Efnisorð
Tegund

Leita eftir efnisorðum

Sýnir 1351–1400 af 1835
Raða eftir:
08. júl. 2019Heilbrigðisráðuneytið, Heilbrigðismál, Líf og heilsa

Ný heilbrigðisstefna kynnt á opnum fundi á Selfossi 14. ágúst

Heilbrigðisráðherra stendur fyrir opnum fundi um heilbrigðisstefnu til ársins 2030, í samvinnu við Heilbrigðisstofnun Suðurlands, þann 14. ágúst. Fjallað verður um hvað felst í stefnunni, hvaða breytingar hún er líkleg til að hafa í för með sér og hvers vegna hún skiptir svo miklu máli, hvort heldur í þéttbýli eða í dreifðari byggðum landsins. Fundurinn verður haldinn í fundarsal Heilbrigðisstofnunar Suðurlands á Selfossi kl. 17 – 19.

08. júl. 2019Heilbrigðisráðuneytið, Heilbrigðismál, Líf og heilsa

Díana Óskarsdóttir skipuð forstjóri Heilbrigðisstofnunar Suðurlands

Svandís Svavarsdóttir heilbrigðisráðherra hefur ákveðið að skipa Díönu Óskarsdóttur í embætti forstjóra Heilbrigðisstofnunar Suðurlands til næstu fimm ára. Ákvörðun ráðherra er tekin að undangengnu mati lögskipaðrar hæfnisnefndar sem metur hæfni umsækjenda um stöður forstjóra heilbrigðisstofnana. Sex sóttu um stöðuna.

06. júl. 2019Heilbrigðisráðuneytið, Heilbrigðismál, Líf og heilsa

Lýðheilsuvísar: Heilsa og líðan fólks eftir landshlutum

Tæplega 30% fullorðinna og rúmlega 70% framhaldsskólanema ná ekki nægum svefni. – Dagleg neysla orkudrykkja meðal framhaldsskólanema hefur aukist úr 21,7% árið 2016 í 54,6% árið 2018. – Dregið hefur úr ávísunum sýklalyfja til barna. – Þátttaka í skimun fyrir leghálskrabbameini og brjóstakrabbameini hefur minnkað síðastliðin ár. – Um 60% landsmanna telja sig mjög hamingjusama. Þetta og margt fleira má lesa út úr nýjum lýðheilsuvísum Embættis landlæknis.

05. júl. 2019Heilbrigðisráðuneytið, Líf og heilsa

Brjóstapúðar áfram til skoðunar

Athygli er vakin á tilkynningu Embættis landlæknis og Lyfjastofnunar varðandi brjóstapúða af ákveðinni gerð, vegna tengsla þeirra við sjaldgæft eitilfrumukrabbamein (BIA-ALCL; breast implant-associated anaplastic large cell lymphoma). Púðarnir sem sjónir hafa einkum beinst að eru með hrjúfu yfirborði og framleiddir af lyfjafyrirtækinu Allergan. Hætt var að selja þessa púða í Evrópu í lok síðasta árs, líkt og fram kom í tilkynningu frá Lyfjastofnun í desember síðastliðnum.

28. jún. 2019Líf og heilsa, Heilbrigðismál, Heilbrigðisráðuneytið

Heilbrigðisstefna til ársins 2030 ásamt fimm ára aðgerðaáætlun

Heilbrigðisstefna – stefna fyrir íslenska heilbrigðisþjónustu til ársins 2030 er nú aðgengileg sem skýrsla heilbrigðisráðuneytisins á vef Stjórnarráðsins. Heilbrigðisstefnan var samþykkt sem ályktun frá Alþingi 4. júní síðastliðinn. Fimm ára aðgerðaáætlun heilbrigðisstefnu 2019 til 2023 hefur einnig verið birt á skýrsluformi á vefnum. Aðgerðaáætlunin var lögð fram sem þingskjal 149. löggjafarþingi 2018 – 2019 (Þingskjal 1704 — 961. mál.

24. jún. 2019Heilbrigðisráðuneytið, Heilbrigðismál, Líf og heilsa

Aðgerðaáætlun til að draga úr sykurneyslu landsmanna

Svandís Svavarsdóttir heilbrigðisráðherra kynnti fyrir ríkisstjórn síðastliðinn föstudag áætlun sem Embætti landlæknis hefur unnið um aðgerðir til að draga úr sykurneyslu landsmanna. Á fundi ríkisstjórnarinnar var ákveðið að skipa starfshóp sem falið verður að innleiða áætlunina. Heilbrigðisráðherra fjallar um málið í eftirfarandi blaðagrein í dag.

