Efnisorð
Tegund

Leita eftir efnisorðum

Sýnir 1351–1400 af 1898
Raða eftir:
21. feb. 2018Mennta- og barnamálaráðuneytið

Heilsueflandi framhaldsskóli í Hafnarfirði

Flensborgarskóli er heilsueflandi framhaldsskóli og var hann fyrsti framhaldsskólinn á landinu til þess að innleiða þá hugmyndafræði. Í skólanum er unnið með jákvæða menntun, gróskuhugarfar, einbeitingu (núvitund) og almenna vellíðan. Námskrá skólans er sniðin utan um þessa hugsun og einkennist skólinn að sögn stjórnenda af sterkum skólabrag, jákvæðu andrúmslofti og hvetjandi vinnuanda.

03. feb. 2018Mennta- og barnamálaráðuneytið

Iðn- og starfsnám mikilvægt fyrir samfélagið

„Vinnustaðanám í starfsnámi“ var yfirskrift ársfundar Iðnmenntar sem haldinn var á Grand Hótel nýverið. Iðnmennt hefur í tæp 20 ár verið samráðsvettvangur fyrir iðn- og verkmenntaskóla í landinu. Auk þess að standa fyrir útgáfu og dreifingu námsgagna til iðn-, tækni- og starfsmenntaskóla hefur samstarfið falið í sér þróunarstarf og sameiginlega ígrundun um allt sem horfir til bóta í iðn-, starfs- og tæknimenntun hér á landi.

02. feb. 2018Mennta- og barnamálaráðuneytið

Menntakerfi sem undirbýr nemendur fyrir síbreytilegt hátæknisamfélag

Fjórða iðnbyltingin svokallaða breytir lífsháttum okkar og störfum og það er grundvallaratriði að menntakerfið sé í stakk búið til þess að undirbúa nýjar kynslóðir fyrir þessar miklu breytingar. Menntun á tímum fjórðu iðnbyltingarinnar var meðal umræðuefna á opnum fundi sem Félag atvinnurekenda efndi til í vikunni og var mennta- og menningarmálaráðherra á meðal þeirra sem ávörpuðu fundinn.

31. jan. 2018Mennta- og barnamálaráðuneytið

Lausn á bráðavanda Listaháskólans í sjónmáli

Húsnæðismál Listaháskóla Íslands hafa verið áberandi um nokkra hríð, en skólinn er í dag með starfsemi á 5 mismunandi stöðum. Nýverið kröfðust nemendur á sviðslistabraut við Listaháskólann þess að skólagjöld þeirra yrðu felld niður á vorönn vegna óviðunandi aðstæðna í húsnæði sviðslistabrautar við Sölvhólsgötu. Lilja Alfreðsdóttir, mennta- og menningarmálaráðherra, kynnti sér aðstæður á Sölvhólsgötu og átti samtal við stjórnendur og nemendur skólans.

29. jan. 2018Mennta- og barnamálaráðuneytið

Þekkingarsamfélag í nálægð við náttúruna

Framhaldsskólinn í Austur-Skaftafellssýslu hefur verið starfræktur á Höfn í Hornafirði síðan 1987. Hlutverk skólans er fyrst og fremst að bjóða upp á almennt bóknám en auk þess er lögð áhersla á starfsnám og eru námsbrautir í fjallamennsku og vélstjórn á A-stigi í boði. Nemendafjöldi er mjög mismunandi eftir árum en í vetur stunda um 100 staðnemendur nám við skólann og 90 fjarnemendur.

28. jan. 2018Umhverfis-٫ orku- og loftslagsráðuneytið, Mennta- og barnamálaráðuneytið, Náttúruvernd, Umhverfi og náttúruvernd

Vatnajökulsþjóðgarður hafi gildi fyrir allt mannkyn

Vatnajökulsþjóðgarður og hluti gosbeltisins verða tilnefnd á heimsminjaskrá UNESCO en Guðmundur Ingi Guðbrandsson, umhverfis- og auðlindaráðherra og Lilja Alfreðsdóttir, mennta- og menningarmálaráðherra, undirrituðu í dag tilnefninguna fyrir hönd íslenska ríkisins. Umsóknin verður afhent heimsminjaskrifstofu UNESCO í París miðvikudaginn 31. janúar 2018.

26. jan. 2018Mennta- og barnamálaráðuneytið

Rætt um aðgerðir í kjölfar #Églíka yfirlýsingar kvenna í menntageiranum

Konur innan menntageirans birtu í desember síðastliðnum yfirlýsingu undir merki #Églíka (#Metoo). Yfirlýsingunni fylgdu undirskriftir 737 kvenna, auk fjölda frásagna. Í yfirlýsingunni var þess óskað að settir yrðu upp skýrir verkferlar hjá menntastofnunum til að takast á við kynbundna áreitni og að boðið yrði upp á fræðslu fyrir starfsfólk og stjórnendur um birtingarmyndir hennar.

18. des. 2017Mennta- og barnamálaráðuneytið

Fjármögnun aðgerðaáætlunar um máltækni tryggð

Stórt skref í áttina að því að íslenskan verði hluti af stafrænum heimi framtíðarinnar. Fjórða iðnbyltingin er ekki lengur handan við hornið, hún er þegar hafin. Í ljósi þeirra miklu breytinga sem hún hefur í för með sér, þróunar stafrænnar tækni og áhrif hennar á allt okkar umhverfi er grundvallaratriði að lítið málsamfélag eins og Ísland sé þátttakandi í tæknibyltingunni, ekki áhorfandi.

15. des. 2017Mennta- og barnamálaráðuneytið

Náms- og starfsráðgjöf mikilvæg í framhaldsfræðslu

Lokaráðstefna Evrópuverkefnisins „Ráðgjöf og leiðsögn fyrir fullorðna“ (Guidance and Orientation for Adult Learners ― GOAL) fór fram þann 14. desember síðastliðinn. Í verkefninu var unnið að því að undirbúa og framkvæma stefnumótandi tilraun þar sem náms- og starfsráðgjöf fyrir fólk sem sækir síður en aðrir í nám, var þróuð og árangur af henni metinn.