagsráðuneytið, Efnahagsmál og opinber fjármál

Ýmsir þættir skattkerfisins til endurskoðunar á næstu árum

Næstu árin verða ýmsir þættir íslenska skattkerfisins til endurskoðunar, til hagsbóta fyrir einstaklinga og fyrirtæki, eins og sjá má í nýframkominni fjármálaáætlun ríkisstjórnarinnar fyrir tímabilið 2019-2023. Þar verður m.a. horft til þess að gera Ísland samkeppnishæfara í alþjóðlegum samanburði, auk þess að gera skattheimtu einfaldari, skilvirkari og sanngjarnari.

06. apr. 2018Umhverfis-٫ orku- og loftslagsráðuneytið, Loftslagsmál, Náttúruvernd, Umhverfi og náttúruvernd, Efnahagsmál og opinber fjármál, Fjármálaáætlun

Fjármálaáætlun 2019-2023: Blásið til sóknar í umhverfismálum

Samkvæmt tillögu að fjármálaáætlun 2019-2023 er gert ráð fyrir að aukning heildarframlaga til umhverfismála yfir tímabilið 2019 til 2023 nemi 35% raunvexti frá árinu 2017. Uppsafnað aukið útgjaldasvigrúm til ýmissa áherslumála nemur alls 14,7 ma. króna yfir tímabilið.

06. apr. 2018Fjármála- og efnahagsráðuneytið, Rekstur og eignir ríkisins, Sveitarstjórnir og byggðamál, Efnahagsmál og opinber fjármál

Nýtt samkomulag ríkis og sveitarfélaga um afkomumarkmið

Nýtt samkomulag ríkis og sveitarfélaga um afkomumarkmið og efnahag sveitarfélaga árin 2019-2023 var undirritað í dag. Samkomulagið var undirritað af fjármála- og efnahagsráðherra, samgöngu- og sveitarstjórnarráðherra og Sambandi íslenskra sveitarfélaga. Það byggir á lögum um opinber fjármál sem hafa að markmiði að ríki og sveitarfélög stuðli að góðri hagstjórn og styrkri og ábyrgri stjórn opinberra fjármála.

04. apr. 2018Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Fjármálaáætlun

Fjármálaáætlun 2019-2023: Styrkari samfélagsinnviðir, lægri skattar og betri þjónusta

Í fyrstu fjármálaáætlun ríkisstjórnar Vinstri hreyfingarinnar græns framboðs, Sjálfstæðisflokks og Framsóknarflokks endurspeglast áherslur ríkisstjórnarinnar um að samfélagið allt njóti góðs af yfirstandandi hagvaxtarskeiði og að samfélagslegur stöðugleiki og lífsgæði verði treyst til framtíðar.

08. mar. 2018Fjármála- og efnahagsráðuneytið, Efnahagsmál og opinber fjármál, Mannréttindi og jafnrétti, Dómsmálaráðuneytið

Tilraunaverkefni um innleiðingu jafnlaunastaðals lokið og viðurkenningar veittar

Í dag lauk á jafnréttisþingi tilraunaverkefni um innleiðingu jafnlaunastaðals sem staðið hefur frá árinu 2013. Bjarni Benediktsson fjármála- og efnahagsráðherra veitti þátttakendum viðurkenningar en markmið verkefnisins var að prófa jafnlaunastaðalinn ÍST 85:2012 og átta sig á umfangi innleiðingar hans, ávinningi og áskorunum.

08. mar. 2018Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál

Kynntu samstarfs- og fjárfestingartækifæri hjá Endureisnar- og þróunarbanka Evrópu

Fjárfestingartækifæri og tækifæri til samstarfs milli fyrir íslenskra fyrirtækja og Endurreisnar- og þróunarbanka Evrópu (EBRD)voru kynnt á fundi í Hörpu í dag. Fjármála- og efnahagsráðuneytið, Íslandsstofa og Íslenski jarðvarmaklasinn stóðu að fundinum þar sem einnig var farið almennt yfir starfsemi bankans.

01. mar. 2018Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál

Fjárfestingarbanki Evrópu eykur lánsframboð sitt til EFTA ríkjanna

Bjarni Benediktsson, fjármála- og efnahagsráðherra og Andrew McDowell, aðstoðarframkvæmdastjóri Evrópska fjárfestingarbankans undirrituðu í dag yfirlýsingu í tengslum við framlengingu og aukningu á framboði lána til fjögurra ára í viðbót, en aukningin nemur 200 milljónum evra frá því sem verið hefur og heildarframboðið því 1 milljarður evra til loka ársins 2021. Lánsféð stendur fyrirtækjum í öllum fjórum EFTA-ríkjunum til boða.