21. jún. 2019Heilbrigðisráðuneytið, Heilbrigðismál, Líf og heilsa

Til umsagnar: Viðmið fyrir umföllun um geðheilbrigðismál í fjölmiðlum

Heilbrigðisráðherra skipaði í október á liðnu ári starfshóp sem falið var að setja fram ábendingar fyrir fjölmiðla um hvernig best megi fjalla um geðheilbrigðismál án þess að alið sé á fordómum. Starfshópurinn var skipaður í samræmi við ályktun Alþingis um stefnu og aðgerðaáætlun í geðheilbrigðismálum til fjögurra ára. Starfshópurinn hefur samið drög að viðmiðum fyrir fjölmiðla í þessu skyni og eru þau nú til umsagnar í samráðsgátt stjórnvalda.

19. jún. 2019Heilbrigðisráðuneytið, Heilbrigðismál, Líf og heilsa

Vel heppnaðir kynningarfundir um nýja heilbrigðisstefnu fyrir norðan og vestan

Opinn kynningarfundur sem Svandís Svavarsdóttir heilbrigðisráðherra efndi til um heilbrigðisstefnu til ársins 2030 var haldinn á Ísafirði í gær og annar fundur á Akureyri fyrir viku. Ráðherra mun standa fyrir sambærilegum fundum í öllum heilbrigðisumdæmum landsins í samvinnu við heilbrigðisstofnanir umdæmanna. Umfjöllunin snýst um efni og innleiðingu stefnunnar og líkleg áhrif hennar á heilbrigðisþjónustu við íbúa í viðkomandi heilbrigðisumdæmum og á landsvísu.

19. jún. 2019Heilbrigðisráðuneytið, Heilbrigðismál, Líf og heilsa

Alþjóðleg könnun á viðhorfum fólks til bólusetninga

Hér á landi telja 97% almennings að bólusetningar séu áhrifaríkar til að koma í veg fyrir sjúkdóma og 99% telja bólusetningar mikilvægar fyrir börn. Aftur á móti eru um 40% aðspurða í vafa um öryggi bóluefna. Þetta er meðal þess sem fram kemur í nýrri alþjóðlegri skoðanakönnun um ýmis heilbrigðismál þar sem meðal annars var spurt um afstöðu fólks til bólusetninga.

09. jún. 2019Heilbrigðisráðuneytið, Heilbrigðismál, Líf og heilsa

Átta kynningarfundir um heilbrigðisstefnu að baki

Svandís Svavarsdóttir heilbrigðisráðherra, í samvinnu við forstjóra heilbrigðisstofnana um allt land, hefur nú lokið kynningarfundum um heilbrigðisstefnu til ársins 2030 í öllum sjö heilbrigðisumdæmum landsins. Áttundi fundurinn um heilbrigðisstefnuna var haldinn í gær undir yfirskriftinni Horft til framtíðar en þar var sérstaklega rætt um mönnun og menntun, vísindi og forystu til árangurs.

02. jún. 2019Heilbrigðisráðuneytið, Heilbrigðismál, Líf og heilsa

Eftirlit með þjónustu og rekstri heilsugæslu á höfuðborgarsvæðinu

Svandís Svavarsdóttir heilbrigðisráðherra hefur ákveðið að veita 30 milljónir króna til að sinna eftirliti með því að þjónusta og rekstur heilsugæslustöðva á höfuðborgarsvæðinu sé samræmi við Kröfulýsingu vegna rekstrar heilsugæsluþjónustu. Kröfulýsingin tók gildi í tengslum við ​breytt fjármögnunarkerfi heilsugæslunnar sem innleitt var í ársbyrjun 2017.

29. maí 2019Forsætisráðuneytið, Líf og heilsa, Heilbrigðisráðuneytið, Landbúnaður, Lýðheilsa og forvarnir, Innviðaráðuneytið, Atvinnuvegaráðuneytið

Ísland í fararbroddi í aðgerðum til að draga úr útbreiðslu sýklalyfjaónæmis

Ísland ætlar að vera í farabroddi í aðgerðum til að draga úr útbreiðslu sýklalyfjaónæmis. Þá ætla íslensk stjórnvöld, innan ramma alþjóðlegra skuldbindinga og á grundvelli lýðheilsusjónarmiða, að koma í veg fyrir dreifingu matvæla sem í greinast sýklalyfjaónæmar bakteríur.