28. feb. 2018Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál

Áætlaður fjárhagslegur ávinningur ríkissjóðs vegna Kaupþings/Arion banka rúmir 150 ma.kr.

Fjármála- og efnahagsráðuneytið hefur til nánari skýringar tekið saman yfirlit yfir fjárhagsleg áhrif vegna endurreisnar Arion banka í kjölfar fjármálaáfallsins 2008 og tekna af stöðugleikaframlagi Kaupþings í ríkissjóð í tengslum við samning slitabúsins við Seðlabanka Íslands vegna veitingar undanþágu frá gjaldeyrishöftum. Áður hefur komið fram að þessi áhrif nema samanlagt ríflega 150 ma.kr. og sundurliðast sú fjárhæð sem hér segir:

23. feb. 2018Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál

Ríkissjóður selur 13% hlut í Arion banka til Kaupskila

Fjármála- og efnahagsráðherra hefur, að undangengnu samráði við ráðherranefnd um efnahagsmál og endurskipulagningu fjármálakerfisins og ríkisstjórn, fallist á tillögu Bankasýslu ríkisins um sölu á 13% hlut ríkissjóðs í Arion banka til Kaupskila ehf. (dótturfélags Kaupþings ehf.) fyrir 23,4 milljarða króna. Salan fer fram á grunni kaupréttar á hlutnum samkvæmt hluthafasamkomulagi frá árinu 2009 og lögum um sölumeðferð eignarhluta ríkisins í fjármálafyrirtækjum nr. 155/2012 en 2. mgr. 1. gr. laganna fjallar sérstaklega um sölu vegna m.a. kaupréttarákvæðisins er tengist Arion banka auk þess sem heimild hefur verið í fjárlögum sem Alþingi hefur samþykkt árlega frá og með fjárlögum ársins 2014.

23. feb. 2018Fjármála- og efnahagsráðuneytið, Samgöngur og fjarskipti, Efnahagsmál og opinber fjármál

Drög að skýrslu starfshóps um skattlagningu ökutækja og eldsneytis birt á samráðsgátt

Hinn 5. febrúar 2016 skipaði fjármála- og efnahagsráðherra starfshóp sem falið var að taka skattlagningu ökutækja og eldsneytis til endurskoðunar. Nánari upplýsingar um starfshópinn og verkefni hans má finna á vefsíðu stjórnarráðsins. Starfshópurinn hefur átt fundi með nokkrum fjölda haghafa ásamt því sem honum bárust ýmsar upplýsingar og ábendingar eftir að þeirra hafði verið leitað.

16. feb. 2018Rit og skýrslur, Mannauðsmál ríkisins, Efnahagsmál og opinber fjármál, Forsætisráðuneytið

Skýrsla um starfshóps um málefni kjararáðs

febrúar 2018 / Forsætisráðuneytið Skýrsla um starfshóps um málefni kjararáðs Í skýrslu hópsins er að finna samanburð fyrirkomulags við launaákvarðanir hjá kjörnum fulltrúum, dómurum og æðstu embættismönnum á Íslandi og í nágrannalöndunum, greining á úrskurðum kjararáðs og samanburður við launaþróun annarra starfsgreina. Þá var hópnum falið að gera tillögur að breyttu fyrirkomulagi og úrbótum

05. feb. 2018Efnahagsmál og opinber fjármál, Ræður og greinar, Fjármála- og efnahagsráðuneytið

Ávarp flutt á skattadegi Félags löggiltra endurskoðenda 19. janúar 2018

Hér eru skattar, skattkerfið og skattbreytingar til umræðu og ánægjulegt að fá tækifæri, í annað sinn í þessari viku til að ræða þessi mál. Þið hafið ef til vill orðið vör við eftir fyrri skattadaginn að talsverð umræða fór af stað um áherslur í skattmálum og skattalækkanir - sem hafa margar orðið á síðustu árum, öfugt við það sem hefur verið haldið fram að hér hafi skattar ekkert lækkað sem heitið geti.

01. feb. 2018Fjármála- og efnahagsráðuneytið, Efnahagsmál og opinber fjármál

Ýmis álitaefni uppi um lagalega stöðu rafmynta

Undanfarið hefur nokkuð verið fjallað um rafmyntir og kaup og sölu á þeim. Íslensk stjórnvöld vöruðu árið 2014 við þeirri áhættu sem fylgir rafmynt eða sýndarfé (e. virtual/crypto currencies) svo sem Bitcoin. Þá hefur Fjármálaeftirlitið sent frá sér tilkynningu þar sem varað er við þeirri miklu áhættu sem fylgir viðskiptum með sýndarfé.