28. maí 2019Heilbrigðisráðuneytið, Heilbrigðismál, Líf og heilsa

Greiðsluþátttaka vegna tæknifrjóvgunar aukin umtalsvert

Svandís Svavarsdóttir heilbrigðisráðherra hefur sett reglugerð sem kveður á um aukna greiðsluþátttöku sjúkratrygginga í kostnaði þeirra sem fara í tæknifrjóvgun. Þegar reglugerðin tekur gildi verður greiðsluþátttaka sjúkratrygginga vegna tæknifrjóvgunar orðin meiri en hún hefur áður verið. „Það er ánægjulegt að geta gert þessa breytingu, því hún jafnar aðgengi fólks að mikilvægri þjónustu“ segir ráðherra.

27. maí 2019Heilbrigðisráðuneytið, Líf og heilsa, Fjármála- og efnahagsráðuneytið

Endurskoðað stjórnskipulag við uppbyggingu Landspítala

Ábyrgð á öllum verkþáttum sem varða uppbyggingu nýs Landspítala verður á einni hendi samkvæmt drögum að nýju skipulagi sem heilbrigðisráðuneytið og fjármála- og efnahagsráðuneytið hafa þróað. Markmiðið er að ná betri heildaryfirsýn yfir alla þætti verkefnisins þar sem í senn er horft til heildarskipulags, nýbygginga, nýtingar og aðlögunar eldri bygginga og rekstrar sjúkrahúss. Tillaga þessa efnis var samþykkt á fundi ríkisstjórnar sl. föstudag.

24. maí 2019Heilbrigðisráðuneytið, Heilbrigðismál, Líf og heilsa

Bið eftir aðgerðum: margþættur vandi sem kallar á fjölbreyttar úrlausnir

Ný úttekt Embættis landlæknis með ýtarlegri greiningu á biðlistum vegna valinna aðgerða og ástæðum þess að ekki hefur náðst ásættanlegur árangur við að stytta biðtíma varpar ljósi á margþættan vanda sem þarf að takast á við eftir ólíkum leiðum. Eftirspurn eftir liðskipaaðgerðum hefur aukist verulega á liðnum árum og umfram spár. Þróunin er sambærileg hér og hjá öðrum þjóðum. ​ ​ ​ ​ ​ ​ ​ ​ ​

24. maí 2019Heilbrigðisráðuneytið, Líf og heilsa

Ávarp heilbrigðisráðherra á þingi Alþjóðaheilbrigðismálastofnunarinnar

Harald Aspelund, sendiherra í Genf, flutti ræðu Svandísar Svavarsdóttur á 72. þingi Alþjóðaheilbrigðismálastofnunarinnar sem nú stendur yfir í Genf. Yfirskrift ræðunnar var Heilbrigðisþónusta fyrir alla – Skiljum engan eftir (e. Universal health coverage: leaving no-one behind) og fjallaði um megináherslur Íslands í heilbrigðismálum og þau verkefni sem nú eru í forgangi af hálfu stjórnvalda.

20. maí 2019Atvinnuvegaráðuneytið, Líf og heilsa, Landbúnaður, Lýðheilsa og forvarnir, Sjávarútvegur, Atvinnuvegir

Innkaupastefna matvæla fyrir ríkisaðila

Á fundi ríkisstjórnarinnar á föstudag var samþykkt tillaga Kristjáns Þórs Júlíussonar, sjávarútvegs- og landbúnaðarráðherra, um innkaupastefnu matvæla fyrir ríkisaðila. Íslenska ríkið kaupir matvæli fyrir um þrjá milljarða króna á ári og sem stórkaupandi getur það haft víðtæk áhrif á eftirspurn eftir matvælum, stuðlað að umhverfisvænum innkaupum, dregið úr kolefnisspori og eflt nýsköpun. Vonast er til að stefnan verði fordæmisgefandi fyrir sveitarfélög og aðra. Kjarni stefnunnar er að innkaup ríkisaðila á matvælum byggi á markmiðum um sjálfbærni, góða lýðheilsu og umhverfisvitund.

16. maí 2019Heilbrigðisráðuneytið, Heilbrigðismál, Líf og heilsa

Þrjátíu ný dagdvalarrými fyrir fólk með heilabilun

Opnuð hefur verið í Hrafnistu í Laugarási ný dagdvöl ætluð fólki með heilabilun, með aðstöðu fyrir 30 einstaklinga. Aðstöðunni var komið á fót með breytingum á húsnæði sem ekki var lengur unnt að nýta til reksturs hjúkrunarrýma. Heilbrigðisráðherra gerði nýsköpun og getuna til að sjá tækifæri í breyttum aðstæðum að umtalsefni í ávarpi sem hún flutti við vígslu deildarinnar.

16. maí 2019Heilbrigðisráðuneytið, Heilbrigðismál, Líf og heilsa

Ráðherra hitti fulltrúa notenda geðheilbrigðisþjónustu á samráðsfundi

Svandís Svavarsdóttir heilbrigðisráðherra hitti á fundi í heilbrigðisráðuneytinu í vikunni fulltrúa notenda geðheilbrigðisþjónustu. Þetta er í annað sinn sem slíkur samráðsfundur er haldinn en áformað er að halda þá tvisvar á ári. Verið er að ráða fulltrúa notenda inn í geðheilsuteymi Heilsugæslu höfuðborgarsvæðisins.

14. maí 2019Heilbrigðisráðuneytið, Líf og heilsa, Heilbrigðismál

Nýmæli í þjónustu Sjúkrahússins á Akureyri

Bjarni Jónasson, forstjóri Sjúkrahússins á Akureyri, fjallaði um ýmis nýmæli í þjónustu sjúkrahússins í ávarpi á ársfundi þess í liðinni viku. Hann sagði frá bættu vinnulagi sem hefur gert kleift að fjölga gerviliðaaðgerðum til muna og gerði einnig rafrænar lausnir og fjarþjónustu að umtalsefni. Elsa B. Friðfinnsdóttir, skrifstofustjóri í heilbrigðisráðuneytinu sótti fundinn og flutti ávarp fyrir hönd heilbrigðisráðherra.

12. maí 2019Heilbrigðisráðuneytið, Líf og heilsa, Dómsmálaráðuneytið

Brotið í blað í geðheilbrigðisþjónustu við fanga

Heilsugæslu höfuðborgarsvæðisins (HH) hefur verið falið að sinna geðheilbrigðisþjónustu við fanga í öllum fangelsum landsins. Stofnað verður sérhæft, þverfaglegt geðheilsuteymi fanga (GHTF) í þessu skyni sem mun starfa með og styðja við starfsemi heilsugæslunnar í fangelsum. Teymið verður hreyfanlegt og mun einnig nýta tæknilausnir á sviði fjarheilbrigðisþjónustu til að sinna þjónustunni. Samningur þessa efnis milli Sjúkratrygginga Íslands og Heilsugæslu höfuðborgarsvæðisins var undirritaður í fangelsinu á Hólmsheiði í dag.…

09. maí 2019Heilbrigðisráðuneytið, Heilbrigðismál, Líf og heilsa

Horft til framtíðar – Bein útsending kl. 17

Horft til framtíðar – málþing um menntakerfið og heilbrigðisþjónustuna verður haldið í Veröld, húsi Vigdísar í dag kl. 17.00. Menntun og mönnun í heilbrigðisþjónustunni, staða rannsókna og vísindastarfs og forysta til árangurs eru viðfangsefni fundarins. Fundurinn er öllum opinn og aðgangur ókeypis. Einnig verður streymt beint frá fundinum og verður útsendingin aðgengileg hér.

06. maí 2019Heilbrigðisráðuneytið, Heilbrigðismál, Lyfjamál, Líf og heilsa

Minnt á samráðsferli um rafræna fylgiseðla

Drög að stefnu um rafrænar lyfjaupplýsingar eru til umsagnar í samráðsgátt á vegum Lyfjastofnunar Evrópu o.fl. Stefnan fjallar um samræmingu upplýsinga um lyf á Evrópska efnahagssvæðinu og eru þar sett fram ýmis rök fyrir margvíslegum ávinningi af notkun rafrænna fylgiseðla. Hagsmunaaðilum og almenningi er gefinn kostur á að segja álit sitt á stefnudrögunum. Nánar er fjallað um málið á vef Lyfjastofnunar.

24. apr. 2019Líf og heilsa, Heilbrigðismál, Lyfjamál, Heilbrigðisráðuneytið

Tímamótasamstarf norrænna þjóða á sviði lyfjamála staðfest

Samstarf Íslands, Danmerkur og Noregs á sviði lyfjamála var staðfest með undirritun samkomulags í Reykjavík í gær. Lægra lyfjaverð, öruggara framboð lyfja og þar með aukið öryggi sjúklinga er sá ávinningur sem stefnt er að með samstarfinu. Með þessu eru orðin að veruleika áform um samvinnu sem hafa verið á dagskrá í norrænu samstarfi um langt árabil.